Module Information

Bwriad y modiwl hwn yw cynnig cyflwyniad i astudio strategaeth, i esblygiad rhyfela ac i astudio cudd-wybodaeth. Mae'n canolbwyntio ar rôl grym mewn cysylltiadau rhyngwladol, sut mae'n cael ei ddefnyddio a sut yr asesir posibiliadau ei ddefnyddio. Mae'n cynnwys pum elfen allweddol:

- defnyddioldeb grym yn yr oes fodern
- esblygiad rhyfela o gyfnod Napoleon hyd at y r Ail Ryfel Byd
- strategaeth yn yr oes niwclear
- rôl cudd-wybodaeth
- materion cyfoes mewn strategaeth ac astudiaethau diogelwch

Mae'r modiwl yn cynnwys pum adran gysylltiedig. Bydd y modiwl yn dechrau drwy drafod y defnydd o rym yn yr oes fodern, gan gynnwys dadleuon ynglyn â'r defnydd o rym a darfodedigrwydd rhyfel. Yna bydd yn ystyried esblygiad rhyfela modern o gyfnod Napoleon hyd yr oes niwclear, gan gynnwys y chwyldro Napoleonaidd a tharddiad rhyfela modern, dyfodiad rhyfel ddiarbed ac effaith technoleg ar ryfel, gan ddod â myfyrwyr hyd at ddyfodiad yr oes niwclear. Mae'r drydedd adran yn ymdrin â syniadaeth strategol yn yr oes niwclear, gan gynnwys damcaniaeth ataliaeth, strategaeth niwclear, rheoli arfau, rhyfela chwyldro-gerila a therfysgaeth. Yn bedwerydd, rhoir ystyriaeth i rôl cudd-wybodaeth, gan gynnwys cyfreithlondeb gweithgareddau casglu cudd-wybodaeth, cudd-wybodaeth a'r wladwriaeth, a gwrthysbïo. Yn olaf mae'r modiwl yn rhoi sylw i nifer o gwestiynau cyfoes ym maes strategaeth, gan gynnwys ymyrraeth ddyngarol, lluosogiad niwclear a'r rhyfel yn erbyn terfysgaeth.

Darlithoedd
Cyflwyniad i'r modiwl
1. Astudio Rhyfel a Rhyfel o fewn Cysylltiadau Rhyngwladol
2. Rhyfel Ewropeaidd yn 'oes y lliaws' (rhan I): Levee en masse
3. Rhyfel Ewropeaidd yn 'oes y lliaws' (rhan II): Rhyfel Diarbed
4. Grym y Môr a'r Awyr: o Salamis i Irac
5. Hanes ac Astudio Ysbïwriaeth a Chudd-wybodaeth
6. Twyll Strategol
7. Gweithredu Dirgel
8. Clausewitz a'i olynwyr (rhan I)
9. Clausewitz a'i olynwyr (rhan II)
10. Ataliaeth niwclear (rhan I)
11. Ataliaeth niwclear (rhan II)
12. Gwrthryfel, herwryfela a therfysgaeth (rhan I)
13. Gwrthryfel, herwryfela a therfysgaeth (rhan II)
14. Materion cyfoes o fewn astudiaethau diogelwch
15. Preifateiddio Diogelwch
16. Amddiffynfa rhag Taflegrau Balistig
17. Affrica: astudiaeth achos yn ymwneud â materion cyfoes
18. UDA a'r 'Rhyfel yn erbyn Terfysgaeth'.

Seminarau

Seminar 1: Rhyfel a grym
Seminar 2: Grym Morwrol ac Awyrennol
Seminar 3: Cudd-wybodaeth
Seminar 4: Clausewitz ac Astudiaethau Strategol Cyfoes
Seminar 5: Arfau Niwclear
Seminar 6: Grym Confensiynol a Rhyfela'r Dyfodol
Seminar 7: Ymyrraeth Ddyngarol a Chadw'r Heddwch
Seminar 8: Terfysgaeth a Rhyfeloedd Newydd