Arallenwau E-bost

Bydd Gwasanaethau Gwybodaeth yn sicrhau fod system o arallenwau e-bost ar gael i staff a grwpiau penodol eraill o ddefnyddwyr er hwylustod iddynt ac i’w helpu i wneud y system e-bost yn un mwy cyfeillgar i’w defnyddio.

Mae dau fath o arallenwau :

  • rhai personol sy’n cynrychioli enw go iawn unigolyn
  • rhai hynny sydd ar gael ar gyfer gwahanol grwpiau a phrosiectau.

Arallenwau Personol

  • Mae arallenwau personol ar gael i bob aelod o’r staff.
  • Dylent fod yn debyg i’r fformatau canlynol: H. Owen neu Hugh.Owen neu Hugh.H.Owen.
  • Dim ond un arallenw personol all pob aelod o staff ei gael.
  • Bydd arallenw personol yn parhau’n gyfredol cyhyd ag y mae’r defnyddiwr yn parhau wedi ei gofrestru yn PA.

Arallenwau Eraill

  • Dylai arallenwau ar gyfer clybiau a chymdeithasau ei gwneud hi’n eglur beth yw swyddogaeth y clwb neu’r gymdeithas. Perchennog y clwb neu’r gymdeithas yw perchennog yr arallenw a rhaid adnewyddu aelodaeth yn flynyddol.
  • Mae’n rhaid i arallenwau grwpiau eraill, e.e. grwpiau ymchwil, fod yn rhai priodol ac y mae’n rhaid iddynt gydymffurfio â’n rheolau o ran bod yn dderbyniol.  
  • Bydd perchnogion arallenwau ar wahân i rai personol yn derbyn e-bost gan y system ganolog bob tair blynedd i'w holi a ydynt angen yr arallenw o hyd. Os na fyddwn ynd erbyn ymateb mhen 30 diwrnod, bydd yr arallenw'n cael ei ddileu.

Rheolau ynglŷn â’r hyn sy’n Dderbyniol i bob arallenw 

NID yw’r canlynol yn arallenwau sy’n dderbyniol:

  • Arallenwau â llythyren unigol
  • Enwau personol unigol
  • Unrhyw arallenw mewn fformat tebyg i fewngofnod sy’n bodoli eisoes,  e.e. xxx, xxx2, xxx02
  • Unrhyw beth anweddus neu annymunol
  • Unrhyw beth y gellid ei gamgymryd am swyddogaeth neu swydd yn y Brifysgol.

Gwneud cais am arallenw

Mae arallenwau ebost ar gael ar sail y cyntaf i'r felin.

Os oes angen arallenw arnoch os gwelwch yn dda ebostiwch gg@aber.ac.uk yn nodi:

  • yr arallenw a ddymunir
  • y cyfrif a fydd yn gysylltiedig â'r arallenw
  • y rheswm dros gael arallenw
  • am faint o amser yn eich tyb chi fydd ei angen