Module Information

Caiff y modiwl hwn ei gymryd gan bob myfyriwr Cyfrifiadureg a Pheirianneg Meddalwedd yn y flwyddyn gyntaf; mae'n darparu fforwm lle dysgir holl fyfyrwyr y flwyddyn gyntaf gyda'i gilydd mewn un grwp.
Mae'r modiwl yn cynnwys deunydd nad yw'n cael ei gyflwyno mewn rhannau eraill o fodiwlau penodol ond sy'n hanfodol er mwyn ennill dealltwriaeth gyflawnach o'r maes yn gyffredinol.
Mae sgiliau trosglwyddadwy personol yn nodwedd bwysig i unrhyw beiriannydd meddalwedd ac mae'n rhan bwysig o'r modiwl hwn.

Gweinyddir y drefn fugeiliol a chyffredinol i fyfyrwyr y rhaglenni gradd hyn trwy gyfrwng y modiwl hwn.

Mae'r modiwl yn cynnwys deunydd i hyrwyddo datblygiad myfyrwyr fel gweithwyr proffesiynol yn eu maes. Datblygir rhychwant o sgiliau personol trosglwyddadwy o fewn i gyd-destun y diwydiant meddalwedd. Mae'r Gwasanaeth Gyrfaoedd yn rhoi cyngor i fyfyrwyr ynghylch cynhyrchu CV er mwyn llwyddo i ennill blwyddyn mewn gwaith.
Mae'r modiwl yn darparu tiwtora bugeiliol a chyffredinol ynghyd a fforwm lle dysgir yr holl fyfyrwyr gyda'i gilydd mewn un grwp.

Bydd dosbarthiadau tiwtorial wythnosol yn darparu'r gefnogaeth fugeiliol am y semester cyntaf ac yn rhoi fforwm i drafod agweddau technegol y deunydd a gyflwynir yn y modiwlau.
Cynlluniwyd y Penwythnos Gweithgareddau i wella sgiliau gwaith tim y myfyrwyr a datblygu ymhellach eu sgiliau rhyngweithio a chyfathrebu. Trwy gyfrwng cyfres o dasgau amrywiol a gynhelir drwy gydol y penwythnos, a ategir gan waith prosiect pellach, bydd sgiliau'r myfyrwyr wrth ddatrys problemau yn cael eu hymarfer.

1. Cynllunio Cyflwyniad : 1 ddarlith
Cyflwyniad i bwysigrwydd strwythur, amseru a chynnwys cyflwyniadau.

2. Llunio Curriculum Vitae o safon uchel : 1 ddarlith
Cyflwyniad gan y Gwasanaeth Cynghori ar Yrfaoedd.

3. Sut i ysgrifennu Saesneg Da : 2 ddarlith
Cyflwyniad i arddull a thechneg wrth ysgrifennu Saesneg da.

4. Gwneud y mwyaf o'ch profiad yn y brifysgol : 1 ddarlith
Gwneud y mwyaf o ddysgu wedi ei ganoli ar y myfyriwr.

5. Rheoli Amser : 1 ddarlith
Dadansoddi sut orau i reoli amser er mwyn gwneud y mwyaf ohono.

6. Rheoli grwp : 1 ddarlith
Sut i weithio'n effeithiol mewn tim.

7. Cyfeirio a dyfynnu : 1 ddarlith
Defnyddio deunydd sy'n bodoli eisoes. Ffyrdd cywir ac addas o gyfeirio a dyfynnu. Llen-ladrad.

8. Materion Rhyngwyneb Defnyddiwr : 1 ddarlith
Cynllunio wedi ei ganoli ar y defnyddiwr.
Rheolau Schneidermann. Egwyddorion Norman.

9. Techneg Arholiadau : 1 ddarlith
Cyfarwyddiadau safonol. Defnyddio amser, cynllunio. Arddull cwestiynau.

10. Dosbarthiadau Tiwtorial : 21 wythnos
Bydd gofyn i bob myfyriwr baratoi a rhoi cyflwyniadau ac arddangosiadau ar bapurau o'r deunydd darllen technegol ac ar agweddau penodol ar systemau medalwedd yr ymdrinnir a hwy yn y darlithoedd.

11. Sgiliau Cyfathrebu Personol - 1 Penwythnos

Rhannau mewn tim; dull Belbin a hunan asesu. Sgiliau rhyng-bersonol - a feithrinwyd mewn penwythnosau Sgiliau Tim cysylltiedig.

Penwythnos gweithgareddau