Disgrifiad cryno
Yn y modiwl hwn, byddwch yn astudio gwahanol ddulliau o drefnu gofod y theatr er mwyn dadansoddi'r berthynas rhwng y drefniadaeth ofodol a natur neu ystyr y digwyddiad theatraidd yn ei grynswth. Ar ddechrau'r cwrs, fe drafodir y cysyniad o ofod yn gyffredinol, gan nodi'r berthynas gynhenid rhwng ymwybyddiaeth yr unigolyn o ofod ac ymwybyddiaeth yr unigolyn o'i gorff/o'i chorff. Yna, yn ystod y sesiynau canlynol, fe astudir ymddygiad tyrfaoedd, gan nodi rhai o'r dulliau perfformio a ddatblygwyd mewn perthynas a'r ymddygiad hwnnw. Dangosir bod theatr yn yr ystyr gyfoes wedi'i datblygu yn raddol wrth ffurfioli'r berthynas rhwng y dyrfa a'r perfformiwr.

Ar ddiwedd y cwrs, fe fyddwch yn sefyll arholiad ymarferol le y gofynnir i chi gyflwyno prosiect ymarferol; ac fe gyflwynir nifer o sesiynau llai ffurfiol fel paratoad ar gyfer y prosiect hwn.