CLWB CERDD ABERYSTWYTH

POLISI AMDDIFFYN PLANT

Fel rhan o’i weithgareddau mae CLWB CERDD ABERYSTWYTH yn gweithio gyda phlant a phobl ifanc drwy hyrwyddo cyngherddau, gweithdai a dosbarthiadau meistr.

Mae CLWB CERDD ABERYSTWYTH wedi ymrwymo i amddiffyn plant a phobl ifanc, ynghyd ag oedolion bregus rhag camdriniaeth gorfforol, emosiynol a rhywiol. Bydd pawb sydd yn gweithio i, neu ar ran, y Clwb yn gwneud hynny o fewn canllawiau’r polisi i amddiffyn plant.

Dylai’r rhai sydd yn ymwneud â rhedeg cyngherddau, gweithdai a dosbarthiadau meistr, sicrhau cymaint ag sydd yn bosib,

• nad ydynt ar ben eu hunain gyda unigolyn ifanc, lle na ellir gweld y gweithgaredd. Dylai fod gweithiwr arall neu riant cyfrifol yn bresennol lle bynnag mae’n bosib.
• lle mae preifatrwydd neu gyfrinachedd yn bwysig, fod oedolyn arall yn gwybod ble mae’r gweithgaredd yn cymryd lle. Dylai’r person ifanc wybod ble mae pobl eraill ar gael .
• fod pob person ifanc yn cael eu trin gyda pharch a thegwch.
• eu bod yn ymwybodol o iaith, tôn y llais a’r iaith-gorfforol a ddefnyddiwyd.
• eu bod yn osgoi gemau lle mae chwarae’n troi’n chwerw, gemau corfforol neu rai lle gellir eu hystyried yn rhywiol brofoclyd.
• nad ydynt yn rhan o wneud bwch dihangol o rywun, o wawdio na gwrthod.
• eu bod yn osgoi cyffwrdd anaddas neu ymwthiol mewn unrhyw ffordd.
• nad ydynt yn gadael i unrhyw berson ifanc eu cynnwys nhw mewn tynnu sylw gormodol sydd yn agored yn rhywiol neu gorfforol ei natur.
• nad ydynt yn rhoi lifft i bobl ifanc ar ben eu hunain, heblaw am deithiau byr. Os ydynt ar ben eu hunain, dylai’r oedolyn ofyn iddynt eistedd yng nghefn y cerbyd.