Amlinelliad o Fodiwl (Themau darlithoed)
Sefydliadau a phrosesau cydwladol:

Darlith 1: Arolwg bras o sefyllfa gymdeithasol a gwleidyddol y byd.

Darlithoedd 2-4: Prosesau a sefydliadau byd-eang. Y drefn fydol newydd a chwymp Imperialaeth. Rol y Cenhedloedd Unedig yn y byd modern. Y Rhyfel Oer a'r "heddwch" presennol.

Darlithoedd 5-6: Yr Ewrop Newydd - manteision economaidd, gwleidyddol a chymdeithasol?

Sefydliadau a phrosesau cenedlaethol:
Darlithoedd 7-8: Y Wladwriaeth: archwilio themau amrywiol gan gynnwys ffurfiant gwladwriaethau, a'r gwahanol fathau o wladwriaethau sydd wedi bodoli.

Darlithoedd 9-10: Cenedlaetholdeb a diwylliannau lleiafrifol.

Darlithoedd 11-12: Anghydfodau ffiniau hanesyddol a modern.

Sefydliadau a phrosesau lleol:
Darlithoedd 13-14 : Daearyddiaeth etholiadol.

Darlithoedd 15-17: Y wladwriaeth leol a dinasoedd byd-eang.

Darlith 18: Casgliad a thrafodaeth.

Nod y modiwl
Bydd y modiwl hwn yn darparu ymwybyddiaeth eang i'r myfyrwyr o'r amryw themau sydd yn perthyn i bwnc daearyddiaeth wleidyddol, a hynny ar bob graddfa daearyddol. Bydd y modiwl yn ysgogi'r myfyrwyr i astudio digwyddiadau yn y cyfryngau mewn modd beirniadol, a'u canfyddu fel enghreifftiau o brosesau gwleidyddol a daeryddol ehangach mwy amwys.

Amcanion y modiwl / canlyniadau dysgu
Wedi cwblhau'r modiwl hwn bydd y myfyrwyr yn gallu (1) cyfathrebu yn helaeth am y gwahanol ddadansoddiadau a chysyniadau sydd yn ceisio esbonio daearyddiaeth wleidyddol y byd; (2) dangos dealltwriaeth eang o'r ffordd y mae realiti gwleidyddol y byd yn cael ei guddio oddi wrth brofiad unigolion gan y wladwriaethol genedlaethol; (3) dod a themau'r cwrs a'r darllen craidd at ei gilydd; (4) dadansoddi adroddiadau ac erthyglau yn y cyfryngau mewn modd beirniadol a'u clymu i mewn i brif themau'r cwrs.