CYFANSODDIAD

CLWB CERDD PRIFYSGOL CYMRU ABERYSTWYTH

Diwygiwyd fersiwn 1990 gan y Pwyllgor ar 6 Rhagfyr 2001 a 10 Ionawr 2002. Cafodd ei gymeradwyo gan y Cyfarfod Cyffredinol Blynyddol ar 2 Mai 2002.

1 Teitl

1.1 Teitl llawn swyddogol y Clwb fydd Clwb Cerdd Prifysgol Cymru Aberystwyth.

1.2 Y teitl byr ar gyfer defnydd cyffredinol fydd Clwb Cerdd Aberystwyth.

2 Nod a gweithgareddau

2.1 Nod y Clwb fydd cefnogi gwerthfawrogiad o gerddoriaeth drwy hyrwyddo cyngherddau gweithgareddau perthnasol eraill.

2.2 Bydd y Clwb yn ategu at y ddarpariaeth o gyngherddau mawr cerddorfaol a chorawl yn Aberystwyth trwy drefnu rhaglenni o ddatganiadau gan ensembles llai ac unawdwyr.

2.3 Bydd y Clwb yn cydweithio gyda’r awdurdod addysg leol ac ysgolion er mwyn hybu ei waith addysgiadol drwy weithdai a dosbarthiadau meistr ar gyfer disgyblion o ysgolion lleol.

2.4 Bydd y Clwb yn cydweithio gyda’r Brifysgol a mudiadau cyhoeddus a gwirfoddol er mwyn ehangu mynediad i’w ddatganiadau, yn enwedig i’r henoed a’r rhai dan anfantais.

2.5 Bydd y Clwb bob amser yn gweithredu ei bolisïau o (a) gyfle cyfartal o fynediad i’w weithgareddau a (b) diogelu plant yng nghyd-destun y gweithdai a dosbarthiadau meistr a gyfeirir atynt yn adran 2.3 uchod.

3 Aelodaeth

3.1 Bydd Aelodaeth ar agor i bawb sydd yn cefnogi amcanion y Clwb wrth dderbyn taliad o’r tanysgrifiad blynyddol priodol.

3.2 Bydd y Pwyllgor yn penderfynu y categorïau o aelodaeth.

3.3 Bydd hawl gan aelodau fynychu pob gweithgaredd a hyrwyddir gan y Clwb, i gynnig bobl i wasanaethu ar y Pwyllgor ac i bleidleisio yn y Cyfarfod Cyffredinol Blynyddol.

3.4 Gall person nad yw’n aelod fynychu unrhyw ddigwyddiad a hyrwyddir gan y Clwb drwy brynu tocyn priodol.

4 Perthynas â Phrifysgol Cymru Aberystwyth a mudiadau eraill.

4.1 Bydd y Pwyllgor yn gweithio mewn cydweithrediad â Chyfarwyddwr a Staff Canolfan y Celfyddydau, Aberystwyth.

4.2 Bydd y Pwyllgor yn gweithio mewn cydweithrediad â Chyfarwyddwr Cerdd Prifysgol Cymru Aberystwyth.

4.3 Bydd hawl gan y Pwyllgor i gydweithio a thrafod telerau gyda chlybiau cerdd eraill a mudiadau tebyg yng Nghymru a’r Gororau.

5 Rheolaeth

5.1 Cyffredinol

Bydd y dewis o artistiaid a rhaglenni, hyrwyddiad cyffredinol y Clwb a’i weithgareddau, a denu aelodau newydd yn nwylo Pwyllgor a etholwyd yn y Cyfarfod Cyffredinol Blynyddol.

5.2 Cyllid

Bydd lefel y tanysgrifiad ar gyfer bob blwyddyn academaidd yn cael ei benderfynu gan y Pwyllgor.

Bydd y Trysorydd Anrhydeddus yn cadw llygad cyffredinol ar gyllideb y Clwb ac yn gyfrifol am y cyfrifon.

Bydd Canolfan y Celfyddydau Aberystwyth, sydd yn glwm i archwiliad gan archwilwyr y Brifysgol, yn delio â holl arian y Clwb.

5.3 Cyhoeddusrwydd

Bydd y Pwyllgor yn gyfrifol am gyhoeddusrwydd ar y cyd â Chanolfan y Celfyddydau Aberystwyth.

6 Pwyllgor

6.1 Bydd y Pwyllgor yn cynnwys y Swyddogion ac Aelodau canlynol:

Swyddogion:	Cadeirydd Is-Gadeirydd Ysgrifennydd Anrhydeddus Trysorydd Anrhydeddus Swyddog Cyhoeddusrwydd Anrhydeddus
Swyddogion yn rhinwedd eu swyddi:	Y Cyn Gadeirydd mwyaf diweddar Cyfarwyddwr, Canolfan y Celfyddydau Aberystwyth Ymgynghorydd Rhaglen Anrhydeddus Cyfarwyddwr Cerdd, Prifysgol Cymru Aberystwyth Ymgynghorydd Cerdd Ceredigion (neu enwebedig) Rheolwr Gwasanaeth Cerdd Ceredigion
Aelodau a etholwyd	2 Aelod Staff Prifysgol Cymru Aberystwyth 2 Aelod Ardal Aberystwyth 2 Aelod Fyfyrwyr

6.2 Bydd y Swyddogion yn cael eu hethol yn y Cyfarfod Cyffredinol Blynyddol i wasanaethu am tair blynedd ganlynol. Byddant yn gymwys i’w hail-ethol.

Bydd Aelodau Staff Prifysgol Cymru ac Aelodau Ardal Aberystwyth yn cael eu hethol yn y Cyfarfod Cyffredinol Blynyddol i wasanaethu am y tair blynedd ganlynol. Byddant yn gymwys i’w hail – ethol a chael eu henwebu fel Swyddogion y Clwb.

6.3 Bydd yr enwebedig a’r enwebwyr yn aelodau llawndaledig o’r Clwb. Anfonir enwebiadau i’r Ysgrifennydd Anrhydeddus, yn ysgrifenedig, wedi eu harwyddo gan yr enwebedig a’r enwebwr/yr, ynghyd â chaniatâd yr enwebedig.

Os bydd y nifer o enwebiadau yn llai na’r llefydd ar gael, gall y Cadeirydd ofyn am enwebiadau yn y Cyfarfod Cyffredinol Blynyddol.

6.4 Bydd gan y Pwyllgor yr hawl i enwebu a chyfethol .

6.5 Bydd swydd hefyd fel Llywydd Anrhydeddus y Clwb, i’w lenwi drwy gynigion y Pwyllgor.

7 Cyfarfod Cyffredinol Blynyddol

7.1 Bydd y Cyfarfod Cyffredinol Blynyddol yn cael ei gynnal cyn gynted â phosib ar ôl cyngerdd proffesiynol olaf tymor y Clwb.

7.2 Bydd Rhybudd o’r Cyfarfod Cyffredinol Blynyddol yn cael ei roi yng nghyngerdd proffesiynol olaf tymor y Clwb.

7.3 Bydd y Pwyllgor yn cyflwyno adroddiad am y tymor sydd newydd orffen a hefyd ei gynigion am y flwyddyn i ddod.