Creu cysylltiadau.
Cyfnewid gwybodaeth.
Cyflawni mwy ar y cyd.
Mae’r Ganolfan Ddeialog ym Mhrifysgol Aberystwyth yn creu cyfleoedd arloesol ar gyfer cyfnewid gwybodaeth gydweithredol o fewn prifysgol sy’n cael ei harwain gan ymchwil.
Drwy gynllunio a hwyluso digwyddiadau, darparu cyfleoedd hyfforddiant a chysylltu ymchwil, busnes, polisi, cymdeithas sifil a defnyddwyr terfynol eraill mewn ffyrdd sy’n cofleidio proses ac arfer deialog, rydym yn cydweithio i chwilio am atebion Cymreig i broblemau’r byd.
Ein hamcanion
Mae’r Ganolfan Ddeialog yn gweithio yn y Brifysgol a’r tu allan iddi i gefnogi cyfnewid gwybodaeth gydweithredol ar gyfer datblygu economïau cynaliadwy, annog dinasyddion gweithredol a gwella ansawdd bywyd yng nghanolbarth Cymru a thu hwnt.
O ofod pwrpasol ar y campws a’n darpar gartref ar bromenâd Aberystwyth, bydd y Ganolfan Ddeialog yn datblygu’n fagned byd-eang ar gyfer arloesi ym maes cyfnewid gwybodaeth ac arfer a hwyluso deialog.
“Mae ein gwaith yn seiliedig ar fodelau deialog a thrafodaeth sy’n cael eu defnyddio’n llwyddiannus ledled y byd.
Mae’r broses yn cymryd mwy o amser, ond mae’r canlyniadau yn tueddu i fod yn fwy arloesol ac yn haws i’w rhoi ar waith.”
Ein Gweithgareddau
Mae deialog yn llywio popeth rydym yn ei wneud. Rydym yn defnyddio deialog i atgyfnerthu cyfnewid gwybodaeth mewn pedwar maes allweddol:
- Ymchwil
- Menter
- Sgiliau
- Trafodaeth