Programme Specifications

N/A

Datganiad Meincnodi Hanes gan yr Asiantaeth Sicrhau Ansawdd Addysg Uwch.

Medi 2023

Medi 2023

Nod y Rhaglen yw datblygu diddordeb y sawl sy’n astudio Hanes, a meithrin ynddynt wybodaeth a dealltwriaeth ddyfnach o’r pwnc. Mae’r Rhaglen yn cynnig i fyfyrwyr ddewis eang o ran cyfnodau a themâu hanesyddol o’r oesoedd canol hyd heddiw, gan gynnwys cyfleoedd i astudio agweddau ar hanes gwleidyddol, cymdeithasol, diwylliannol neu economaidd, mewn mwy nag un wlad. Mae’r modiwlau craidd yn canolbwyntio ar feithrin sgiliau ymchwilio hanes sylfaenol ac ar ddealltwriaeth o faterion hanesyddiaethol. Drwy hyn, nod y Rhaglen yw cynhyrchu graddedigion a fydd yn meddu ar sgiliau ymchwilio a dehongli o safon uchel, ac a fydd wedi cael blas ar werthfawrogi gwerth Hanes i gymdeithas, a fydd yn aros gyda hwy gydol eu hoes.

Mae rhaglenni cyfun yn caniatáu i fyfyrwyr ddatblygu gwybodaeth ddofn mewn Cysylltiadau Rhyngwladol a phwnc arall, gan astudio hanner eu modiwlau yn y naill adran a'r llall. Y mae myfyrwyr sy'n gwneud gradd mewn Cysylltiadau Rhyngwladol yn ennill sylfaen gadarn ym maes egwyddorion a chysyniadau craidd y ddisgyblaeth yn ogystal â chael y cyfle i arbenigo mewn is-feysydd allweddol o'u dewis, neu, i astudio'r sbectrwm cyflawn o faterion y gellir eu hystyried yn berthnasol i wleidyddiaeth ryngwladol cyfoes. Dysgir yr holl fodiwlau gan staff ymchwil sy'n ffynnu ar y cyfle i drwytho'r myfyrwyr â'u gwaith (cyhoeddedig, ac ar droed). Nod y rhaglen yw creu myfyrwyr sy'n meddu ar y sgiliau angenrheidiol i ddadansoddi a myfyrio ar gynnwys y cynllun gradd yn ogystal ag ennill ystod eang o sgiliau trosglwyddadwy. Yn ein barn ni, bydd sgiliau yn y pwnc hwn yn werthfawr i gyflogwyr y dyfodol ac i'r gymdeithas sifil ehangach.

Mae’r rhaglen yn cynnig y cyfle i fyfyrwyr ddatblygu a dangos gwybodaeth a dealltwriaeth, sgiliau, rhinweddau a phriodoleddau eraill yn y meysydd canlynol:

Bwriad canlyniadau dysgu y rhaglen hon yw diwallu disgwyliadau'r Datganiad Meincnodi ar gyfer Gwleidyddiaeth a Chysylltiadau Rhyngwladol. Y mae strwythur y cynllun gradd a'r cyflwyniad ohono yn cydnabod bod angen sicrhau cydbwysedd priodol rhwng ennill gwybodaeth pwnc-benodol, a datblygu sgiliau disgyblaeth penodol a chyffredinol. Y mae cyfuno'r ddwy elfen hon yn nodwedd ganolog o'r canlyniadau dysgu. Rhydd y rhaglen gyfle i fyfyrwyr ddatblygu ac arddangos gwybodaeth, dealltwriaeth, nodweddion, sgiliau a phriodoleddau eraill yn y meysydd canlynol:

• A1 Gwybodaeth a dealltwriaeth o gymdeithasau dynol yn y gorffennol drwy astudio ystod o gyfnodau a themâu hanesyddol mewn mwy nag un wlad, ac mewn sawl cyd-destun diwylliannol gwahanol.

• A2 Y gallu i lunio cwestiynau hanesyddol, ac i chwilio a chanfod amryfal fathau o dystiolaeth eilaidd a gwreiddiol briodol, gan gynnwys y ffurf electronig.

• A3 Y gallu i ddarllen a defnyddio ystod o destunau eilaidd a ffynonellau gwreiddiol yn feirniadol ac yn empathig.

• A4 Gwerthfawrogi natur gymhleth ac amrywiol sefyllfaoedd, digwyddiadau a dulliau meddwl y gorffennol.

• A5 Deall yr anawsterau cynhenid wrth ddehongli tystiolaeth hanesyddol, a’r modd y mae haneswyr yn ymdrin ag amwysedd, gwybodaeth annigonol a safbwyntiau gwahanol.

• A6 Gwerthfawrogi sgiliau beirniadol sylfaenol yr hanesydd wrth bennu a defnyddio rheolau tystiolaeth ac wrth brofi dilysrwydd datganiadau drwy ddatblygu dealltwriaeth ymarferol o sut y defnyddir technegau ymchwilio a holi profedig i gynhyrchu a dehongli gwybodaeth hanesyddol.

• A7 Annibyniaeth ddeallusol wrth osod a datrys problemau, dysgu sgiliau bywgraffyddiaethol, y gallu i gasglu, dewis, dethol, trefnu a chyfuno tystiolaeth hanesyddol, a’r gallu i lunio cwestiynau priodol ac i gynnig atebion iddynt gan ddefnyddio tystiolaeth a dadleuon dilys a pherthnasol.

• A8 Ymwybyddiaeth atblygol a beirniadol o rymoedd newidiadau hanesyddol a’r ffyrdd y’u hesbonnir mewn dadleuon hanesyddiaethol.

• A9 Trefnu dadleuon eglur a chydlynol ar lafar ac ar bapur, a’r gallu i wrando ac ymateb i ddadleuon eraill.

• A10 Deall gwerth cymdeithasol Hanes, a meithrin mwynhad oesol ohono fel pwnc.

Dulliau a strategaethau dysgu/addysgu:

Dysgir 1 drwy ddarlithoedd, seminarau (sy’n cynnwys cyflwyniadau ffurfiol, trafodaethau gosod a thrafodaethau a arweinir gan fyfyrwyr), gwaith cwrs a asesir. Mae’r adnoddau a geir yn Llyfrgell y Brifysgol ac yn Llyfrgell Genedlaethol Cymru yn rhoi cymorth ychwanegol. Dysgir 2-10 drwy gyfuniad o fodiwlau Dewis ac ystod o fodiwlau sgiliau a hanesyddiaethol. Drwy hyn oll, disgwylir i fyfyrwyr gadarnhau ac ymestyn eu gwybodaeth drwy ddarllen yn annibynnol.

Asesu:

Asesir yn ffurfiannol drwy waith cwrs (1-9) a chynigir adborth ar hyn i fyfyrwyr yn rheolaidd. Asesir yn gyfansymiol drwy gyfuniad o arholiadau amser-rhydd (1-4, 8, 9), prosiectau (2, 6). Gellir hefyd ymgymryd â thraethawd estynedig (1-9). Mae rhai modiwlau hefyd yn defnyddio dulliau asesu llafar (9).

Gwybodaeth a dealltwriaeth o'r canlynol:

• A1. Esblygiad y system ryngwladol o Westphalia tan heddiw

• A2. Y dadleuon allweddol yn hanes Cysylltiadau Rhyngwladol fel disgyblaeth

• A3. Ddamcaniaethau a chysyniadau craidd y maes

• A4. Brif strwythurau a phrosesau gwleidyddiaeth fyd-eang gan gynnwys gwybodaeth am ddeinameg rhanbarthol, llywodraethau a sefydliadau

• A5. Weithredwyr allweddol cysylltiadau rhyngwladol

• A6. Y deinamig, y prosesau a’r problemau allweddol sy’n wynebu Gwleidyddiaeth Fyd-eang

• A7. Sut gall yr ymdriniaethau hyn ein helpu i esbonio a deall digwyddiadau yn y byd

Dysgu/Addysgu a dulliau asesu:

Dysgir 1-7 trwy ddarlithoedd, seminarau, asesu gwaith cwrs, arholiadau ac ymchwil annibynnol. Y mae myfyrwyr hefyd yn dysgu trwy gymryd rhan mewn cymdeithasau myfyrwyr disgyblaeth-benodol a darlithiau cyhoeddus yn ogystal â thrwy gyfrwng adnoddau cyhoeddus eraill megis papurau newydd, teledu, radio a'r rhyngrwyd. Drwodd a thro, anogir myfyrwyr i ddarllen yn annibynnol er mwyn cynyddu, atgyfnerthu ac ehangu gwybodaeth a dealltwriaeth unigol o'r pwnc. Profir gwybodaeth a dealltwriaeth (1-7) trwy gyfuniad o arholiadau ysgrifenedig dibaratoad ac arholiadau y paratoir ar eu cyfer ymlaen llaw (1-7), traethodau (1-7), traethawd estynedig, (1-7, gan ddibynnau ar y pwnc) a gall gynnwys, yn ôl y dewis o opsiynau, cyflwyniadau seminar, adroddiadau, chwiliadau llenyddiaeth neu adolygiadau llyfr neu ffilm, e-bortffolios , logiau dysgu neu flogiau. Gall myfyrwyr hefyd ddysgu drwy hunan-ystyried wrth gwblhau eu ffurflenni i Raglen Ddatblygu’r Adran Gyrfaoedd.

• B1 Arfer â natur gymhleth ac amrywiol y pwnc a chymharu mewn ffordd ddeallus ar draws ffiniau amser a lle

• B2 Rhesymu yn feirniadol

• B3 Defnyddio dulliau a chysyniadau hanesyddol

• B4 Dangos annibyniaeth barn

• B5 Lledaenu gwybodaeth a syniadau i eraill, ar lafar ac ar bapur

Dulliau a strategaethau dysgu/addysgu:

Datblygir sgiliau deallusol gydol y Rhaglen mewn amrywiol ffyrdd. Mae’r rhain yn cynnwys datblygu sgiliau gwrando mewn darlithoedd a sgiliau deall wrth ddarllen a chymryd nodiadau (1), seminarau, dosbarthiadau tiwtorial, a gwaith cwrs (1-5)

Asesu:

Mae pob un o’r dulliau asesu yn mesur gallu’r myfyriwr ym mhob un o’r sgiliau deallusol uchod drwy ymatebion ysgrifenedig mewn amryw ffurf. Nid yw cyflwyniadau llafar yn cael eu hasesu’n ffurfiol ar hyn o bryd, ond fe’u datblygir mewn gwaith seminar a thiwtorial.

Sgiliau ymarferol

• C1 Chwilio, dewis, cymhathu a chyflwyno casgliadau o dystiolaeth hanesyddol o amryw ffynonellau

• C2 Arddangos hunanddisgyblaeth wrth reoli amser a’r gallu i weithio yn annibynnol a chyda phobl eraill

• C3 Darllen ffynonellau eilaidd yn feirniadol

• C4 Dadansoddi ffynonellau gwreiddiol mewn ffyrdd cymhleth, gan gynnwys y gallu i olrhain eu tarddiad, i ddadansoddi eu cynnwys a’u hiaith, ac i’w croesgyfeirio â ffynonellau gwreiddiol ac eilaidd eraill

Dulliau a strategaethau dysgu/addysgu:

Cyflwynir y sgiliau ymarferol hyn i bob myfyriwr drwy fodiwlau craidd Blwyddyn 1, ac fe’u datblygir ymhellach ym Mlynyddoedd 2 a 3 ym mhob modiwl. Mae llawlyfrau modiwlau ac Arweinlyfrau’r Flwyddyn yn cynnig arweiniad pellach, yn enwedig mewn perthynas ag ysgrifennu a pharatoi traethodau. Mae modiwlau sgiliau Blwyddyn 2 yn cyflwyno cyfres o sgiliau hanesyddol penodol, megis tystiolaeth lafar, TG, dadansoddi ystadegau, a’r defnydd o ystod eang o dystiolaeth o ganeuon i newyddiaduraeth. Caiff Sgiliau Asesu 1-3 eu hasesu’n bennaf drwy waith cwrs ac arholiadau, ac asesir 4, sy’n elfen bwysig wrth asesu pob modiwl, yn bennaf drwy draethodau, prosiectau ac arholiadau.

Sgiliau Deallusol:

• B1. Dewis, disgrifio a gwerthuso gwahanol ymdriniaethau

• B2. Dewis materion ac ymchwilio iddynt

• B3. Cymhwyso cysyniadau, damcaniaethau a syniadau at achosion go iawn

• B4. Nodi, archwilio a ffurfio atebion i broblemau deallusol

• B5. Rhesymu, dadansoddi a dehongli data a syniadau yn feirniadol

• B6. Mynegi ac ymarfer annibyniaeth barn

• B7. Myfyrio ar y profiad o ddysgu ac o ganlyniad, addasu strategaethau deallusol

• B8. Gallu defnyddio gwybodaeth a ddysgwyd i ddatrys problemau hypothetig neu wirioneddol

• B9. Gallu gwahaniaethu rhwng y perthnasol a'r amherthnasol

• B10. Sylweddoli bod mwy nag un ateb i broblemau yn aml

Dulliau Dysgu ac Addysgu ac Asesu:

Tra bod darlithiau yn cyflwyno pynciau a syniadau ger bron myfyrwyr, datblygir sgiliau deallusol pan fydd myfyrwyr yn mynd i'r afael â'r pwnc eu hunain, a rhyngweithio ag eraill yn y gymuned ddysgu ddeallusol yn ystod trafodaethau (mewn seminarau, lle mae tiwtoriaid yn ymroi i feithrin a datblygu sgiliau deallusol, ac mewn dadleuon cyhoeddus ehangach.) ac hefyd yn y broses o ddarllen ac ysgrifennu nodiadau, traethodau neu arholiadau. Yn ogystal, y mae myfyrdod a hunan-asesiad yn hanfodol ar gyfer dysgu sgiliau deallusol. Y mae tiwtoriaid yn ffurfio'u hargraffiadau am allu a chynnydd myfyrwyr ac yn eu hasesu trwy eu cysylltiad â hwy mewn seminarau ac wrth asesu gwaith ysgrifenedig. Asesir sgiliau deallusol (1-10) yn bennaf yn ôl perfformiad traethawd ac arholiad, yn ogystal â’r dulliau asesu eraill a nodir uchod. Y mae'r meini prawf asesu a gyhoeddir yn amlygu'r sgiliau deallusol hyn, ac yn eu tro adlewyrchir y rhain yn yr adborth i fyfyrwyr. Gall myfyrwyr asesu eu perfformiad eu hunain trwy fesur graddfa eu cynnydd hwy wrth ei gymharu â chynnydd eu cyfoedion, ac yng ngoleuni sylwadau'r tiwtor. Y mae rhwydd hynt i fyfyrwyr drafod datblygiad ac asesiad anffurfiol sgiliau o'r fath yn ystod oriau gwaith staff. Ni asesir dysgu personol (7) yn ffurfiol ond adlewyrchir llwyddiant cymharol yng ngallu myfyriwr i wella dros gyfnod o amser. Caiff dysgu personol hefyd ei wella drwy ymwneud â’r broses CDP.

Sgiliau Ymarferol Proffesiynol:

• C1. Ceisio a dethol gwybodaeth, a gwneud nodiadau effeithiol ar wybodaeth o amrywiol ffynonellau

• C2. Blaenoriaethu a threfnu gwybodaeth a'i gyflwyno fel tystiolaeth mewn dadl

• C3. Cynllunio, gwneud a chwblhau gwaith ysgrifenedig (erbyn dyddiadau cau caeth) sy'n briodol i wahanol gynulleidfaoedd neu dasgau

• C4. Adnabod ac adfer gwybodaeth berthnasol a chyfoe

• C5. Casglu gwybodaeth a dadleuon ar fyr rybudd i ateb cwestiynau penodol

• C6. Mynegi barn ddeallus trwy waith ysgrifenedig a thrafodaeth.

• C7. Gwrando ar farn eraill ac ymateb yn briodol

• C8. Llunio cwestiynau ac archwilio'r cysylltiadau rhwng amryfal bynciau

• C9. Dysgu o brofiad Dulliau

Dysgu ac Addysgu ac Asesu:

Y mae'r holl fodiwlau craidd, ac yn enwedig y rheiny a ddysgir yn Rhan Un, yn cynnwys elfennau sy'n ymdrin yn uniongyrchol â datblygu sgiliau ymarferol (1-8). Y mae'r broses o ysgrifennu traethodau, adroddiadau a chyflwyniadau (1-6) a pharatoi ar gyfer arholiadau (1-6, 9) yn fodd i'r myfyriwr hogi sgiliau trwy ymarfer, ag adborth y tiwtoriaid yn sicrhau arweiniad iddynt. Y mae trafod mewn seminarau neu ddadlau mewn fforymau cyhoeddus yn fodd i fyfyrwyr wella eu sgiliau cyfathrebu deallusol (2, 5-9). Yn ogystal â hyn, y mae myfyrwyr yn dysgu a gwella sgiliau o'r fath trwy fyfyrio'n unigol ar eu profiadau dysgu ac addasu eu dulliau dysgu i bwrpas; proses sy'n cael cryn sylw yn yr holl fodiwlau. Gall myfyrwyr hefyd ddysgu drwy hunan-ystyried wrth gwblhau eu ffurflenni i Raglen Ddatblygu’r Adran Gyrfaoedd.

• D1 Arddangos arweiniad ac ysgogiad, hunangyfeiriad a hunangymhelliant

• D2 Arddangos hyblygrwydd ac annibyniaeth barn

• D3 Arddangos sgiliau cyflwyno a chyfathrebu effeithiol, ar lafar ac ar bapur

• D4 Rheoli amser a chadw at ddyddiadau cau

• D5 Chwilio a chanfod gwybodaeth mewn amrywiaeth eang o ffynonellau

• D6 Rhoi ffurfiau amrywiol o wybodaeth (sy’n aml yn anghyflawn) yn eu cyd-destun, eu gwerthuso a’u croesgyfeirio

• D7 Gweithio’n adeiladol mewn grwpiau, ac asesu gwerth a pherthnasedd syniadau a dadleuon eraill.

Dulliau a strategaethau dysgu/addysgu

Mae’r Rhaglen yn datblygu’r rhinweddau hyn yn gynyddol, a thrwy nifer o ffyrdd. Dysgir 1 a 2 yn bennaf drwy baratoi traethodau a seminarau a thiwtorialau traethawd unigol a thrafodaethau seminar; dysgir 3 a 4 drwy ysgrifennu traethodau/prosiectau, a chyflwyno syniadau mewn seminarau. Datblygir 5 drwy bob ymarfer y gwneir gwaith ymchwil ar ei gyfer, o baratoi traethodau a seminarau i’r Traethawd Estynedig, os yn berthnasol. Mae 6-7 yn elfennau cryf ym mhob agwedd o’r Rhaglen.

Asesu

Mae meini prawf marcio’r Rhaglen yn gwobrwyo safon a ddangosir drwy 1-3 a 5 a 6 yn ffurfiannol ac yn gyfansymiol. Nid asesir 4 yn ffurfiol, ond cosbir gwaith cwrs a gyflwynir ar ôl y dyddiad cyflwyno a gytunwyd. Nid asesir 7 yn ffurfiol.

Ar ôl cwblhau'r rhaglen, bydd y myfyrwyr yn gallu cymryd cyfrifoldeb drostynt eu hunain a'u gwaith. Byddant yn gallu:

• D1. Gweithio'n annibynnol

• D2. Gweithio mewn tîm

• D3. Parchu barn a safbwyntiau pobl eraill

• D4. Gwrando

• D5. Cyfathrebu ar lafar

• D6. Cyfathrebu ar bapur

• D7. Cyfathrebu yn electronig

• D8. Gair-brosesu

• D9. Defnyddio'r We

• D10. Rheoli amser a gweithio o fewn dyddiadau cau

• D11. Ymchwilio i faterion

• D12. Datrys problemau

• D13. Addasu i newidiadau

• D14. Datblygu ymwybyddiaeth gyrfa