Athena Swan
Beth yw Athena Swan?
Mae Siarter Athena Swan yn fframwaith a ddefnyddir ar draws y byd i gefnogi a thrawsnewid cydraddoldeb o ran rhywedd mewn addysg uwch (AU) ac ymchwil. Sefydlwyd y Siarter yn 2005 i annog a chydnabod ymrwymiad i ddatblygu gyrfaoedd menywod mewn gwyddoniaeth, technoleg, peirianneg, mathemateg a meddygaeth (STEMM), a chaiff ei ddefnyddio bellach ar draws y byd i fynd i’r afael â chydraddoldeb o ran rhywedd yn fwy eang, ac nid dim ond y rhwystrau dilyniant sy’n effeithio ar fenywod.
Pam fod hyn yn bwysig?
- helpu sefydliadau i gyflawni eu hamcanion cydraddoldeb o ran rhywedd
- cynorthwyo sefydliadau i fodloni gofynion deddfwriaeth cydraddoldeb, yn ogystal â gofynion a disgwyliadau rhai cyllidwyr a chynghorau ymchwil
- defnyddio fframwaith hunanasesu wedi’i thargedu sy’n cynorthwyo ymgeiswyr i nodi meysydd ar gyfer gweithredu cadarnhaol yn ogystal â nodi a rhannu arfer gorau
- cefnogi hyrwyddo arferion gwaith cynhwysol a all wella cyfradd cadw academyddion a staff proffesiynol ac ategol gwerthfawr, a dangos ymrwymiad eich sefydliad i amgylchedd gwaith cyfiawn
Sut mae hyn yn effeithio ar Brifysgol Aberystwyth?
Mae siarter Athena Swan Advance HE yn cwmpasu pob hunaniaeth rhywedd mewn:
- swyddi academaidd mewn STEMM ac AHSSBL
- swyddi staff proffesiynol, rheoli ac ategol
mewn perthynas â’u:
- cynrychiolaeth
- dilyniant myfyrwyr i’r byd academaidd
- taith drwy gerrig milltir gyrfaol
- amgylchedd gwaith i’r holl staff
Y Tîm Hunanasesu:
I baratoi ar gyfer ein cais yn 2023, mae’r Tîm Hunanasesu wedi bod yn cyfarfod yn rheolaidd ers mis Mai 2021, yn gyntaf fel grŵp ‘gweithredu’ ac yn ddiweddarach fel grŵp adolygu a Chynllun Gweithredu.
| Enw | Swydd/Adran | E-bost |
|---|---|---|
| Al Rhodes | Cydlynydd Ymgyrchoedd a Democratiaeth, Undeb y Myfyrwyr | alr80 |
| Andrew Thomas | Pennaeth Adran, Ysgol Fusnes | ant42 |
| Anwen Jones | Dirprwy Is-Ganghellor, Cyfadran y Celfyddydau a’r Gwyddorau Cymdeithasol | aej |
| Anthonia Ijeoma Onyeahialam | Gwyddonydd Arsyllu’r Ddaear a GIS – Prosiect GEOM, Adran Daearyddiaeth a Gwyddorau’r Ddaear | aio |
| Christine Zarges | Uwch-ddarlithydd, Adran Cyfrifiadureg | chz8 |
| Delphine Demelas | Cynorthwyydd Ymchwil Ôl-ddoethurol – Geiriadur Eingl-Normanaidd, Adran Ieithoedd Modern | ded22 |
| Elin Mabbutt | Rheolwr Prosiect Cynhyrchu Cyfryngau Uwch, Adran Cyfrifiadureg | emm32 |
| Gabor Gelleri | Uwch-ddarlithydd, Ieithoedd Modern | gag9 |
| James Woolley | Arweinydd Thema E-ddysgu, Cyfoethogi ac Ymgysylltu, Gwasanaethau Gwybodaeth | jbw |
| Jessica Adams | Cymrawd Ymchwil, IBERS | jaa |
| Lucy Trotter | Darlithydd Addysg, Ysgol Addysg | lut22 |
| Megan Talbot | Darlithydd Cyswllt, Adran y Gyfraith a Throseddeg | met32 |
| Mike Morris | Rheolwr Datblygu Busnes, IBERS | tem |
| Rachel Cross | Uwch-ddarlithydd, Adran Ffiseg | rac21 |
| Dylan Jones | Rheolwr Amrywiaeth a Chynhwysiant | dej20 |
| Sarah Dalesman | Darlithydd Bioleg Dŵr Croyw, IBERS | sad31 |
Cysylltiadau Athena Swan:
Os hoffech gael rhagor o wybodaeth ar waith y Brifysgol ar gyfer Nod Siarter Athena Swan cysylltwch â
- Dylan Jones, Rheolwr Amrywiaeth a Chynhwysiant dej20@aber.ac.uk