Module Information

Disgrifiad cryno

Mae'r modiwl profiad gwaith wedi'i gynllunio i ganiatau i fyfyrwyr ddefnyddio 50 awr o waith cyflogedig neu wirfoddol yn gyfle i ddatblygu'u hunain ac i wella eu cyfle o ganfod swydd. Ar ddechrau'r modiwl bydd y myfyrwyr yn canfod profiadau gwaith posibl ac yn archwilio sgiliau, cryfderau a gwendidau personol. Yna bydd y modiwl yn parhau a chyfnod o brofiad gwaith, a hynny'n arwain at gyflwyno portffolio o ddeunydd er mwyn ei asesu. Gall y profiad gwaith fod mewn unrhyw fath o waith a gall ddigwydd ar unrhyw adeg, yn ystod y tymor neu'r gwyliau, rhwng diwedd y flwyddyn gyntaf a diwedd yr ail flwyddyn. Mae'r modiwl yn cael ei gefnogi'n llawn gan adnoddau ar-lein er mwyn gallu cadw cyswllt a rhoi arweiniad pryd bynnag a ble bynnag y gwneir y gwaith.

Cyn i fyfyrwyr wneud unrhyw brofiad gwaith rhaid i'r Adran Gwyddor Chwaraeon ac Ymarfer Corff gytuno bod y cyflogwr yn un addas. Rhaid iddynt sicrhau bod dwy adran holiadur iechyd a diogelwch y modiwl wedi'u cwblhau a bod llythyr wedi'i gynnwys gan frocer/cwmni yswiriant y cwmni yn nodi lefel yr yswiriant atebolrwydd ac yn datgan yn glir y dyddiadau pan fydd yr yswiriant yn ddilys. Rhaid cyflwyno copi o'r holiadur a'r llythyr i'r adran cyn cychwyn unrhyw brofiad gwaith, a rhaid cynnwys copi yn y portffolio a fydd yn cael ei asesu.

Amcanion

1. Cwblhau cyfnod o brofiad gwaith
2. Dadansoddi eich hun a datblygu sgiliau cyflogadwyedd
3. Paratoi portffolio o dystiolaeth