Disgrifiad cryno
Mae'r amgylchedd erbyn hyn ar yr agenda wleidyddol ryngwladol. Oherwydd cysylltiadau di-rif a chyd-ddibyniaeth ecolegol mae'n eglur fod yn rhaid delio a phroblemau amgylcheddol ar raddfa ryngwladol, os nad yn fyd-eang. Mae ymchwilio i?r amgylchfyd ar lefel fyd-eang yn amlygu problemau sydd ynghlwm wrth sicrhau cydweithio ryngwladol mewn byd lle mae gwledydd yn sofran. Mewn rhai agweddau mae'r amgylchedd yn unigryw, ond mae hefyd yn rhannu nodweddion strwythurol eraill economi gwleidyddol megis lles dynol a diogelwch. Ar ol trafod pedair trafodaeth ecolegol wleidyddol, mae'r modiwl yn ystyried tebygolrwydd sicrhau cydweithio gydwladol. Mae'r modiwl yn cymharu profiadau a syniadaeth y "De" a'r "Gogledd" ac yn ymchwilio yn fanwl i enghreifftiau o ddifrodi natur yn y byd cyfoes, sef newid ar yr hinsawdd a cholli rhywogaethau biolegol. Mae'r modiwl hefyd yn ymdrin a swyddogaeth a dyfodol y wladwriaeth yng ngwleidyddiaeth ryngwladol yr amgylchedd.

Nod

Prif amcan y modiwl yw eich galluogi i ymgorffori yr amgylchedd o fewn corpws damcaniaethau a gweithrediant gwleidyddiaeth ryngwladol

Amcanion
Ar diwedd y modiwl byddwch yn medru:

• pennu gwerth y trafodaethau ecolegol pwysicaf

• cysylltu difrodi i fyd natur a'r cyd-destun economaidd, cymdeithasol a gwleidyddol

• disgrifio tebyolrwydd cydweithio ryngwladol i arbed yr amglychedd

• deall economi gwleidyddol problemau amgylcheddol cyfoes

10 credydau ECTS