Module Information
Manylion y cyrsiau
| Math o Ddysgu | Manylion / Hyd Dysgu |
|---|---|
| Darlithoedd | |
| Seminarau / Tiwtorialau |
Dulliau Asesu
| Math o Assessiad | Manylion / Hyd Assessiad | Cyfran |
|---|---|---|
| Asesiad Semester | Cyfraniad i Seminar / Cofnod Dysgu | 20% |
| Asesiad Semester | 1 x traethawd 3,000 o eiriau | 50% |
| Arholiad Semester | 2 Awr 1 x arholiad 2 awr | 30% |
Canlyniadau Dysgu
Erbyn cwblhau’r modiwl hwn dylai myfyrwyr allu:
1. Amlinellu damcaniaethau’r meddylwyr allweddol ym maes damcaniaeth wleidyddol ryddfrydol gyfoes.
2. Amlinellu syniadau athronyddol craidd y damcaniaethau hynny a gynhwysir yn y cysyniad o ‘Gyfiawnder Byd-eang’.
3.Gwerthuso goblygiadau agweddau ‘gwladwriaethol’ a ‘chosmopolitan’ yng nghyd-destun damcaniaethau gwleidyddol rhyngwladol.
4. Gwerthuso a chynnig dadleuon damcaniaethol.
5. Cymharu a dadansoddi’n gritigol y syniadaeth ynglŷn ag anghyfartaledd byd-eang.
6. Cloriannu ystod eang o argymhellion polisi ar gyfer cynnig cymorth i ranbarthau annatblygedig.
7.Dadansoddi goblygiadau normadol ystod o bersbectifau ar dan-ddatblygiad.
8.Trafod arwyddocâd a rôl ehangach damcaniaeth wleidyddol ryngwladol o fewn maes Cysylltiadau Rhyngwladol.
Nod
Mae'r modiwl hwn yn ychwanegu at ddarpariaeth yr Adran ym maes damcaniaeth wleidyddol ryngwladol a maes gwleidyddiaeth y trydydd byd trwy ddarparu ffocws ar y trafodaethau damcaniaethol a normadol yng nghyd-destun y byd annatblygedig Mae'n ategu at y ddarpariaeth gyfredol mewn ystod o feysydd gwahanol gan adeiladu ar y wybodaeth a rennir mewn modiwlau Rhan Un megis GW12220 Chwyldro a Dilyniant mewn Athroniaeth Wleidyddol, GW10420 Cyflwyniad i Wleidyddiaeth Ryngwladol, a GW10620 Cyflwyniad i Wleidyddiaeth Ryngwladol y Trydydd Byd a modiwlau Rhan Dau megis IP39220 The Third World in International Politics. Mae'n galluogi myfyrwyr sydd â diddordeb yn y pwnc i gaffael gwybodaeth arbenigol am nifer o ddamcaniaethau ar dan-ddatblygiad, trafodaethau polisi, a dadleuon athronyddol ynglŷn â phwysigrwydd a'r rheidrwydd moesol i roi cymorth i’r anghenus pell.
Cynnwys
Moderneiddio Gwleidyddol neu Ddamcaniaethau Systemau Byd-eang: Persbectif Hanesyddol
Masnach Deg: Economi Wleidyddol Ryngwladol 'Gyfiawn'?
Adeiladu Gwladwriaeth a Democrateiddio: Cymorth Cefnogol neu Ymyrraeth Anghyfiawn?
Cymorth Datblygu: Ddylen ni neu beidio?
Athroniaeth Wleidyddol o fewn Cysylltiadau Rhyngwladol: Gwneud lle i'r 'moesol' o fewn Cysylltiadau Rhyngwladol
Rhyddfrydiaeth Gosmopolitan: Cyfiawnhau dyletswyddau i ddieithriaid pell
Rhyddfrydiaeth Sosialaidd: cyfiawnhau dyletswyddau i wladwriaethau annatblygedig
Dadlau dros ddyletswyddau: I bwy mae'r ddyled – pobloedd neu bersonau?
Casgliad: Pa ffordd nawr? Gwireddu Cyfiawnder Byd-eang
Disgrifiad cryno
Hanfod y modiwl hwn yw astudio trallod tlodi byd-eang. Ymgymerir yn bennaf â'r pwnc drwy ddamcaniaeth normadol a damcaniaethau ar annatblygiad – a’r argymhellion polisi sy’n gysylltiedig â hwy. Bydd myfyrwyr yn trafod gofynion athronyddol y cysyniad o 'gyfiawnder byd-eang'. Yn aml, lleolir trafodaethau o'r fath o fewn maes athroniaeth wleidyddol ryddfrydol gyfoes, ac yn enwedig y traddodiad athronyddol a ysbrydolwyd gan waith John Rawls. Rhoddir pwyslais mawr ar y modd y gallwn gyfiawnhau dyletswyddau i ddieithriaid pell a sut y gellir gweithredu’r rhain. Bydd y modiwl hefyd yn dadansoddi'r damcaniaethau empeiraidd hynny sy'n sail i drafodaethau o'r fath, gan gynnig amrywiaeth o bersbectifau damcaniaethol ar ddatblygiad. Yn olaf, anogir myfyrwyr i ystyried y trafodaethau normadol ac empeiraidd yma, a chloriannu’r amrywiol argymhellion sydd yn codi ohonynt. Bydd y modiwl hwn ar gael i fyfyrwyr sy'n astudio trwy gyfrwng y Gymraeg a'r Saesneg.
Nodau
Mae'r modiwl hwn yn cydymffurfio a FfCChC Lefel 6