Canlyniadau dysgu

- cylfwyno trafodaeth gynhwysfawr o werth y traddodiad dramataidd yng Nghymru ochr yn ochr a`r traddodiad Prydeinig ac Ewropeaidd

- llunio trafodaeth gytbwys o`r berthynas rhwng yr elfennau cyndeithasol a`r elfennau artistig o fewn gwaith unrhyw un o`r dramodwyr a astudiwyd.

- cymhwyso`r wybodaeth a gyflwynir yn y sesiynau dysgu wrth geisio tafoli dylanwad a gwerth y dramau a astudiwyd

- ymateb yn gryno a hyblyg i gwestiynau ynglyn a thechneg dramataidd y dramodywr a astudiwyd, gan sylwi`n arbennig i ba raddau y mae gweledigaeth y cyfryw ddramodwyr yn gynnyrch eu cymdeithas, as i ba raddau y mae`n gwrthdaro a`u cyndeithas

Disgrifiad cryno

Yn y modiwl hwn, astudir dramau o 1913 i`r presennol yng nghyd-destun ein gorolwg o ddatblygiad y Theatr Gymraeg yn y ganrif hon. Yn narlithoedd y modiwl hwn, edrychir ar dwf y mudiad ar droad y ganrif ac ar ddylanwad Ibsen a`i ddilynwyr ar ffurf a chynnwys y ddrama gegin Gymraeg. Ystyrir i ba raddau y datblygwyd ac y gwyrwyd y `traddodiad` Ibsenaidd cynnar gan rai o`r dramodwyr amlycaf a ddaeth wedi hynny, gan gynnwys Saunders Lewis, John Gwilym Jones, Gwenlyn Parry, Wil Sam a Meic Povey.

Nod

Ein nod wrth gyflwyino`r modiwl hwn yw eich galluogi i wneud y canlynol:

- annog y myfyrwyr i werthfawrogi datblygiad hanesyddol y ddrama Gymraeg yn ystod yr Ugeinfed Ganrif.

- gosod rhai o ddramau amlycaf y cyfnod yn eu cyd-destun athronyddol, cymdeithasol ac artistig

- trafod i ba raddau y mae gweledigaeth dramodwyr Cymraeg y cyfnod yn gynnyrch eu cymdeithas, ac i ba raddau y mae`n gwrthdaro a`u cymdeithas.

Rhestr Ddarllen

Nodau

Mae'r modiwl hwn ar Lefel 6 FfCChC