Cod y Modiwl | GW10110 | ||
Teitl y Modiwl | GWLEIDYDDIAETH RYNGWLADOL1:REALAETH WLEDYDDOL | ||
Blwyddyn Academaidd | 2000/2001 | ||
Cyd-gysylltydd y Modiwl | Dr Brian Schmidt | ||
Semester | Semester 1 | ||
Elfennau Anghymharus | IP10110 | ||
Manylion y cyrsiau | Seminarau / Tiwtorialau | 5 Awr Nifer y Seminarau 5 x 1 awr (yn Gymraeg) | |
Darlith | 20 Awr Nifer y Darlithiau 20 x 1 awr (yn Saesneg) | ||
Dulliau Asesu | Arholiad | 2 Awr Arholiad 2 awr | 70% |
Traethawd | Traethawd 1,500 o eiriau. | 30% |
Disgrifiad cryno
Mae'r modiwl hwn yn canolbwyntio ar un dull o ystyried Gwleidyddiaeth Ryngwladol, sef y safbwynt Realaidd. Mae yna
ddulliau eraill, a thrafodir y rhain ym modiwl yr ail semester (GW10310). Diben y modiwl hwn yw cyflwyno'r modd
traddodiadol o egluro Gwleidyddiaeth Ryngwladol. Fel y cyfryw, bydd yn cynnig fframwaith trefnus er mwyn esbonio'r pwnc, gan gyflwyno hefyd brif faterion a themau cysylltiadau rhyngwladol cyfoes.
Tair rhan sydd i'r modiwl: Cyd-destun: sy'n edrych ar esblygiad y gyfundrefn ryngwladol, gan gynnig hanes cryno o'r modd yr
eglurwyd Gwleidyddiaeth Ryngwladol yn yr ugeinfed ganrif; Cysyniadau: sy'n cyflwyno prif gysyniadau Gwleidyddiaeth
Ryngwladol megis grym, cydbwysedd grym, moesoldeb, cyfundrefnau rhyngwladol a'r gymdeithas ryngwladol;
Cwestiynau: sy'n gosod cyfres o gwestiynau allweddol am Wleidyddiaeth Ryngwladol gan drafod materion megis pwy sy'n
gweithredu yng ngwleidyddiaeth y byd, sut mae llunio polisi tramor, beth yw'r offer ar gyfer gweithredu ar bolisi tramor, pam
y ceir rhyfel, a beth yw'r prif gyfyngiadau ar weithredoedd arweinwyr y gwladwriaethau?
Nod y modiwl
Cynnig cyflwyniad cydlynol i ddamcaniaeth bennaf Gwleidyddiaeth Ryngwladol a'ch cynorthwyo i esbonio patrymau Gwleidyddiaeth Ryngwladol.
Amcanion
Ar ddiwedd y modiwl dylech fedru:
- ddisgrifio esblygiad a natur y gyfundrefn ryngwladol
- amlinellu ac asesu prif gysyniadau y disgrifiad Realaidd o Wleidyddiaeth Ryngwladol
- cynnig atebion i'r pum cwestiwn a osodwyd yn y modiwl ynghylch patrymau Gwleidyddiaeth Ryngwladol
- nodi ac asesu'r dewisiadau sydd ar gael i arweinwyr gwladwriaethau, a medru egluro'r cyfyngiadau sydd ar eu gweithredoedd
- amlygu ymwybyddiaeth o gryfderau a gwendidau'r fframwaith realaidd gan nodi pa fframweithiau eraill sydd ar gael.
Elfennau anghymharus IP10110
Rhestr Ddarllen
Llyfr
J Baylis & S Smith.
the Globalization of World Politics. OUP 1997
K Holsti.
International Politics: A Framework for Analysis 7th ed. prentice-Hall 1995
P Viotti & M Kauppi.
International Relations theory 2nd ed. Macmillan 1993
Jack Donnelly.
Realism. Cambridge University Press 2000