Ceir gwared â sbwriel cyffredin swyddfeydd, megis
papur a chardfwrdd, yn feunyddiol gan y porthorion a'r staff glanhau. Mae'r
Gwasanaethau Tŷ yn ymroddedig i leihau swm y gwastraff hwn
trwy gydweithio'n agos â'r Cynghorydd Iechyd, Diogelwch a'r Amgylchedd, a thrwy
annog adrannau i ailddefnyddio ac ailgylchu. Ymhlith y deunydd y gellir eu
hailgylchu mae:
- Papur
- Cardfwrdd
- Cetris Argraffu ac Arlliw
- Ffonau Symudol
- Caniau Diodydd
- Poteli Plastig
- Gwydr
- Tecstiliau a Sgidiau
- Batris
Mannau Ailgylchu Prifysgol Aberystwyth
Ceir mannau ailgylchu ledled y campws, y tu fewn i adeiladau a thu allan.
Cliciwch ar y un or tair linc isod i gweld y man ailgylchu agosaf.
Gwastraff Cyfrinachol
Os nad oes gan eich adran beiriant rhwygo ei hun, neu os oes cryn dipyn o
deunydd yr ydych angen ei ddifa, mae gan y Brifysgol wasanaeth gwastraff
cyfrinachol.
- Mae Sachau Gwastraff Cyfrinachol ar gael gan eich gofalwr lleol neu
wrth trefnu gyda Swyddog or Gwasanaethau Tŷ ar estyniad
2822 neu 8519.
- Ni ddylid llenwi'r sachau mwy na thri chwarter llawn. Pan fyddant yn llawn,
dylid eu clymu yn dynn gyda'r clymwr plastig a ddarperir.
- Cysylltwch â'ch gofalwr lleol er mwyn trefnu casglu'r
sachau a chofiwch gadw gwastraff cyfrinachol mewn man diogel bob amser.
- Mae'r gwasanaeth hwn yn ddrud a dylid ei ddefnyddio ar gyfer deunydd
cyfrinachol yn unig.
Offer T.G Diangen
Mae'r Gwasanaethau Tŷ yn gweithio hyd eithaf eu gallu i
ailddefnyddio offer T.G diangen, trwy weithredu trefniant gwaredu sy'n golygu
bod y deunydd yn cael ei drwsio pan fo'n bosibl - gweler
trefniadau gwaredu offer T.G. diangen.
Cyfrifoldeb adrannau unigol yw cael gwared o offer heblaw deunydd
cyfrifiadurol sy'n ddiangen, megis deunydd o weithdy neu labordy.
|
