Module Information

Trwy ddadansoddi themau perthnasol a chyfredol yn Naearyddiaeth, amcan y modiwl yw i roi cyfle i'r myfyrwyr i:
.1. Ddefnyddio a chymhwyso dulliau theoretig neu dechnegol i'r maes ac i werthfawrogi sut gall lleoedd neu amgylcheddau penodol ddylanwadu ar brosesau a ystyrir i fod yn gyffredinol eu natur.
.2. Ddatblygu eu gallu i nodi problem neu gwestiwn ymchwil, ac i ddatrys neu ateb y rhain drwy broses o brofi hypothesis neu gynllunio ymchwil.
.3. Ystyried, lle bo'r addas, ystyriaeth o faterion ethegol yn ymwneud ag ymchwil.
.4. Ddatblygu dealltwriaeth o nodweddion lle, o wahaniaeth a'r ymdeimlad o oddefgarwch tuag at eraill.
.5. Feithrin sgiliau trosglwyddadwy, megis y gallu i weithio mewn gr'r, a sgiliau dirnadaeth a dehongli.
.6. Ddatblygu sgiliau ymchwilio yn y maes trwy gyfrwng y Gymraeg.

Ceir cyfle i baratoi'r myfyrwyr ar gyfer y cyfnod o waith maes mewn wyth sesiwn a fydd yn gyfuniad o ddarlithoedd a gwaith ymarferol. Rhydd y sesiynau hyn gyfle i ddysgu am sgiliau gwaith maes penodol, e.e. sgiliau mapio, ynghyd a sut i ddatblygu cwestiynau ymchwil addas. Wedi hyn, ceir cyfnod o waith maes o rhwng 6 a 8 niwrnod, gyda'r union hyd yn ddibynnol ar y cyrchfan. Bydd natur y themau a drafodir ar drip gwaith maes penodol yn amrywio o flwyddyn i flwyddyn gan ddibynnu ar: natur y cyrchfan; trefniadau staffio ar drip penodol; y cyrsiau gradd y bydd y myfyrwyr wedi cofrestru ar eu cyfer. Serch hynny, bydd pob trip yn canolbwyntio i raddau helaeth ar y themau canlynol:

.1. Dylanwadau'r ddynoliaeth ar yr amgylchedd.
.2. Peryglon naturiol.
.3. Dehongli tirluniau dynol a ffisegol.
.4. Agweddau ar ddaearyddiaeth ddiwylliannol, wleidyddol ac economaidd.
.5. Agweddau ar newid amgylcheddol.

Bydd myfyrwyr yn cael eu rhannu i grwpiau cyfrwng Cymraeg yn ystod y sesiynau paratoadol yn ogystal ag yn ystod y gwaith maes ei hunan a bydd disgwyl iddynt gyflwyno'r asesiadau ysgrifenedig a llafar trwy gyfrwng y Gymraeg. Bydd oriau cyswllt ffurfiol ac anffurfiol yn ystod y gwaith maes ei hunan yn digwydd trwy gyfrwng y Gymraeg oherwydd y bydd dau aelod o staff cyfrwng Cymraeg yn rhan o'r tim staffio.