Anwythiad i'r Ganolfan Chwaraeon

• Bydd y Ganolfan Chwaraeon yn ail-agor ar y 24ain o fis Awst i aelodau yn unig – os ydych yn gwsmer newydd, dilynwch y ddolen isod i ymaelodi: 
• Fel aelod, bydd angen archebu eich gweithgaredd cyn cyrraedd y Ganolfan Chwaraeon, ni fydd modd galw heibio na tharo draw i’r ganolfan heb archebu lle.
• Gall archebion cael eu gwneud trwy ein system archebu a fydd yn fyw cyn bo hir, neu dros y ffôn i’r dderbynfa – galwch 622280.
• Fydd ddim modd dod i’r ganolfan heb archebu ymlaen llaw, ac mae rhaid cyrraedd ar yr amser a archebwyd.
• Nifer cyfyngedig o leoedd sydd ar gael, ac mae’n rhaid cadw at yr amseroedd cychwyn a gorffen yn llym er mwyn galluogi’r gwaith glanhau.
• Dim ond un sesiwn y dydd y bydd unigolyn yn cael ei harchebu tan fydd y cyfyngiadau yn cael eu codi.
• I’n helpu ni i reoli mynediad a lleihau ciwiau mae amseroedd cychwyn y sesiynau wedi’u gwasgaru, ac rydym yn gofyn i gwsmeriaid gyrraedd y ganolfan ar yr amser sydd wedi’i roi gan y system archebu.
• Bydd y slot i’r gampfa yn cychwyn ar yr awr, bydd nofio yn cychwyn 15 munud wedi’r awr, a bydd y dosbarthiadau ymarfer corff yn cychwyn ar yr hanner awr, gyda phob slot yn 45 munud o hyd.
• Cyrhaeddwch yn barod ar gyfer y gweithgaredd rydych wedi’i archebu. Os nofio y byddwch ei wneud, gwisgwch ddillad nofio o dan eich dillad arferol.
• Rydym yn eich cynghori i beidio â dod â llawer o eiddo personol gyda chi gan na fydd yr ystafelloedd newid ar gael ar gyfer defnyddwyr y gampfa na chwsmeriaid y dosbarthiadau ffitrwydd, ac ni fydd loceri ar gael ar ledled y ganolfan.

Peidiwch â dod i’n safleoedd o gwbl os oes gennych symptomau neu os ydych yn teimlo’n sâl mewn unrhyw ffordd.

• Bydd gofyn i'r cwsmeriaid gyrraedd y Ganolfan Chwaraeon ar yr amser sydd wedi’i roi gan y system archebu.
• Bydd pob gweithgaredd yn para 30/45 munud. Mae hyn yn rhoi amser i’r staff lanhau’r adnoddau cyn i’r grŵp nesaf ddod mewn.
• Bydd system giwio ar waith wrth y fynedfa i leihau'r niferoedd a fydd yn y dderbynfa ac o’i chwmpas ac i gydymffurfio â’r canllawiau pellhau cymdeithasol.
• Gofynnir i gwsmeriaid lanhau eu dwylo gyda’r hylif glanweithio a ddarperir cyn mynd i mewn i’r adeilad ac yn rheolaidd yn ystod eich ymweliad.
• Bydd gofyn i chi i ddangos eich cerdyn yn y dderbynfa cyn mynd i’ch gweithgaredd.
• Bydd ein staff yn eich cyfeirio at y man lle y bydd eich gweithgaredd yn cael ei gynnal neu gallwch ddilyn y marciau olion traed ar y llawr trwy’r system unffordd. Bydd lleoliadau rhai gweithgareddau wedi’u newid, gwiriwch leoliad eich gweithgaredd wrth archebu.
• Bydd y cwsmeriaid yn cael eu hannog i ddod â photeli dŵr wedi’u llenwi eisoes gyda nhw ac mae’r peiriannau dŵr ar gael os bydd angen eu hail-lenwi.
• Dim ond un fydd yn cael mynd i mewn i’r toiledau ar y tro, sef dim ond 1 unigolyn y tu mewn i’r ystafell ar unrhyw adeg.