Theatr a Chyd-Destun 2

Cod y Modiwl: TC11420
Teitl y Modiwl: Theatr a Chyd-Destun 2
Blwyddyn Academaidd: 2026/2027
Semester: Semester 2
Cyd-gysylltydd y Modiwl: Dr Roger Owen
Rhestr Ddarllen: Gweld ar Aspire
Anghymharus (Unrhyw Flwyddyn Acad): TP11320
Staff Eraill sy'n Cyfrannu

Dulliau Asesu

Math o Asesiad	Manylion Asesiad	Cyfran
Asesiad Semester	Cyflwyniad Seminar Unigol: Cyflwyniad byw ar bwnc o ddewisir o blith rhestr o opsiynau 10 Munud	40%
Asesiad Semester	Traethawd: Traethawd ar bwnc o ddewisir o blith rhestr o opsiynau 2000 o eiriau	60%
Asesiad Ailsefyll	Cyflwyniad Seminar Unigol: Cyflwyniad byw ar bwnc o ddewisir o blith rhestr o opsiynau 10 Munud	40%
Asesiad Ailsefyll	Traethawd: Traethawd ar bwnc o ddewisir o blith rhestr o opsiynau 2000 o eiriau	60%

Canlyniadau Dysgu

Wedi cwblhau'r modiwl dylai'r myfyrwyr fedru:

Dangos dealltwriaeth briodol o fframweithiau a methodolegau damcaniaethol allweddol sy'n berthnasol i ddadansoddi arferion theatr a pherfformio cyfoes.
Disgrifio, dehongli a gwerthuso amrywiaeth o destunau, arferion a ffurfiau theatr a pherfformio.
Defnyddio strategaethau ymchwil personol priodol wrth archwilio theatr a pherfformio ac i wireddu hyn drwy gyflwyniad academaidd.

Disgrifiad cryno

Mae'r modiwl hwn yn cynnig cyflwyniad cynhwysfawr i’r prif faterion artistig a dadansoddol yn theatr a pherfformio, yn yr 20fed ganrif ac yn y byd cyfoes. Trwy ddarlleniadau allweddol a dangosiadau fideo, mae'r modiwl yn cyflwyno cysyniadau dadansoddol allweddol i fyfyrwyr, gan amlygu agweddau corfforol/gweledol ar theatr a pherfformio cyfoes, a'r rhyngweithio rhwng perfformwyr a chynulleidfa fyw. Byddwn hefyd yn trafod ymddangosiad safleoedd newydd ar gyfer perfformiad, datblygiad arferion perfformio cynyddol ryngddisgyblaethol, a dylanwad diwylliant poblogaidd a thechnoleg y cyfryngau newydd ar ffurfiau cyfoes. Bydd myfyrwyr yn amgyffred amrywiaeth y gwaith a gynhyrchir yn y maes hwn ynghyd â geirfa feirniadol i fynd i'r afael â'r gwaith hwn, a hynny er mwyn cymhwyso'r sgiliau hyn wrth ddadansoddi perfformiad byw.

Nod

Nodau'r modiwl hwn yw:
* Cyflwyno cysyniadau allweddol, ymarferwyr blaenllaw a ffurfiau canolog o’r 20fed ganrif ynghyd ag ymarfer theatr a pherfformio cyfoes.
* Datblygu diffiniadau o theatr a pherfformio fel ymarfer esthetig a digwyddiad byw.
*Darparu cyflwyniad i theori ac estheteg theatr.
* Cyflwyno dulliau methodolegol o ddadansoddi perfformiad byw a’u cymhwysiad.

Cynnwys

Mae'r modiwl yn cynnig cyfres o ddarlithoedd ar brif ffurfiau, genres, hanesion a damcaniaethau theatr a pherfformio. Mae'r darlithoedd yn cyflwyno unedau pynciol fesul pythefnos lle bydd y ddarlith gyntaf yn sefydlu cyd-destunau hanesyddol penodol, a’r ail ddarlith yn archwilio'r syniadau canolog a gyflwynwyd yn flaenorol trwy gyfrwng enghraifft gyfoes benodol. Ochr-yn-ochr â'r darlithoedd bydd seminar dwy awr wythnosol dan arweiniad tiwtor, a fydd yn helpu i ddyfnhau ymgysylltiad myfyrwyr â'r eirfa feirniadol a gyflwynir yn y darlithoedd, ac yn rhoi ffyrdd i fyfyrwyr gymhwyso'r eirfa hon i ddadansoddiad o berfformiad byw. Bydd amser sylweddol yn cael ei dreulio ar ddatblygu sgiliau ysgrifennu academaidd priodol.

Cynnwys enghreifftiol y darlithoedd

Wythnosau 1 a 2: Naturiolaeth – Tair Chwaer
Wooster Group – Addasiadau cyfoes o destunau naturiolaidd – Brace Up!

Wythnosau 3 a 4: Theatr Epig ac Ôl-Ddramataidd.
Astudiaeth Achos: Forced Entertainment

Wythnosau 5 a 6: Y Theatr Greulon.
Astudiaethau achos: Brith Gof / Marina Abramovic.

Wythnosau 7 ac 8: Senograffi Theatr a Pherfformio.
Astudiaethau achos: Appia, Craig a Robert Lepage.

Wythnosau 9 a 10: Arbrofion wrth Gyfryngu: Perfformio, ‘Liveness’ ac Amlgyfryngau.
Ecoleg presenoldeb: Astudiaeth achos: Lone Twin.

Sgiliau Modiwl

Math o Sgiliau	Manylion Sgiliau
Cydlynu ag erail	Ymdrinnir â chreu gwaith grŵp effeithiol wrth drafod syniadau a barn yn y seminarau. Mae trafodaethau seminarau'n mynnu bod y sgiliau angenrheidiol yn cael eu defnyddio i gynnal gweithgareddau cydweithredol.
Cyfathrebu proffesiynol	Mae'r gallu i gyfleu syniadau'n effeithiol yn cael ei ddatblygu yn y seminarau a'i asesu'n uniongyrchol drwy Asesiad 1 a 2.
Datrys Problemau Creadigol	Mae datrys problemau dadansoddol, adnabod canlyniadau ac adnabod strategaethau a gweithdrefnau priodol yn cael eu hannog a'u hasesu drwy gydol y modiwl
Sgiliau Pwnc-benodol	Gweler Datganiad Meincnod Pwnc Dawns, Drama a Pherfformiad QAA (Fersiwn 2007). Mae'r sgiliau pwnc penodol canlynol yn cael eu datblygu a'u hasesu'n rhannol: Dealltwriaeth o: a. hanesion ac esboniadau damcaniaethol o ffurfiau a thraddodiadau theatr, senograffeg a pherfformiad; (b) cyd-destunau hanesyddol a chyfoes cynhyrchu, cylchrediad a derbyniad theatr; (c) ymarferwyr ac arferion canolog, a/neu ddamcaniaethwyr, a all gynnwys awduron, actorion, cyfansoddwyr, beirniaid, dawnswyr, cyfarwyddwyr, c
Synnwyr byd go iawn	Mae sgiliau trosglwyddadwy (rheoli llwyth gwaith personol a chwrdd â therfynau amser, dylunio a gwireddu prosiect ymchwil) yn cael eu datblygu trwy gwblhau tasgau asesu. Nid yw ymwybyddiaeth gyrfa ynddo'i hun yn elfen wedi'i hasesu, fodd bynnag.

Nodau

Mae'r modiwl hwn yn cydymffurfio a FfCChC Lefel 4