Yn y modiwl hwn cyflwynir myfyrwyr i thema^u allweddol daearyddiaeth wleidyddol gyfoes. Mae'r modiwl wedi ei rannu yn ddwy adran. Mae'r adran gyntaf yn archwilio dylanwad gofod a thiriogaeth ar ffurfiant y wladwriaeth , strategaeth y wladwriaeth a nodweddion gwleidyddol ar amrywiol raddfeydd, o'r byd-eang i'r lleol. Mae'r adran hon yn cyflwyno cysyniadau am genedl a gwladwriaeth-genedl, imperialaeth, geowleidyddiaeth feirniadol a'r rhanbarth, yn ogystal ag ymchwilio i faterion cyfoes megis integreiddio Ewropeaidd, datganoli a chenedlaetholdeb yn y DU a threfn y byd o^l-9/11. Mae ail adran y modiwl yn astudio'r berthynas rhwng lle, pobl a gweithredoedd gwleidyddol gan gynnwys patrymau pleidleisio, gwrthdystio a dinasyddiaeth fywiog. Yn y modiwl cyflwynir cysyniadau megis dinasyddiaeth, cyfalaf cymdeithasol a symudiadau cymdeithasol a thrafodir materion cyfoes gan gynnwys symudiadau amgylcheddol a gwrth-globaleiddio a chanlyniadau etholiadau cyffredinol diweddar Prydain. Yn ogystal a^ darlithiau ar y thema^u hyn, bydd myfyrwyr hefyd yn mynychu chwe seminar lle byddant yn trafod yn ddyfnach thema^u allweddol sy'n codi o'r darlithiau.