Y Cyfieithydd a'r Sector Cyfieithu

Cod y Modiwl: CY22420
Teitl y Modiwl: Y Cyfieithydd a'r Sector Cyfieithu
Blwyddyn Academaidd: 2026/2027
Semester: Semester 2
Cyd-gysylltydd y Modiwl: Dr Rhianedd Jewell
Rhestr Ddarllen: Gweld ar Aspire
Anghymharus (Unrhyw Flwyddyn Acad): CY32420
Staff Eraill sy'n Cyfrannu: Dr Cathryn Charnell-White; Professor Mererid Hopwood; Ms Elizabeth Morse; Dr Rhianedd Jewell

Dulliau Asesu

Math o Asesiad	Manylion Asesiad	Cyfran
Asesiad Semester	Tasgau cyfieithu: Pedair tasg gyfieithu (a'r tair tasg orau i'w hasesu) 1500 o eiriau	30%
Asesiad Semester	Prawf Cyfieithu: 1 Awr yn y dosbarth ar gyfrifiadur 1 Awr	30%
Asesiad Semester	Traethawd: 1500 o eiriau	40%
Asesiad Ailsefyll	Prawf Cyfieithu: 1 Awr yn y dosbarth ar gyfrifiadur 1 Awr	30%
Asesiad Ailsefyll	Tasgau cyfieithu: Hyd at bedair tasg gyfieithu 1500 o eiriau	30%
Asesiad Ailsefyll	Traethawd: 1500 o eiriau	40%

Canlyniadau Dysgu

Wedi cwblhau'r modiwl dylai'r myfyrwyr fedru:

Cyfieithu testunau proffesiynol eu natur i’r Gymraeg.
Gwneud defnydd o adnoddau iaith ar-lein a rhaglenni cyfieithu peirianyddol yn effeithiol.
Dangos dealltwriaeth o gyweiriau’r Gymraeg wrth gyfieithu.
Dadansoddi heriau’r diwydiant cyfieithu yng Nghymru.
Dangos dealltwriaeth o hanfodion gwahanol fathau ar gyfieithu gan gynnwys cyfieithu ysgrifenedig a chyfieithu ar y pryd.

Disgrifiad cryno

Bydd y modiwl hwn yn dysgu sgiliau cyfieithu proffesiynol ac yn rhoi cyflwyniad i heriau a hanfodion y diwydiant cyfieithu. Yn sgil y galw cynyddol am sgiliau dwyieithog mewn gweithleoedd ar draws Cymru, mae natur y sector cyfieithu yn esblygu. Bydd darlithoedd y modiwl yn trafod datblygiad y sector cyfieithu yng Nghymru, gofynion y diwydiant, swyddogaeth a heriau cyfieithu ar y pryd a datblygiadau technegol yn y maes megis cyfieithu peirianyddol a chofau cyfieithu. Bydd y gweithdai yn rhoi cyfle ichi ymarfer sgiliau cyfieithu, golygu a phrawf-ddarllen a dysgu am yr adnoddau ieithyddol sydd ar gael i gynorthwyo’r gwaith.

Nod

Amcan y modiwl yw cyflwyno myfyrwyr i sgiliau cyfieithu proffesiynol drwy ddefnydd o dechnoleg cyfieithu a dysgu dealltwriaeth o ofynion a heriau'r sector cyfieithu.

Cynnwys

Bydd 10 darlith yn cyflwyno gwahanol agweddau ar y diwydiant cyfieithu, egwyddorion cyfieithu a gwaith cyfieithwyr proffesiynol. Trafodir pynciau megis:
Datblygiad cyfieithu yng Nghymru
Hanfodion cyfieithu proffesiynol
Cyfieithu yng ngweithleoedd Cymru
Cyfieithu peirianyddol
Cofau cyfieithu
Cyfieithu ar y pryd

Bydd gweithdai’r modiwl yn rhoi cyfle ichi ymarfer cyfieithu ar bapur ac ar gyfrifiadur ac ymarfer eich sgiliau golygu a phrawf-ddarllen. Cewch chi ddysgu am yr adnoddau iaith a ddefnyddir gan gyfieithwyr a gwneud defnydd ohonynt wrth ymarfer. Bydd cyfle yn y gweithdai hefyd i dderbyn adborth adeiladol ar eich gwaith cyfieithu.

Sgiliau Modiwl

Math o Sgiliau	Manylion Sgiliau
Cydlynu ag erail	Bydd cyfle i weithio mewn grwpiau wrth lunio cyfieithiadau mewn rhai gweithdai.
Cyfathrebu proffesiynol	Datblygir sgiliau cyfathrebu proffesiynol yn y Gymraeg ar ffurf cyfieithiadau ysgrifenedig a thraethawd.
Datrys Problemau Creadigol	Un o hanfodion y modiwl yw datblygu sgiliau cyfieithu sy’n galw am waith dadansoddi wrth drosi testun i iaith arall. Bydd myfyrwyr yn wynebu heriau o safbwynt geirfa, cystrawen, cywair a mynegiant.
Gallu digidol	Datblygir dealltwriaeth o gyfieithu peirianyddol, cofau cyfieithu ac adnoddau iaith ar-lein megis geiriaduron a phyrth termau. Anogir y myfyrwyr hefyd i wneud defnydd o’r Bwrdd Du.
Meddwl beirniadol a dadansoddol	Datblygir sgiliau dadansoddi wrth drafod heriau a hanfodion y diwydiant cyfieithu ac egwyddorion cyfieithu.
Myfyrdod	Datblygir gallu’r myfyrwyr i wella eu dysgu a’u perfformiad drwy’r tasgau cyfieithu rheolaidd. Dysgir sgiliau golygu a phrawf-ddarllen sy’n cynorthwyo myfyrwyr i wella’u gwaith cyfieithu eu hunain.
Synnwyr byd go iawn	Datblygir dealltwriaeth o ofynion a heriau’r diwydiant cyfieithu proffesiynol.

Nodau

Mae'r modiwl hwn yn cydymffurfio a FfCChC Lefel 5