Module Information

Rhesymeg y modiwl dewisol hwn yw bod angen sylfeini theoretig a generig cadarn ar y rhai sy'r dymuno ymarfer a datblygu eu creadigrwydd barddonol.

Trwy ganolbwyntio ar ffurfiau'r canu caeth a rhydd, bydd y modiwl hwn yn galluogi myfyrwyr i ddatblygu rhychwant eang o ddulliau ysgrifennu barddoniaeth ac yn rhoi canllaw iddynt ymateb i ofynion llenyddol yn ol natur y testun, y gynulleidfa, genre a'r arddull.

Bydd y modiwl hwn yn gyfle i archwilio ac i ddatblygu amcanion barddol ac i drafod gweithiau barddol ar-y-gweill mewn awyrgylch beirniadol, adeiladol a chreadigol. Cynigir cyfres o ddarlithiau, seminarau a gweithdai dan fugeiliaeth y staff a llenorion gwadd a fydd yn ystyried barddoniaeth fel ffurf ar ymchwil ddiwylliannol, a hynny yn sgil cysylltiad nifer o feirdd o arwyddocad cenedlaethol a'r Adran: T. Gwynn Jones, T. H. Parry-Williams, Gwenallt, Bobi Jones, Iwan Llwyd, Twm Morys ac Eurig Salisbury. Cynhelir sesiynau dwyawr, sef darlith a seminar atgyfnerthol i ddilyn. Cynhelir ambell sesiwn ar ffurf gweithdy lle disgwylir i'r myfyrwyr arwain, gan gyflwyno a thrafod eu gwaith eu hunain yn ogystal a gwaith ei gilydd. I raddau bydd pwyslais y sesiynau hyn yn dibynnu ar ddiddordebau'r myfyrwyr dan sylw.

• Dadansoddiad technegol/thematig o waith beirdd enghreifftiol (2 sesiwn dwyawr; darlith a seminar i ddilyn)
• Mathau o farddoniaeth (1 sesiwn dwyawr)
• Dulliau'r canu rhydd: y delyneg draddodiad, y soned, y rhigwm (3 sesiwn dwyawr)
• vers libre (1 sesiwn dwyawr)
• Y gynghanedd a ffurfiau Cerdd Dafod; (3 sesiwn dwyawr, un ohonynt yn weithdy)

Nid anelir y modiwl hwn at ddechreuwyr pur yn y maes. Disgwylir y bydd gan fyfyrwyr ddiddordeb mewn barddoniaeth yn barod ac y byddant eisoes wedi cynhyrchu peth gwaith barddonol. E.e. mae'r bosib y byddai rhai myfyrwyr wedi cyfansoddi cerddi ar gyfer cystadlaethau eisteddfodol neu ar gyfer y modiwl Ysgrifennu Creadigol israddedig.