Disgrifiad cryno
Bwriad y modiwl hwn yw cyflwyno i fyfyrwyr rai o'r prif ystyriaethau, damcaniaethau a dadleuon yn Astudiaethau
Strategol. Mae a wnelo Astudiaethau Strategol a chyfraniad grym milwrol mewn cysylltiadau rhyngwladol a'r modd y'i
defnyddir. Mae'r modiwl yn canolbwyntio'n benodol ar bum brif bwnc o bwys: natur rhyfel, heddwch a diogelwch; strategaeth
niwclear a rheoli arfau niwclear, gan gynnwys dyfodol arfau niwclear a pherygl amlhau arfau niwclear; rhyfel confensiynol, a
rhyfel y Gwlff 1991 yn benodol a'r 'rhyfel seiberneteg'; rhyfel chwyldroadol-gerila a therfysgaeth; a materion newydd mewn
strategaeth gan gynnwys ymyrraeth ddyngarol ac Gweithgareddau cynnal heddwch.

Nod y modiwl
Cynnig ichi gyflwyniad i'r prif ystyriaethau a rhai o'r dadleuon a'r damcaniaethau mewn Astudiaethau Strategol.

Amcanion
Erbyn diwedd y modiwl dylech fedru:

- trafod cyfraniad grym milwrol mewn cysylltiadau rhyngwladol, gan gynnwys natur rhyfel, hedwch a diogelwch;
- amlinellu effaith arfau niwclear ar strategaeth a damcaniaethau ataliaeth niwclear a rheoli arfau niwclear;
- asesu'r strategaethau a ddefnyddiwyd yn Rhyfel y Gwlff ym 1991 ac effaith bosibl 'seiber-dechnoleg' ar strategaeth;
- trafod damcaniaethau rhyfel chwyldroadol-gerila a therfysgaeth;
- dangos ymwybyddiaeth o rai o'r materion newydd mewn astudiaethau strategol.