Disgrifiad cryno
Ceir archwiliad manwl ar hynt a helynt hanes Rwsia yn y cyfnod allweddol rhwng ad-drefniant mawr Alecsandr II hyd at Chwyldro 1917 yn y cwrs hwn. Bellach mae haneswyr yn cefnu ar yr hen ddehongliadau oedd yn ystyried y cyfnod yn bennaf fel paratoad am chwyldro rhagarfaethedig. Nid yr arbenigwyr yn unig sy'n ail-feddwl, yn y Rwsia newydd mae chwilfrydedd mawr am y gymdeithas ddiflanedig. Mae hen draddodiadau (a phroblemau) yn dychwelyd, gan roi ysgogiad ymarferol i fyfyrio ar y cyfnod. I'r sawl a ymddiddora ym mhrofiadau cyfoesol "datblygu" tu allan i Ewrop mae enghraifft Rwsia, y wladwriaeth gyntaf i geisio dal y Gorllewin, o bwys hyd heddiw.

Rhoddir sylw llawn i newidiadau enfawr cymdeithas fyrlymus y Rwsia cyn-chwyldroado a'r berthynas ryngddynt a'r llywodraeth. Ceir darlithoedd ar fudiad y gweithwyr, dadleuon y deallusion am ddyfodol Rwsia, datblygiadau ym myd addysg, blodeuo godidog yn nywilliant y wlad a hanes y cenhedloedd "bychain", yn ogystal a thriniaeth o hanfod "adwaith" Alecsandr III neu'r frenhiniaeth gyfansoddiadol o 1905 ymlaen.