Module Information
Manylion y cyrsiau
| Math o Ddysgu | Manylion / Hyd Dysgu |
|---|---|
| Darlithoedd | 10 darlith 1 awr (darlithoedd drwy gyfrwng y Saesneg) |
| Sesiwn Ymarferol | 10 gweithdy 2 awr |
Dulliau Asesu
| Math o Assessiad | Manylion / Hyd Assessiad | Cyfran |
|---|---|---|
| Asesiad Semester | Aseiniad Taenlen (32%), Aseiniad Ystadegaeth (32%), Rhaglen ymwybyddiaeth sgiliau a'r Curriculum Vitae (12%),Cyflwyniad Grwp (12%), Cyflwyniad ar destun mewn Mathemateg neu Ffiseg (12%) | 100% |
| Arholiad Ailsefyll | 2 Awr Arholiad ymarferol ar daenlenni ac ystadegaeth | 100% |
Canlyniadau Dysgu
Wedi cwblhau'r modiwl dylai'r myfyrwyr:
1. Gosod neu addasu taenlen i wneud amrywiaeth o gyfrifiadau a chynhyrchu crynodebau a siartiau o'r ffigurau sy'n cael eu trin
2. Archwilio set ddata gan ddefnyddio pecyn ystadegaeth a chymhwyso dulliau syml i ddadansoddi a chyflwyno y wybodaeth y mae'n ei chynnwys
3. Defnyddio pecyn prosesu geiriau i gynhyrchu dogfennau syml yn cynnwys Curriculum Vitae
4. Defnyddio pecyn cyflwyniad i gynhyrchu cyflwyniad sleidiau syml
5. Rhoi cyflwyniad ar destun mewn Mathemateg neu Ffiseg
6. Cynhyrchu portffolio Cynllun Datblygiad Personol
Disgrifiad cryno
Mae'r modiwl yn cyflwyno nifer o becynnau TG i'r myfyrwyr: pecyn prosesu geiriau, pecyn cyflwyniad, pecyn taenlen a phecyn ystadegaeth, ac yn arddangos defnydd syml o'r pecynnau ar gyfer y gweithle. Fel rhan o'r modiwl mae'r Gwasanaeth Cynghori ar Yrfaoedd yn darparu rhaglen ymwybyddiaeth sgiliau ble bydd pob myfyriwr yn paratoi Curriculum Vitae. Drwy weithio mewn timau bydd y myfyrwyr yn ymchwilio i yrfaoedd sydd ar gael i raddedigion eu disgyblaeth ac i'r defnydd o'r sgiliau a ddatblygir yn eu cyrsiau ar gyfer y gyrfaoedd yma. Bydd y timau yn rhoi cyflwyniad grwp ar sail eu hymchwiliad gan ddefnyddio'r pecyn cyflwyniad. Bydd y myfyrwyr hefyd yn paratoi ac yn rhoi cyflwyniad byr unigol ar destun mewn Mathemateg neu Ffiseg. Mae'r portffolio Cynllunio Datblygiad Personol (CDP) yn elfen o'r cwrs a fydd yn gosod sail i sgwrs gyda'r Tiwtor Personol.
Nod
Mae'r modiwl yn darparu cyfle i ddatblygu amrywiaeth o sgiliau trosglwyddadwy, nad sy'n uniongyrchol gysylltiedig â Mathemateg neu Ffiseg, ond sydd wedi eu cynllunio i ychwanegu at brofiadau dysgu'r myfyrwyr ac i wella'u rhagolygon cyflogaeth.
Cynnwys
Rhaglen ymwybyddiaeth sgiliau: yn cynnwys cyngor ar baratoi CV gan y Gwasanaeth Cynghori ar Yrfaoedd.
Cyflwyniadau grwp: ar y defnydd o'r sgiliau a ddatblygir gan Fathemategwyr a Ffisegwyr mewn gyrfaoedd perthnasol.
Cynllun Datblygiad Personol: rhagarweiniad, templed safonol.
Pecyn Cyflwyniad: rhagarweiniad, rhoi cyflwyniad syml.
Pecyn taenlen: gorolwg o daenlenni, mewnbynnu a fformatio gwybodaeth, fformwlâu a ffwythiannau, copïo cynnwys cell, trin taenlen(fawr).
Pecyn ystadegaeth: gorolwg, defnydd o'r cyfleuster cymorth, mewnbwn, trin a chywiro data, dewis rhaglenni drwy ddadansoddiad data archwiliol, atchweliad llinol a phrofi rhagdybiaethau; gosod yr allbwn mewn dogfennau Word.
Sgiliau Modiwl
| Math o Sgiliau | Manylion Sgiliau |
|---|---|
| Cyfathrebu | Datblygir cyfathrebu ysgrifenedig drwy'r CV a'r CDP. Datblygir cyfathrebu ar lafar drwy'r cyflwyniadau. |
| Datblygu personol a chynllunio gyrfa | Bydd y rhaglen ymwybyddiaeth sgiliau, y cyflwyniad grwp a pharatoi y portffolio CDP yn darparu cyfleoedd i gynllunio ar gyfer gyrfa ac i fyfyrio ar ddatblygiad personol. |
| Datrys Problemau | Datblygir sgiliau datrys problemau yn y modiwl drwy aseiniadau taenlen ac ystadegaeth ac wrth baratoi cyflwyniad ar destun mewn Mathemateg neu Ffiseg. |
| Gwaith Tim | Mewn grwpiau y gwneir y gwaith sy'n arwain at y cyflwyniad grwp. |
| Gwella dysgu a pherfformiad ei hun | Drwy baratoi portffolio CDP bydd y myfyrwyr yn bwrw golwg ar eu profiadau dysgu ac yn cofnodi sut y gallant elwa yn sgil hyn. |
| Rhifedd | Caiff cysyniadau a thechnegau rhifyddol eu hystyried yng nghyd-destun y pecynnau taenlen ac ystadegaeth. |
| Sgiliau pwnc penodol | |
| Sgiliau ymchwil | Caiff sgiliau ymchwil eu datblygu wrth ymchwilio i destun y cyflwyniad ac ymchwilio i'r sgiliau sydd eu hangen ar gyfer amrywiol fathau o gyflogaeth. |
| Technoleg Gwybodaeth | Bydd y myfyrwyr yn defnyddio amrywiaeth o becynnau cyfrifiadur. |
Nodau
Mae'r modiwl hwn yn cydymffurfio a FfCChC Lefel 4