Amcanion
Bwriad y cwrs yw cyflwyno y prif ffrydau deallusol sydd wedi sbarduno gweithgaredd gwleidyddol yng Nghymru yn ystod y ganrif hon. Byddwn yn bwrw golwg ar y traddodiad Rhyddfrydol, y traddodiad Sosialaidd a'r traddodiad Genedlaethol gan drafod eu prif nodweddion syniadaethol a'u gosod yn eu cyd-destun cymdeithasol ehangach. Drwy'r cyfan fe fyddwn yn rhoi ystyriaeth i'r modd y mae'r traddodiadau yma wedi ymdrin a thri cysyniad gwleidyddol holl bwysig: dosbarth, cymuned a chenedl.

Mae'r modiwl wedi ei drefnu o amgylch astudiaeth o destunau arbennig - testunau sydd yn crynhoi corff o syniadau, neu a oedd eu hunain yn sbardun i weithgaredd gwleidyddol.

10 credydau ECTS

Nod
Mae amcanion y modiwlau yn rai cyffredinol ac arbennigol. Ymysg yr amcanion arbennigol, disgwylir y byddwch yn datblygu'r gallu i drafod y canlynol:

• prif nodweddion syniadaethol y prif draddodiadau gwleidyddol yng Nghymru, hynny yw, Rhyddfrydiaeth, Sosialaeth a Chenedlaetholdeb;

• y modd y mae'r traddodiadau hyn wedi ymdrin a'r cysyniadau gwleidyddol canlynol: dosbarth, cymuned a chenedl;

• y graddau a ellir honni bod yna ffurf o feddwl gwleidyddol sydd yn nodweddiadol Gymreig.