Gwybodaeth Modiwlau

Mae mwy na 75% o boblogaeth y byd yn byw yn y Trydydd Byd, ond yn draddodiadol mae'r rhannau hyn o'r byd wedi cael eu gwthio i'r ymylon wrth astudio gwleidyddiaeth a chysylltiadau rhyngwladol. Mae'r modiwl hwn yn cyflwyno myfyrwyr i rai o faterion allweddol gwleidyddiaeth y Trydydd Byd ac yn portreadu'r Trydydd Byd fel rhan annatod o'r amgylchedd gwleidyddol byd-eang.

Rhennir y modiwl yn bump prif adran, gyda phob adran yn pwysleisio cysylltioldeb y Byd Cyntaf a'r Trydydd Byd fel y'u gelwir. Mae'r modiwl yn dechrau gyda thrafodaeth ar etifeddiaeth gwladychiaeth, un o'r profiadau sy'n gyffredin i gymdeithasau sydd ac eithrio hynny yn gwbl wahanol. Mae'r ail adran yn canolbwyntio ar sialensau gwleidyddol, megis creu gwladwriaeth, cipio awdurdod drwy rym milwrol a democratiaeth. Mae'r drydedd adran yn archwilio amryfal faterion yn ymwneud a datblygiad, megis newyn, gender a'r amgylchedd, tra mae'r bedwaredd adran yn canolbwyntio ar gyfres o sialensau economaidd, gan gynnwys yr argyfwng dyled. Mae'r bumed adran wedi ei neilltuo i faterion diogelwch, ac mae'n cynnwys darlithoedd ar benodolrwydd diogelwch y trydydd byd, lluosogi arfau a HIV/AIDS.

Darlithiau

A. Cyflwyniad
1. Beth yw'r Trydydd Byd?

B. Trefedigaethu a'i Waddol
2. America Ladin
3. Affrica
4. Y Tlysau yn y Goron/Dechrau'r Diwedd

C. Pynciau yng Ngwleidyddiaeth y Trydydd Byd
5. Gwladwriaeth y Trydydd Byd
6. Y Milwr sydd Bellach yn Wleidydd
7. Yr Alwad am Ddemocratiaeth

Ch. Materion Datblygu yn y Trydydd Byd
8. Beth yw Datblygiad?
9. Eisiau Bwyd a Newyn
10. Rhywedd a Datblygiad
11. Datblygiad a'r Amgylchedd

D. Materion Economaidd yn y Trydydd Byd
12. Yr Argyfwng Dyled
13. Addasu Strwythurol
14. Gwyrth Dwyrain Asia: Y Gwledydd Newydd eu Diwydianeiddio

Dd. Materion Diogelwch yn y Trydydd Byd
15. Beth yw Diogelwch ac at Bwy y mae wedi'r Anelu?
16. Amlhau Arfau Bychain
17. AIDS/HIV fel Bygythiad i Ddiogelwch (?)

E. Diweddglo
18. Ble Mae'r Trydydd Byd Erbyn Hyn?

Bydd sgiliau astudio yn cael eu dysgu I'r myfyrwyr drwy gyfrwng cymryd rhan weithredol mewn seminarau, a bydd hynny'n cael ei ategu gan gwricwlwm seiliedig ar y we a'r y fewnrwyd Adrannol (Adnodd Sgiliau Mewnrwyd). Bydd pedwar prif faes yn cael eu cynnwys: ffynonellau (argraffedig a rhai seiliedig ar y we; seminarau a gweithio mewn grwp bychan; traethodau; arholiadau. Bydd yr addysgu sgiliau yn ymarferol ac yn addas I'r tasgau y bydd y myfyrwyr yn eu hwynebu yn ystod eu hastudiaethau, ac fel y cyfryw byddant yn cael eu cysylltu a chynnwys academaidd y modiwl ac ag asesiad y myfyrwyr. Bydd tiwtoriaid seminarau fel y cyfryw yn ymgymryd ag addysgu sgiliau fel y bo hynny'n addas I'r grwp arbennig hwnnw, yn hytrach na dilyn trefn anhyblyg. Felly gallai trafodaethau yn ymwneud a gwaith grwp ddigwydd yn gynnar yn y modiwl, gallai trafodaethau yn ymwneud a ffynonellau ddigwydd drwy gydol y modiwl tra byddai mater ysgrifennu traethodau yn cael sylw yn nes at amser cyflwyno'r gwaith. Bydd y dull llai strwythuredig o fynd ynglyn ag addysgu sgiliau yn cael ei ategu gan yr Adnodd Sgiliau Mewnrwyd a fydd yn cynnwys nodiadau ar amryfal faterion yn ymwneud a sgiliau, rhestr darllen ynghyd a chysylltau ag adnoddau eraill y Coleg (megis y Gwasanaethau Gwybodaeth) ac a safleoedd sgiliau sydd eisoes ar gael ar y we. Dylid nodi bod yr Adran wedi rhoi cynnig ar lawer o strategaethau addysgu sgiliau, ond mai siomedig fu'r canlyniadau, a gobeithir y bydd ymgorffori'r rhain yn rhan o drefn academaidd ddyddiol y myfyrwyr yn profi'n effeithiol

Bydd y myfyrwyr yn cael cyfle i ddatblygu, ymarfer a phrofi ystod eang o sgiliau trosglwyddadwy a fydd yn eu helpu i ddeall, cysyniadoli a gwerthuso enghreifftiau a syniadau. Drwy gydol y cwrs dylai myfyrwyr ymarfer a gwella eu sgiliau darllen, deall a meddwl, yn ogystal a'u sgiliau rhifedd sylfaenol a'u sgiliau hunanreoli. Yn ystod darlithoedd bydd myfyrwyr yn datblygu sgiliau gwrando ac ysgrifennu nodiadau, yn ogystal a sgiliau dadansoddi. Mewn seminarau bydd myfyrwyr yn gwella eu sgiliau dadansoddi ac yn ymarfer sgiliau gwrando, egluro a dadlau, yn ogystal a gweithio mewn tim a datrys problemau. Bydd ysgrifennu traethodau yn annog myfyrwyr i ymarfer eu sgiliau ymchwilio annibynnol, ysgrifennu a TG, a bydd yr arholiadau yn profi'r sgiliau hyn o dan amgylchiadau amser cyfyngedig.