Nod
Prif amcan y modiwl hwn yw sicrhau bod gan fyfyrwyr ddealltwriaeth soffistigedig o'r cysyniadau allweddol sydd eu hangen i astudio Gwleidyddiaeth a Gwleidyddiaeth Ryngwladol ar lefel anrhydedd. Byddai hyn yn cynnwys: cysyniadau allweddol yn y llenyddiaeth ar y genedl-wladwriaeth, astudiaethau diogelwch, economi wleidyddol ryngwladol ac ymchwilio hanesyddol. Bydd darlithiau a gwaith darllen yn canolbwyntio ar ystyr y prif gysyniadau yn y maes, eu lle yn y darlun ehangach, a sut i'w cymhwyso wrth ddadansoddi'n ddamcaniaethol ac yn ymarferol.

Amcanion
Erbyn diwedd y modiwl bydd myfyrwyr yn:

• meddu ar ddealltwriaeth soffistigedig o'r cysyniadau allweddol sydd eu hangen i astudio Gwleidyddiaeth a Gwleidyddiaeth Ryngwladol ar lefel anrhydedd
• cymhwyso'r ddealltwriaeth hon i feysydd astudio eraill, gan gynnwys datblygu a chynllunio'r traethawd estynedig (IP36820) a'r traethawd estynedig ei hun (IP36720).

Mae'r modiwl yn trafod yr holl brif feysydd pwnc/ymchwil yn yr Adran. Bydd pedair cyfres o ddarlithiau yn ystod y modiwl. Ar ddiwedd pob cyfres o ddarlithiau cynhelir `bord gron' dan gadeiryddiaeth Cydlynydd y Modiwl a bydd gofyn i fyfyrwyr godi cwestiynau ac ysgogi trafodaeth ar faterion penodol a drafodwyd yng nghwrs y darlithiau. Er mwyn llunio cwestiynau trefnir myfyrwyr yn grwpiau anffurfiol a fydd yn gweithio y tu allan i'r amserlen ffurfiol er mwyn trafod materion pellach yn sgil y darlithiau. Hefyd, ar ol pob `bord gron' bydd awr o drafod anffurfiol i annog trafodaeth a dadl yn ogystal ag i roi i fyfyrwyr y cyfle i ddod i adnabod staff (gan gynnwys staff dysgu rhan amser) o wahanol feysydd dysgu/ymchwil yn yr Adran.

10 credydau ECTS