| Cod y Modiwl | AP10220 | ||||||||||||||
| Teitl y Modiwl | GWEITHIO GYDA'R CORFF | ||||||||||||||
| Blwyddyn Academaidd | 2006/2007 | ||||||||||||||
| Cyd-gysylltydd y Modiwl | Miss Margaret P Ames | ||||||||||||||
| Semester | Semester 2 | ||||||||||||||
| Manylion y cyrsiau | Eraill | Sesiynau ymarferol profiadol 10 x 2 awr | |||||||||||||
| Eraill | Sesiynau technegol ffurfiol 10 x 1 awr | ||||||||||||||
| Dulliau Asesu |
| ||||||||||||||
1. arddangos gallu i baratoi'r corff yn ddiogel a thrylwyr ar gyfer gwaith corfforol mewn dosbarth technegol
2. cynnig prawf o'u datblygiad wrth ddefnyddio medrau corfforol
3. dangos ymwybyddiaeth o strwythur y corff a defnyddio'r ymwybyddiaeth hon mewn modd creadigol a deallus
4. dangos ymwybyddiaeth o'r angen am ddisgyblaeth a pharch tuag at yr ymarferion, y paratoi a'r perfformio
1a. (2 awr) 'Pwy ych chi' - sesiwn ymarferol yn seiliedig ar ganfyddiad yr unigolyn o'i hunan (oedran, golwg, cerddediad, ymwybyddiaeth o'r gofod a.y.b.)
1b. (1 awr) Gwaith corfforol technegol
2a. Disgyrchiant - sesiwn ymarferol i arbrofi gyda phwysedd y corff tra'n sefyll, eistedd a gorwedd ac i egluro sail cyfliniad y corff.
2b. Gwaith corfforol technegol
3a. Asgwrn y Cefn - sesiwn ymarferol i ddysgu am anatomi 'y sgerbwd echelinol' - asgwrn y cefn a'r penglog - mewn perthynas â disgyrchiant.
3b. Gwaith corfforol technegol
4a. Yr Anadl - sesiwn ymarferol i feddwl am yr anadl fel proses sy'n hyrwyddo symud, ynghyd â pheirianwaith anadlu a'i bwysigrwydd i'r system gyfan.
4b. Gwaith corfforol technegol
5a. Paratoi'r corff - sesiwn ymarferol i ddysgu rhai o'r ymarferion wedi'u cynllunio i gynhesu'r cyhyrau a rhyddhau'r cymalau gan bwysleisio ymarfer diogel.
5b. Gwaith corfforol technegol
6a. Gweithio o'r Canol - sesiwn ymarferol a fydd yn datblygu gwaith paratoi'r corff ac yn edrych ar sadrwydd y Canol trwy dargedu cyhyrau dwfn.
6b. Gwaith corfforol technegol
7a. Gweithio gyda Phobl Eraill - sesiwn ymarferol i ddechrau cyfuno'r egwyddorion a gyflwynwyd eisoes. Bydd myfyrwyr yn arsylwi ar eu gweithgarwch corfforol ei gilydd er mwyn dysgu am weithredoedd y cyhyrau.
7b. Gwaith corfforol technegol
8a. Byrfyfyrio - sesiwn ymarferol lle defnyddir yr wybodaeth am egwyddorion Disgyrchiant ac Anadl wrth greu a dadansoddi gwaith symud.
8b. Gwaith corfforol technegol
9a. Byrfyfyrio 2 - Cyfuno'r holl egwyddorion a gyflwynwyd yn ystod y modiwl er mwyn herio'r unigolyn i symud yn ôl ysgogiadau anatomig.
9b. Gwaith corfforol technegol
10a. 'Pwy ych chi nawr'(2) - sesiwn ymarferol/seminar i ddychwelyd at y gwaith cyntaf a dadansoddi newidiadau o ran agwedd, ymwybyddiaeth a phrofiad.
10b. Gwaith corfforol technegol
Bydd yr ymarferion a gyflwynir yn ystod y sesiynau dysgu yn cynnig patrwm gwaith corfforol ond hefyd yn pwysleisio ymwybyddiaeth ddeallusol er mwyn datblygu gallu a rheolaeth gorfforol. Bydd y cwrs yn defnyddio geirfa benodol ac yn cyflwyno termau anatomig wrth drafod rhai darnau o'r corff. Bydd y myfyrwyr yn dysgu am swyddogaethau rhai o'r prif gyhyrau ac yn datblygu medrau dadansoddi gweithredoedd y cyhyrau trwy gyflawni symudiadau syml.
Yn y sesiynau ymarferol 2 awr, fe fydd disgwyliad i'r myfyrwyr ymrwymo i broses o ddarganfod trwy arbrofi. Cyflwynir cyfres o ymarferion i hyrwyddo ymwybyddiaeth y myfyrwyr o'r corff ac i bwysleisio'r broses o newid corfforol a fydd yn digwydd yn ystod cyfnod y modiwl ei hun. Yn ogystal â'r sesiynau hyn, cynhelir seisynau 1 awr o waith technegol. Cyflwynir y sesiynau hyn mewn dull ffurfiol o dan arweiniad tiwtor y modiwl, ac fe fyddant yn cyflwyno ymarferion o'r maes dawns cyfoes, ioga a ffitrwydd. Y nod wrth gyflwyno dau fath gwahanol o sesiwn ymarferol fydd sicrhau bod y gwaith anatomig profiadol yn bwydo dealltwriaeth a medrau'r myfyrwyr yn ystod y sesiynau ffurfiol, a bod y sesiynau hyn yn cynnig cyfle i ddatblygu hyfforddiant personol cyson.
| Problem_solving | Bydd elfen o ddatrys problemau yn rhan o gynnwys pob ymarfer. Bydd disgwyl i'r myfyrwyr ddefnyddio'r egwyddorion anatomig er mwyn datrys problemau megis cydbwysedd, ymdrin â'r gofod, grym a phwrpas tra'n symud yn effeithiol. | ||
| Research skills | Fe fydd ymchwil personol yn sail i waith y modiwl. Disgwylir i'r myfyrwyr arsylwi a dadansoddi datblygiad eu proses mewnol a'u hymwybyddiaeth unigol, yn ogystal â'u goblygiadau tuag at bobl eraill. Cryfheir gwaith yr unigolyn yn sylweddol yn ystod y modiwl wrth iddynt ymchwylio'n bellach i swyddogaeth y corff ym maes anatomi ac wrth ddod â dealltwriaeth ddyfnach i'r gwaith sydd yn ganlyniad i ymchwil personol. | ||
| Communication | Bydd pob elfen o'r modiwl yn hyrwyddo cyfathrebu rhwng yr unigolyn a phartneriaid, a'r grwp cyfan. Bydd y gwaith yn pwysleisio cyfathrebu sensitif a deallus, gan ddefnyddio gwybodaeth wedi'i derbyn trwy gyffwrdd a gweld, yn ogystal â darllen a gwrando. Mae¿n hanfodol bod y myfyrwyr yn datblygu medrau cyfathrebu sy'n galluogi dealltwriaeth o'r corff ac sydd yn berthnasol ac yn gefn i'r unigolyn. Fe fydd cyfathrebu yn rhan bwysig o holl asesiadau'r modiwl, felly, ond nid asesir cyfathrebu fel elfen annibynnol per se. | ||
| Improving own Learning and Performance | Er bod datblygu a gwella medrau perfformio a dysgu yn un o brif amcanion y modiwl hwn, nid asesir yr elfennau hyn yn benodol ac uniongyrchol yn y modiwl | ||
| Team work | Ni fydd y modiwl yn canolbwyntio'n benodol ar waith tîm, ond fe fydd yn ysgogi agwedd bositif tuag at bobl eraill a'u galluoedd. Fe fydd myfyrwyr sy'n dilyn y modiwl hwn yn arbrofi fel unigolion ac fel grwp, a bydd sylwadaeth a chyfathrebu yn rhan annatod o'r gwaith | ||
| Information Technology | Ni fydd y medrau hyn yn rhan o'r modiwl. mae'r sesiynau yn ymarferol ac yn canolbwyntio ar y corff heb ddefnyddio cyfryngau eraill. | ||
| Personal Development and Career planning | Fe fydd datblygiad personol yn rhan hollbwysig o waith y modiwl ond ni fydd y gwaith yn arwain yn uniongyrchol at ystyriaethau gyrfaol. Bydd pob unigolyn yn manteisio ar wybodaeth a dealltwriaeth ddyfnach o¿u hunain a bydd hyn yn hybu eu gwaith perfformio | ||
Mae'r modiwl hwn ar Lefel 4 FfCChC