Module Information

Sut mae clywed lleisiau'r oesoedd canol? A oes posib cael syniad iawn o sut oedd pobl yn teimlo a sut oeddent yn meddwl? I ba raddau mae'r bosibl cael at y `gwirionedd? wrth edrych ar ffynonellau'r cyfnod? Dyma'r materion y bydd y modiwl hwn yn ymdrin a hwy. Wrth edrych ar ffynonellau llenyddol o'r cyfnod, yn enwedig barddoniaeth, byddwn yn trafod pa mor agos maent yn dod a ni at adnabod y bobl a'r gymdeithas a'r cynhyrchodd. Mae corff mawr o farddoniaeth wedi goroesi o Gymru'r oesoedd canol ac maent yn amrywiol iawn yn eu natur. O'r doniol i'r difrifol, o'r rhywiol i'r crefyddol, o ganmol i wawdio, maent i gyd yn ein dysgu am fywyd y cyfnod ac yn taflu goleuni ar agweddau gwahanol o gymdeithas: cyfoeth, eiddo, rhyfela, gwleidyddiaeth, diwylliant, hunaniaeth, credoau, emosiynau a dioddefaint. Wrth astudio'r ffynonellau, yn eu ffurf gwreiddiol ac ar ffurf diweddariadau, daw myfyrwyr i werthfawrogi pwysigwydd ffynonellau llenyddol a'r modd y gellir eu defnyddio i ddeall hanes a chael golwg ar deimladau a syniadau'r gorffennol.