Disgrifiad cryno
Roedd dyfodiad yr Undeb Sofietaidd a'i dranc yn ddigwyddiadau tyngedfennol fel ei gilydd a hynny'n fyd eang. Buont yn destunau dadleuon dwys o'r tu allan erioed ond dim ond nawr, wedi i'r wladwriaeth ddiflannu ac agor yr archifdal y ceir cyfle i anelu at ddealltwriaeth wrthrychol o ddigwyddiadau aruthrol fel y rhyfel cartref, cyfunoli amaethyddiaeth, carthion gwleidyddol Stalin a'r "Braw" a rol Yr Undeb cyn ac yn ystod yr Ail Ryfel Byd. Dyma rai o bynciau'r cwrs hwn, fydd nid yn unig yn olrhain prif ddatblygiadau gwleidyddol y cyfnod ond yn eu cysylltu a datblygiadau cymdeaithasol, gan gynnwys tyfiant haenen gymdeithasol sylweddol wedi'i haddysgu, a'r mudiadau cenedlaethol sydd mor bwysig i ddealltwriaeth o adeg perestroica a glasnost.