Module Information

Mae'r gyfraith weinyddol yn dod dan ymbarel eang Cyfraith Gyhoeddus. Mae'n ymwneud ag ymarfer grym y wladwriaeth, ac effaith gweithgareddau'r llywodraeth ar y dinesydd. Ers y 19eg ganrif mae rol llywodraeth wedi ehangu'n sylweddol ac erbyn heddiw gallwn weld bod y wladwriaeth yn ymwneud yn helaeth a'r mwyafrif o feysydd yn ein bywydau. Felly mae'r gyfraith weinyddol - sef y corff o gyfraith sy'n hwyluso llywodraeth ac yn ceisio rheoli ymarfer grym y wladwriaeth - yn ymwneud ag ystod gyfan o faterion gan gynnwys addysg, rhedeg carchardai, cynllunio, trafnidiaeth, y system budd-daliadau lles a llawer mwy. O bersbectif myfyriwr er enghraifft, mae'r grymoedd disgyblu sydd gan y brifysgol mewn perthynas a'i myfyrwyr, yn ogystal a pherthynas y myfyriwr a'r Cwmni Benthyciadau Myfyrwyr yn cael eu harwain gan egwyddorion y gyfraith weinyddol.

Yn ogystal a darparu gwybodaeth sylfaenol am y gyfraith weinyddol, amcan y modiwl hwn yw rhoi dealltwriaeth feirniadol i fyfyrwyr o feysydd dethol o weithgaredd llywodraethol y weinyddiaeth. Amcan allweddol o'r cwrs yw hybu diddordeb myfyrwyr yn yr hyn sy'n faes cyfreithiol hynod o berthnasol ac un sy'n symud yn gyflym.

Cyflenwi i fyfyrwyr yr wybodaeth a'r sgiliau yn y maes hwn o astudiaethau cyfreithiol y bydd eu hangen arnynt mewn gyrfa ym mhroffesiwn y gyfraith.
Datblygu dealltwriaeth feirniadol o'r modd y mae'r gyfraith yn rheoleiddio ac yn hwyluso gweithgareddau llywodraeth.
Datblygu dealltwriaeth feirniadol o'r modd yr ydym ni, fel dinasyddion, yn rhan o'r darlun fel y rhai a lywodraethir. Sut mae'r maes hwn o'r gyfraith yn hyrwyddo lles cymdeithas? Pa drefniadau sy'n bodoli i'n gwarchod ni pan aiff pethau o le?

Bydd y dysgu ar ffurf darlithoedd a seminarau.
Bydd darlithoedd yn cwmpasu materion allweddol ac yn darparu sail ar gyfer astudio annibynnol pellach. Caiff rhestrau darllen a nodiadau eu darparu i gefnogi'r rhaglen o ddarlithoedd. Bydd disgwyl i fyfyrwyr adeiladu ar yr hyn y byddant yn ei ddysgu yn ystod y darlithoedd er mwyn datblygu lefel dda o ddealltwriaeth o'r pwnc.

Bydd y seminarau yn gyfle i fyfyrwyr drafod pynciau pob darlith ac ymdrin ag unrhyw broblemau. Bydd cwestiynau neu dasgau penodol yn cael eu gosod cyn pob seminar a disgwylir i fyfyrwyr weithio'n annibynnol a pharatoi'n ddigonol ar gyfer y sesiynau hyn. Nod y seminarau yw hybu dealltwriaeth feirniadol a dysgu annibynnol, gan annog cyfranogiad gweithredol mewn gwaith grwp a datblygu hunanhyder.
Maes llafur
Bydd y modiwl hwn yn cwmpasu pynciau megis

• Natur a diben y gyfraith weinyddol
• Yr ystad weinyddol fodern - gwthio'r ffiniau'n ol ac esblygiad Rheolaeth Gyhoeddus Newydd.
• Cyflwyniad i adolygiad barnwrol.
• Trefniadau cwyno anfarnwrol - system yr Ombwdsmon.
• Rol llywodraeth leol.