Ystyr llên-ladrad yw cyflwyno gwaith rhywun arall fel eich gwaith chi eich hun e.e.:

• peidio â chyfeirnodi awdur rydych wedi dyfynnu o un o’i lyfrau neu erthyglau yn eich aseiniad
• copïo a gludo testun o’r rhyngrwyd yn eich aseiniad heb nodi’r ffynhonnell
• copïo rhan o draethawd ffrind neu’r cyfan ohono i’ch traethawd chi
• prynu traethawd ar-lein neu o ffynhonnell arall

Mae mwy o wybodaeth am yr hyn y mae’r brifysgol yn ei ystyried yn llên-ladrad ar gael, a beth sy'n digwydd os ydych chi'n llên-ladrata, yn y Rheoliadau ar Ymddygiad Academaidd Annerbyniol.

• Mae’r canlyniadau’n ddifrifol; gall myfyrwyr a ddysgir drwy gwrs gael eu diarddel o’r brifysgol a gall myfyrwyr ymchwil uwchraddedig fethu elfen traethawd ymchwil eu cwrs
• Pan gyflwynwch aseiniad rhaid i chi lofnodi blaenddalen i nodi eich bod yn deall canlyniadau llên-ladrad
• Bydd meddalwedd y brifysgol ar gyfer cyflwyno gwaith ar-lein, Turnitin, yn chwilio drwy eich aseiniad am dystiolaeth o lên-ladrad a bydd pwy bynnag sy’n marcio eich aseiniad yn gweld yr adroddiad a gynhyrchir

• Cwblhewch diwtorial ar-lein Epigeum a chael tystysgrif i ddangos eich bod yn deall beth sy’n cyfrif fel llên-ladrad!
• Cliciwch ar Cofrestru a llenwi’r ffurflen ar-lein i ddechrau arni
• Mae Epigeum yn canolbwyntio ar arddull Harvard, er nad dyna’r arddull cyfeirnodi a ddefnyddir ym mhob un o adrannau academaidd Prifysgol Aberystwyth, ond bydd y tiwtorial o gymorth i chi i ddeall yn iawn y cysyniadau sydd ynghlwm wrth gyfeirnodi’n llwyddiannus mewn aseiniadau academaidd
• Mae tiwtorial Epigeum ar gael i’r myfyrwyr ac i’r staff oherwydd bod Ysgol Fusnes Aberystwyth PA yn tanysgrifio i’r safle

• Edrychwch ar gynllun marcio eich aseiniad – faint o farciau gewch chi am eich llyfryddiaeth a beth yw’r meini prawf y mae’n rhaid i chi eu bodloni?
• Gwnewch yn siŵr eich bod wedi gadael digon o amser wrth gynllunio eich aseiniad ar gyfer y deunydd darllen a’r cyfeiriadau
• Darllenwch yn eang: dechreuwch â rhestr ddarllen Aspire yn eich modiwl ar Blackboard  a datblygu eich sgiliau chwilio fesul pwnc wrth i’r cwrs fynd rhagddo. Rhoddir cyngor ar hyn yn y canllaw ‘Beth i’w Ddarllen a Sut i Ddod o Hyd Iddo’
• Peidiwch â dibynnu’n ormodol ar un llyfr neu ychydig iawn o lyfrau neu ffynonellau eraill yn eich aseiniad
• Trefnwch eich cyfeiriadau wrth i chi ymchwilio ar gyfer eich traethawd – mwy am hyn a chyfeirnodi ym Mhrifysgol Aberystwyth yn yr adran nesaf
• Manylion cyswllt cymorth, cyngor a hyfforddiant

Meddalwedd rheoli cyfeirio sydd ar gael ym Mhrifysgol Aberystwyth i'ch helpu i drefnu eich cyfeiriadau a fformatio eich dyfyniadau a llyfryddiaethau:

• ‌Nodweddion dyfyniad mewn canlyniadau chwiliad
• EndNote Ar-Lein
• EndNote Ben-ddesg

Mae meddalwedd rheoli cyfeirio arall ar gael; er nad ydym yn ei gefnogi, efallai y gallwn eich helpu i'w ddefnyddio gyda Primo ac adnoddau gwybodaeth eraill.