Module Information

Bwriad y modiwl yw cyflwyno myfyrwyr i'r astudiaeth o wleidyddiaeth

Bwriad y modiwl yw roi cyflwyniad i'r astudiaeth a dadansoddiad o weithgaredd gwleidyddol, ac yn benodol i'r berthynas rhwng syniadua, sefydliadau, prosesau, strwythurau a gwerthoedd yn y maes gwleidyddol. Bydd yn modiwl yn cyflwyno amrywiaeth o offer dadansoddi i fyfyrwyr a fydd yn eu galluogi i archwilio'r gydberthynas rhwng sefydliadua, syniadaeth a thraddodiadau gwleidyddol ar y naill law a threfniadath llywodraeth, systemau gwleidyddol a ffurfiant polisi ar y llaw arall.

Ar ol rhoi sylfaen ddechreuol i gysyniadau cyffredinol gwleidyddiaeth a grym, bydd y cwrs yn archwilio dulliau damcaniaethol detholedig o fynd ynglyn a tharddiad y wladwriaeth, priodoleddau cyfansoddol y natur ddynol ac ystyr a maint rhwymedigaeth wleidyddol. Dilynir hyn gan ddadansoddiad o ryddid, cydraddoldeb a chenedlaetholdeb, ynghyd a'u cydberthynas a'r wladwriaeth ac ag iaith a'r dull o ymdrin a gwrthdaro geiriol gwleidyddol. Rhoir sylw manwl i achosion a chanlyniadau'r norm democratig rhyddfrydol. Yna bydd y cwrs yn mynd rhagddo i dalu sylw manwl i thema systemau gwleidyddol ac yn arbennig i archwiliad o'u strwythurau, eu prosesau a'u swyddogaethau. Bydd yr elfennau canlynol yn cael sylw - cyfansoddiadau, llysoedd, cyrff deddfwriaethol, adrannau gweithredol, etholiadau, pleidiau a llunio polisi. Bydd yr adran nesaf yn rhoi sylw i themau systemau gwleidyddol dan straen. Bydd yn cynnwys yr anhawster o greu systemau gwleidyddol sefydlog mewn cenhedloedd annibynnol newydd, y sialensiau sy'r dod yn sgil llywodraethau awdurdodaidd a llygredd, a'r problemau sy'n cael eu creu gan orymyrraeth y wladwriaeth ac, yn y gorffennol, gan ideoleg totalitaraidd. Bydd yr adran olaf yn edrych ar arwyddocad syniadau newydd (e.e. ffeministiaeth, y meddylfryd gwyrdd), materion newydd (dinasyddiaeth, integreiddiad rhanbarthol) a datblygiadau newydd (e.e. mudiadau cymdeithasol newydd, e-ddemocratiaeth) i gadwraeth a dilysrwydd y norm democrataidd rhyddfrydol

Bydd y myfyrwyr yn cael cyfle i ddatblygu, ymarfer a phrofi ystod eang o sgiliau trosglwyddadwy a fydd yn eu helpu I ddeall, cysyniadoli a gwerthuso enghreifftiau a syniadau. Cant eu hannog i ennill gwybodaeth ac i'w gysylltu a thasgau penodol. Drwy gydol y cwrs dylai myfyrwyr ymarfer a gwella eu sgiliau darllen, deall a meddwl, yn ogystal a'u sgiliau rhifedd a hunanreoli sylfaenol. Yn ystod darlithoedd bydd myfyrwyr yn datblygu sgiliau gwrando ac ysgrifennu nodiadau, yn ogystal a sgiliau dadansoddi. Mewn seminarau bydd myfyrwyr yn gwella eu sgiliau dadansoddi. Byddant yn ymarfer sgiliau gwrando, egluro a dadlau, yn ogystal a gweithio mewn tim a datrys problemau. Bydd ysgrifennu traethodau yn annog myfyrwyr i ymarfer eu sgiliau ymchwilio annibynnol, ysgrifennu a TG, a bydd yr arholiadau yn profi'r sgiliau hyn o dan amgylchiadau amser cyfyngedig.