Cod y Modiwl |
GWM1630 |
Teitl y Modiwl |
DATGANOLI A CHYNULLIAD CENEDLAETHOL CYMRU |
Blwyddyn Academaidd |
2002/2003 |
Cyd-gysylltydd y Modiwl |
Miss Rebecca M Jones |
Semester |
Semester 2 |
Manylion y cyrsiau |
Seminarau / Tiwtorialau | 22 Awr 1 x 2 awr yn wythnosol am 10 wythnos |
Dulliau Asesu |
Arholiad Semester | 3 Awr | 50% |
|
Asesiad Semester | Traethodau: 1 x 3,000 o eiriau | 50% |
|
Arholiad Ailsefyll | Students may, subject to Faculty approval, have the opportunity to resit this module, normally during the supplementary examination period. For further clarification please contact the Teaching Programme Administrator in the Department of International Politics. | |
Canlyniadau dysgu
Disgwylir y bydd pawb sy'n dilyn y modiwl yn:
- dirnad, deall a gwerthuso'r prif faterion a fu'n destunau trafod yng ngwleidyddiaeth Cymru er 1999
- datblygu dealltwriaeth drylwyr o strwythurau llywodraethol, y broses polisi, a'r cyd-destun cyfansoddiadol/gwleidyddol, yn y Gymru ddatganoledig
- dadansoddi'r berthynas rhwng y Cynulliad Cenedlaethol a haenau llywodraethol eraill, a
- deall y datblygiadau yng Nghymru yng nghyd-destun datblygiadau ehangach ar y lefel Brydeinig ac Ewropeaidd.
Disgrifiad cryno
Y modiwl hwn fydd y cwrs craidd i fyfyrwyr sydd yn dilyn y cynllun 'S'. Prif nod y modiwl yw cyflwyno myfyrwyr i ddatblygiadau yng ngwleidyddiaeth Cymru ers sefydlu Cynulliad Cenedlaethol Cymru yn 1999.
Nod
Prif amcan y modiwl yw cynnig astudiaeth gynhwysfawr o wleidyddiaeth yng Nghymru ar ol datganoli. Yr amcan yw datblygu dealltwriaeth fanwl o'r cytundeb datganoli yng Nghymru, a hybu dealltwriaeth o gysyniadau a chwestiynau damcaniaethol sydd yn berthnasol i ddatganoli yng Nghymru.
Cynnwys
Bydd y modiwl yn trafod gwahanol agweddau ar wleidyddiaeth Cymru ers sefydlu Cynulliad Cenedlaethol Cymru, gan ganolbwyntio ar strwythurau llywodraethol, y broses o lunio polisi ac agweddau cyfreithiol, cyn symud ymlaen i drafod rol y Cynulliad Cenedlaethol o fewn gwleidyddiaeth Cymru a gwleidyddiaeth y Deyrnas Gyfunol.
Bydd y seminarau yn trafod gwahanol agweddau ar wleidyddiaeth Cymru ers sefydlu'r Cynulliad gan ganolbwyntio ar y broses o gynllunio'r sefydliad newydd, seiliau cyfansoddiadol y Cynulliad, y strwythurau mewnol a'r fframwaith cyfreithiol. Bydd gweddill y seminarau yn canolbwyntio ar y broses creu polisi yng Nghymru cyn symud ymlaen i drafod y cysyniad o gynrychiolaeth a chyfreithlondeb. Yn olaf, bydd y modiwl yn gwerthuso perthynas y Cynulliad Cenedlaethol gyda sefydliadau llywodraethol a chymdeithasol y tu hwnt i Gymru.
Sgiliau trosglwyddadwy
Rhoddir cyfle i fyfyrwyr ddatblygu, ymarfer a phrofi ystod eang o sgiliau trosglwyddadwy a fydd oll o gymorth iddynt wrth geisio deall, dadansoddi a gwerthuso digwyddiadau gwleidyddol, manylder technolegol a chysyniadau damcaniaethol. Trwy gydol y modiwl anogir myfyrwyr i ymarfer eu sgiliau darllen a dadansoddi, hogi eu sgiliau rheoli amser, ac i ddeall arwyddocad rhifau syml. Yn y seminarau ceir cyfle i wella sgiliau dadansoddiadol a chyfathrebu, yn ogystal a'r gallu i weithio fel rhan o dim. Ceir cyfle I ddatblygu'r sgiliau yma yn gyhoeddus trwy gyfrwng gweithdy a drefnwyd rhwng y myfyrwyr a gwleidyddion a gweision sifil yng Nghymru. Wrth baratoi traethodau caiff myfyrwyr eu hannog i ddatblygu eu gallu i ymchwilio'n annibynnol ymhellach, ac i wella eu sgiliau ysgrifennu a TG. Yn yr arholiadau, profir sgiliau dadansoddiadol ac ysgrifennu o fewn cyfyngder amser.
15 Credydau ECTS