Module Information

Trwy waith ymarferol bydd y myfyrwyr yn dysgu am y 4 'Ymdrech' gwahanol, strwythur a ffwythiad strwythur y corff, ac yn datblygu'r gallu i amgyffred eu defnydd yn y corff. Bydd y gwaith yn cynnwys arbrofi trwy symud, ystyried gweithredoedd syml beunyddiol, ac arbrofol creadigol, a sylwadaeth ar symudiadau gan bobl eraill.

Wrth ddod yn gyfarwydd a'r eirfa newydd a'i defnydd, trwy ddatblygu dealltwriaeth o'r corff, ei ffwythiad a strwythur, bydd y myfyrwyr yn deall mwy am bwysigrwydd cyfathrebu trwy gyfrwng y corff, ynghyd a phwysigrwydd agwedd corfforol cryf i berfformwyr, er mwyn hyrwyddo datblygiad o'r crefft a'u medrau.

Noder: ystyried un agwedd yn unig o system ddadansoddi symud Laban a wneir yn y modiwl hwn, ac ni ddylid ystyried y modiwl fel cyflwyniad cyffredinol i waith Laban yn ei gyfanrwydd.

Trefn Arfaethedig y Sesiynau:

Disgyrchiant, a Llif (ffordd i arsywli, disgrifio a deall tyndra cyhyrol sy'n newidiol ac yn sail i symudiad)
Yr Anadl a Chyflwyniad i Ymdrech Gofod (Yr Ymdrech Gofod yw ffordd i arsylwi, disgrifio a deall ein symudiadau trwy'r amgylchfyd).
Asgwrn y Cefn a chyflwyniad i Ymdrech Pwysau (Yr Ymdrech Pwysau yw ffordd i arsylwi, disgrifio a deall defnydd personol o rym wrth symud)
Strwythur y Pelfis a chyflwyniad i Ymdrech Amser (Yr Ymdrech Amser yw ffordd i arsywli, disgrifio a deall agwedd personol tuag at amser)
Rhannau o'r Corff a symud yn effeithiol
'Basic Effort Actions' (Mae cyfuno'r Ymdrechion yn cynhyrchu effeithiau sydd yn hwyluso symudiadau ymarferol ac yn cyfleu cyflyrau emosiynol)
Penglog a Thraed
Teimlo ac ymateb : arbofi gyda 'Chyweiriad a Chamgymhariad'
Cyfuno'r eirfa a sylwadaeth
Parhau gyda chyfarwyddo corfforol ac arbrofi gyda chyfryngau eraill megis cerddoriaeth, testun a delwedd