Graddio 2023 - Tîm Staffio

Os ydych chi wedi cynorthwyo gyda’r Graddio o’r blaen neu os ydych chi’n cymryd rhan am y tro cyntaf eleni, mae amrywiaeth o rolau staffio sy’n hanfodol i sicrhau bod y dathliadau’n rhedeg yn esmwyth yn ystod yr wythnos.

Cynhelir y Graddio rhwng dydd Mawrth 18 a dydd Iau 20 Gorffennaf 2023  a gellir gweld trefn y seremonïau yma.

Mae’r staff yn chwarae rhan allweddol yn ystod yr wythnos yn croesawu ein Graddedigion a’u gwesteion; yn cynorthwyo â chofrestru; yn ateb cwestiynau, rhoi cyfarwyddiadau a chyngor, ynghyd â rolau yn seremonïau fel marsialiaid yn y Neuadd Fawr.

Os hoffech fod yn rhan o'r tîm ar gyfer dathliadau eleni, cyfeiriwch at y manylion isod i nodi'r rôl(au) y gallech helpu gyda nhw ac e-bostiwch digwyddiadau@aber.ac.uk i nodi eich argaeledd. Cofiwch gynnwys y wybodaeth ganlynol:

  • Enw
  • Adran
  • Swyddogaeth(au) ar gael ar gyfer
  • Dyddiadau / slotiau amser ar gael

Darparwch ymatebion erbyn 16.30 ddydd Mercher 5 Gorffennaf. Cysylltir ag unigolion wedyn i gadarnhau’r rota ar gyfer seremonïau eleni.

Sut i Gymryd Rhan

Ar gyfer pob un o’r rolau staffio, ceir disgrifiad byr isod o’r hyn mae’r rôl yn ei olygu, ynghyd â’r amseroedd cychwyn a gorffen.

Darperir sesiwn friffio lawn cyn yr wythnos raddio a bydd gofyn i unigolion sy’n ymgymryd â rolau yn y Neuadd Fawr fynychu ymarfer.

Trafodwch y posibilrwydd o gymryd rhan gyda’ch Rheolwr Llinell, i gael eu caniatâd mewn egwyddor.

Noder, ar gyfer rhai rolau, darperir crys T staff neu ŵn marsial.

Os oes gennych unrhyw gwestiynau yn y cyfamser, cysylltwch â Sarah Bizby (Tîm Digwyddiadau - Marchnata a Denu Myfyrwyr) – digwyddiadau@aber.ac.uk 

Rolau Gwirfoddol - Disgrifiadau

 

Rôl

Lleoliad 

Disgrifiad o’r rôl

Desg Gymorth

 

 

Cyntedd,
Canolfan y Celfyddydau

 

 
  • Gweithio yn rhan o dîm i groesawu gwesteion, ateb cwestiynau cyffredinol, rhoi cyfarwyddiadau i gyfleusterau a chyfeirio pobl at gymorth ychwanegol fel bo angen.
  • Bydd cydweithwyr yn cael eu briffio a bydd aelod o’r tîm graddio canolog yn gweithio fel rhan o dîm y digwyddiad.
  • Bydd cydweithwyr yn cael eu briffio ymlaen llaw.
  • Bydd crys t yn cael ei ddarparu ar gyfer y rôl hon. 

Oriau:

Dydd Mawrth 18 Gorffennaf: 07:30 – 13.30 | 13.00 – 19.00  (neu 09.00 – 15.00)
Dydd Mercher 19 Gorffennaf: 07.30 – 12.00 | 12.00 – 17.00 (neu 09.00 – 15.00)
Dydd Iau 20 Gorffennaf: 07:30 – 13.30 | 13.00 – 19.00  (neu 09.00 – 15.00)

 

Pwynt Gwybodaeth 

 

Cyntedd, Adeilad
Parry Williams

 
  • Croesawu graddedigion a'u teuluoedd
  • Darparu cyfarwyddiadau i gyfleusterau a chyfeirio at gymorth ychwanegol yn ôl yr angen
  • Gweithredu fel pwynt cyswllt rhwng y Ddesg Wybodaeth yng Nghanolfan y Celfyddydau / Cyflenwyr yn yr adeilad (Gwisgo a Ffotograffiaeth).

Oriau:

Dydd Mawrth 18 Gorffennaf: 07:45 – 13.30 | 13.00 – 19.00 (neu 09.00 – 15.00)

Dydd Mercher 19 Gorffennaf: 07.45 – 13.00 | 12.30 – 17.30 (neu 09.00 – 15.00)

Dydd Iau 20 Gorffennaf: 07:45 – 13.30 | 13.00 – 19.00 (neu 09.00 – 15.00)
 

Marsialiaid Seremoni

 

 

 Neuadd Fawr,
Canolfan y Celfyddydau 

Cynorthwyo i dywys graddedigion i’w seddi yn y Neuadd Fawr yn ystod yr ymarfer

  • O dan gyfarwyddyd y Prif Farsial, bod yn farsial penodedig i gyfeirio graddedigion i’r llwyfan ac yn ôl i’w seddi
  • Cynorthwyo i dywys graddedigion allan o’r Neuadd Fawr ar ôl y seremoni
  • Noder fod y rôl hon yn golygu sefyll am rannau o’r seremoni.
  • Cynhelir ymarfer yn y Neuadd Fawr ar ddydd Llun 17 Gorffennaf i farsialiaid sy’n rhan o’r seremonïau eleni.
  • Darperir gŵn du ar y diwrnod ar gyfer y rôl hon.

Oriau:

Dydd Mawrth 18 Gorffennaf: C1 09.00 – 12.00 | C2 12.30 – 15.30 | C3 15.30 – 18.15)

Dydd Mercher 19 Gorffennaf: C4 09.00 -12.00 | C5 12.30 – 15.30

Dydd Iau 20 Gorffennaf: C6 09.00 – 12.00 | C7 12.30 – 15.30 | C8 15.30 – 18.15 

Tîm Seddi (Graddedigion) 

Neuadd Fawr,
Canolfan y Celfyddydau
  • Cwrdd a chyfarch graddedigion wrth ddrysau’r Neuadd Fawr.
  • Cyfeirio graddedigion i’w seddi yn y Neuadd Fawr.
  • Cynorthwyo â’r broses gwirio seddi i sicrhau bod graddedigion yn eistedd yn y sedd gywir yn y Neuadd Fawr.
  • Bydd cydweithwyr yn cael eu briffio o flaen llaw (nid oes angen gwybod unrhyw beth o flaen llaw) a bydd aelod o’r Tîm Graddio canolog yn cydlynu’r gweithgaredd hwn ar y dydd.   

Dydd Mawrth 18 Gorffennaf: 08.45 – 10.00 | 12.15 – 13.30 | 15.15 – 16.30

Dydd Mercher 20 Gorffennaf: 08.45 – 10.00 | 12.15 – 13.30

Dydd Iau 21 Gorffennaf: 08.45 – 10.00 | 12.15 – 13.30 | 15.15 – 16.30

Gyrrwr Bws Mini

Campws Penglais
  • Darparu gwasanaeth bws gwennol rhwng lleoliadau parcio (Campws Penglais a Phentre Jane Morgan) a Chanolfan Celfyddydau Aberystwyth.
  • Bydd angen i wirfoddolwyr feddu ar hawliau trwydded priodol.
  • Bydd cydweithwyr yn cael eu briffio ymlaen llaw.

Oriau: 

Dydd Mawrth 18 Gorffennaf:  Gwasanaeth i redeg rhwng 08.00 – 19.30*

Dydd Mercher 19 Gorffennaf: Gwasanaeth i redeg rhwng 08.00 – 17.30* 

Dydd Iau 20 Gorffennaf: Gwasanaeth i redeg rhwng 08.00 – 19.30*

*Sifftiau a fewn yr amseroedd yma

Os oes gennych unrhyw gwestiynau yn y cyfamser, cysylltwch â Sarah Bizby (Tîm Digwyddiadau - Marchnata a Denu Myfyrwyr) - graddio@aber.ac.uk