Fe fydd y modiwl hwn yn roi cyfle i'r myfyrwyr ddyfeisio darn o theatr ar gyfer cynulleidfa darged neilltuol. Mae'n wahanol i'r modiwlau arfaethedig newydd ar Ymarfer Cynhyrchu, sef DD33830 a DD33930, gan y bydd myfyrwyr yn gweithio mewn grwpiau dan oruchwyliaeth cyfarwyddwr/hyrwyddwr er mwyn dyfeisio a chreu deunydd ar gyfer cyflwyniad gerbron cynulleidfa theatraidd o fath neilltuol. Fe fydd y prif bwyslais ar greu ac ysgrifennu darn o destun theatraidd. Fe fydd y cyfarwyddwr/hyrwyddwr - a fydd yn theatr-weithredwr profiadol o blith y staff neu yn arbenigwr gwadd - yn gyfrifol am alluogi'r grwp i weithio tuag at gyfres o dargedau yn ystod y cyfnod ymarfer a pherfformio saith-wythnos, ac yn arwain ymarferion a gweithdai a fydd wedi'u dyfeisio er mwyn roi i'r myfyrwyr y galluoedd, yr arbenigedd a'r strategaethau a fydd yn briodol ar gyfer y broses ddyfeisio.

Fe fydd myfyrwyr yn cymryd rhan yn y modiwl hwn fel actorion, aelodau o'r tim cynhyrchu, dylunio neu rheoli lwyfan, neu fel cynorthwywyr i'r cyfarwyddwr staff (neu wadd), gan weithio'n ddyfal am saith wythnos ar brosiect Adrannol. Fe fydd y cyfleon gwaith hyn yn cael eu cytuno trwy gyfrwng cyfweliad ffurfiol gyda Chyd-gysylltydd y modiwl a'r Rheolwr Cynhyrchu Uwch yn ystod y tymor blaenorol fel rhan o'r broses AGAPh.

Arweinir y cynhyrchiad gan gyfarwyddwr/aig brofiadol a fydd yn creu methodoleg ymarfer priodol ar gyfer y prosiect. Yn ystod yr ymarferion, fe fydd y myfyrwyr yn cael profiad o gemau theatr, ymarferion byrfyfyrio, ymarferion eraill a gweithdai, a fydd wedi'u cynllunio'n benodol er mwyn hybu dealltwriaeth a gallu'r myfyrwyr i gyflawni anghenion eu swyddogaeth o fewn y prosiect dyfeisiedig.

Fe fydd y prosiectau hyn yn cael eu cyflwyno yn un o leoliadau perfformio'r Adran neu mewn lleoliad safle-penodol priodol. Fe fydd cyfanswm o bum perfformiad o'r cyflwyniad a fydd yn rhoi cyfle i rieni, ffrindiau ac aelodau'r cyhoedd wylio gwaith ymarferol yr Adran.

Yn ystod y broses ymarfer, fe fydd disgwyl i'r myfyrwyr greu a dyfeisio darnau o destun theatraidd mewn grwpiau bychain ac fel unigolion. Fe fydd disgwyl i fyfyrwyr gadw llawlyfr cofnodion gwaith a fydd yn dogfennu datblygiadau a heriadau penodol a ddigwyddodd yn ystod y broses: fel fydd y llawlyfr hwn yn cael ei asesu ar ddiwedd y modiwl. At hynny wedi cwblhau'r prosiect, fe fydd y myfyrwyr yn sefyll arholiad llafar lle y byddant yn dadansoddi a gwerthuso eu profiadau ar y modiwl.

Fe fydd y myfyrwyr hynny sy'n cymryd y modiwl hwn eisoes wedi ymgyfarwyddo ag amryw egwyddor ar gyfer dyfeisio theatr wrth ymwneud a'r modiwlau Lefel 2 sy'n rhagofynion ar gyfer y modiwl hwn.

Yn y modiwl hwn, fe fydd myfyrwyr yn gweithio mewn grwpiau bychain er mwyn dyfeisio darn o theatr ar gyfer grwp neu gynulleidfa o fath penodol. Fe all hyn fod yn brosiect Theatr-mewn-Addysg ar gyfer disgyblion ysgolion cynradd neu uwchradd; prosiect theatr gymunedol ar gyfer cynulleidfaoedd penodol, theatr mewn carchardai neu ar gyfer troseddwyr ifainc, neu ar gyfer yr henoed, y di-waith a.y.b.; neu fe all fod yn brosiect theatr-destun dyfeisiedig yn seiliedig ar thema, ddelwedd neu gysyniad neilltuol. Fe fydd gallu'r myfyrwyr i weithio fel tim dan oruchwyliaeth arbenigwr yn ganolog i lwyddiant y modiwl hwn. Yn ystod yr ymarferio a'r gweithdai ar gyfer y modiwl, fe fydd arweinydd y prosiect yn hwyluso datblygiad cysyniad, strategaeth a methodoleg waith a fydd yn briodol ar gyfer dyfeisio testunau byw. Fe fyddant hefyd yn gyfrifol am osod prosiectau ymchwil ac amcanion a chanllawiau clir er mwyn sicrhau bod yna fframwaith realaidd ar gyfer creu'r darn theatr yn llwyddiannus ymysg aelodau'r grwp.