Disgrifiad cyffredinol
Pwrpas y modiwl hwn yw rhoi i fyfyrwyr ddealltwriaeth sylfaenol o ddulliau ymchwil a theori gymdeithasol, a meithrin eu sgiliau er mwyn ymchwilio ar gyfer y traethawd estynedig gorfodol a'i ysgrifennu'n llwyddiannus. Trwy gysylltu'r dulliau hyn a dadleuon mewn theori gymdeithasol mae modd i fyfyrwyr ddeall sut mae ymchwil wedi ei gwreiddio mewn damcaniaethau cymdeithasol penodol gan ystyried cryfderau a gwendidau dulliau penodol o ymchwilio. Mae'r modiwl yn cynnwys sesiynau ar theori gymdeithasol, cysyniadau sylfaenol mewn cymdeithaseg, cynllunio ymchwil, llunio testun, ffynonellau ymchwil, dulliau cyflwyno a dulliau ymchwil. Yn ystod y modiwl dynodir arolygwyr traethawd i fyfyrwyr, a byddant yn cael y cyfle i drafod pwnc eu traethawd gyda hwy.

Nod
Amcan y modiwl hwn yw rhoi i fyfyrwyr yr ail flwyddyn ddealltwriaeth sylfaenol o ddulliau ymchwil ac o'r gwyddorau cymdeithasol, a'u rhoi ar ben ffordd yn gynnar wrth ysgrifennu eu traethawd estynedig.

Disgrifiad cryno
Ar ddiwedd y modiwl dylai myfyrwyr fedru:

• dangos gafael ar y safbwyntiau cystadleuol ar astudio'r byd cymdeithasol a goblygiadau hynny ar gyfer ymchwil;

• nodi a defnyddio amrediad o ddulliau ymchwil a manylu ar eu cryfderau a'u gwendidau;

• deall terminoleg syfaenol ymchwil gymdeithasegol;

• cynllunio a chyflawni ymchwil gymdeithasol annibynnol ar lefel sy'n addas i'r traethawd estynedig;

• darparu teitl ymarferol a chynllun manwl o destun eu traethawd estynedig;

• nodi a defnyddio amrediad mawr o ffynonellau ymchwil;

10 credydau ECTS