Module Information

Mae'r modiwl yn cynnwys newid hinsawdd, llygredd, iechyd a defnydd adnoddau naturiol. Cyflwynir sefyllfaoedd enghreifftiol a datrysiadau, o newidiadau mewn ymddygiad i ddefnydd amgen o egni, a hynny ar lefel yr unigolyn, ar lefel cymdeithas, ac ar lefel byd-eang. Rhoddir cyngor ymarferol i hybu effeithlonrwydd amgylcheddol yn y cartref ac yn y gweithle. Mae'r modiwl, felly, yn darparu sgiliau galwedigaethol rhagorol sy'r pontio'r bwlch pwysig rhwng theori ac arfer yn y gwyddorau amgylcheddol.
Mae ethos y modiwl yn golygu bod rhaid i'r dulliau dysgu fod yn effeithlon o safbwynt yr amgylchedd. Darperir darlithoedd ar y We (drwy Blackboard) ac mae'r deunydd yn cynnwys sgriptiau darlithoedd hunanddysgu, pecyn gwybodaeth ar y We, a chod dysgu amgylcheddol. Bydd y myfyrwyr yn defnyddio'r strwythur hwn i fynd drwy ddeunydd y darlithoedd ar eu cyflymdra eu hunain. Bydd adnoddau gwe cymeradwyedig, a phapurau perthnasol ar ffurf ffeiliau pdf, hefyd yn cael eu rhoi ar Blackboard. Bydd myfyrwyr yn gallu trafod a syntheseiddio deunydd y darlithoedd mewn tiwtorialau a gweithdai sy'r gysylltiedig a'r darlithoedd hynny. Mae'r modiwl hefyd yn cynnwys ysgrifennu datganiadau amgylcheddol a chyflwyniad amgylcheddol sy'r seiliedig ar nifer o astudiaethau achos. Bydd ymarfer gwe `cyllideb carbon? yn rhoi i fyfyrwyr y dasg o wella effeithlonrwydd amgylcheddol mewn sefyllfa fusnes gyffredin. Drwy ddeunydd darlithoedd sy'r esbonio'r egwyddorion gwyddonol sylfaenol, a thrwy weithdai rhyngweithiol, bydd myfyrwyr yn dysgu sut i gloriannu a chyfuno tystiolaeth o nifer o ddulliau arbrofol a dadansoddol. Yn ogystal a chyflwyno gwahanol bynciau gwyddonol i fyfyrwyr, bydd y modiwl hwn yn rhoi iddynt fwy o hyder wrth gyflwyno pynciau gwyddonol yn gytbwys ac yn gywir.