Canlyniadau Dysgu
Wedi cwblhau'r modiwl dylai'r myfyrwyr:
Dangos eu bod yn gyfarwydd a dulliau dadansoddiadol ac egwyddorion ieithyddiaeth a chymdeithaseg iaith, sy'n addas ar gyfer archwilio'r berthynas rhwng iaith ac addysg.
Trafod yn feirniadol faterion iaith mewn addysg, gan ddefnyddio egwyddorion a dulliau addas.
Disgrifiad cryno
Archwilir amryw o agweddau ar y berthynas rhwng iaith ac addysg o safbwynt ieithyddiaeth a chymdeithaseg iaith. Trafodir y berthynas rhwng cymdeithaseg iaith yr ysgol a chymdeithaseg iaith y gymuned, ac yn sgil hyn ystyrir dewis mathau o iaith yn y dosbarth. Cyflwynir agweddau ar ddysgu ac addysgu trwy gyfrwng iaith. Trafodir iaith ar y cwricwlwm fel pwnc.
Cynnwys
- Cyflwyniad
- Cyd-destun yr ysgol a'r gymuned yn nhermau cymdeithaseg iaith
- Mathau o iaith yn y dosbarth a'r ddadl am gywirdeb
- Iaith fel cyfrwng dysgu ac addysgu: prosesu ystyron
- Iaith fel cyfrwng dysgu ac addysgu: yr iaith lafar a'r iaith ysgrifenedig
- Iaith fel cyfrwng dysgu ac addysgu: syniadau William Labov a Basil Bernstein
- Iaith fel cyfrwng dysgu ac addysgu: disgwrs yn y dosbarth
- Dysgu'r famiaith: y dull traddodiadol.
- Dysgu'r famiaith: ymwybyddiaeth am iaith.