Module Information
Manylion y cyrsiau
Dulliau Asesu
| Math o Assessiad | Manylion / Hyd Assessiad | Cyfran |
|---|---|---|
| Asesiad Semester | Portffolio Profiad Gwaith Portffolio Profiad Gwaith a fydd yn cynnwys yr elfennau canlynol: • Dyddiadur hunanfyfyriol • Adroddiad ar Ddatblygiad Proffesiynol Parhaus • Dadansoddiad o waith, pwrpas a strwythur y sefydliad • Adlewyrchiad ar gyrsiau cyflwyno / anwytho’r sefydliad • CV • Cais am swydd • Llythyr esboniadol Dim mwy na 8,000 o eiriau | 80% |
| Asesiad Semester | Cyflwyniad llafar ar y cyfnod profiad gwaith (20 munud o hyd) | 20% |
| Asesiad Ailsefyll | Ailgyflwynir elfennau a fethwyd yn unol â’r canrannau a nodir, uchod. |
Canlyniadau Dysgu
Wedi cwblhau'r modiwl dylai'r myfyrwyr:
deall a diffinio natur agweddau cyffredin ar weithleoedd megis iechyd a diogelwch a gwaith adnoddau dynol
deall gofynion y broses ymgeisio am swyddi a gallu llunio cais effeithiol am swydd
meithrin sgiliau proffesiynol perthnasol fel rhan o’u cyfnod o brofiad gwaith megis sgiliau gweinyddu, cyfieithu, cyfathrebu, gweithio mewn tîm
adnabod a chloriannu ffynonellau ymchwil/darllen sy’n berthnasol i’r maes
Disgrifiad cryno
Amcan y modiwl hwn yw rhoi cyflwyniad i strwythur y gweithle proffesiynol, a dysgu sgiliau datblygiad proffesiynol parhaus. Bydd y myfyrwyr yn dysgu sut i wneud cais llwyddiannus am swydd, a beth yw gofynion y broses. Dysgir hefyd am wahanol adrannau’r gweithle a’u gwaith, megis iechyd a diogelwch ac adnoddau dynol. Canolbwynt y modiwl yw’r cyfnod o brofiad gwaith ei hun a fydd yn rhoi profiad ymarferol i’r myfyrwyr o weithio mewn sefydliad proffesiynol. Bydd y myfyrwyr yn adeiladu ar y profiad hwn trwy lunio portffolio a fydd yn cymhwyso’u profiadau a’r sgiliau a ddatblygir yn y darlithoedd a’r sesiynau ymarferol. Disgwylir hefyd i’r myfyrwyr feithrin sgiliau cyfathrebu llwyddiannus trwy roi cyflwyniad llafar am eu profiad gwaith ar ddiwedd y modiwl.
Cynnwys
Wythnos 2 Darlith – Adnoddau Dynol
Wythnos 3 Darlith – Iechyd a Diogelwch yn y Gweithle
Wythnos 4 Darlith – Llunio llythyr esboniadol
Wythnos 5 Darlith – Ffurflenni Cais
Wythnos 6 Darlith – Datblygiad Proffesiynol Parhaus
Wythnos 7 Gweithdy – Cyfweliad am swydd
Cyfnod o brofiad gwaith – 1 mis / 2 x pythefnos
Sgiliau Modiwl
| Math o Sgiliau | Manylion Sgiliau |
|---|---|
| Cyfathrebu | Disgwylir i'r myfyrwyr wneud defnydd o Gymraeg cywir yn ysgrifenedig fel rhan o'u haseiniadau. Bydd gwaith cyfathrebu ysgrifenedig a llafar yn rhan hanfodol o’u cyfnod o brofiad gwaith. Disgwylir iddynt feithrin sgiliau cyflwyno proffesiynol ar gyfer yr asesiad llafar. |
| Datblygu personol a chynllunio gyrfa | Rhoddir pwyslais arbennig yn y modiwl hwn ar ddatblygiad proffesiynol parhaus. Amcan y modiwl yw paratoi myfyrwyr at wneud ceisiadau am swyddi a gwella’u dealltwriaeth o’r broses ymgeisio ac o’r gweithle proffesiynol. |
| Datrys Problemau | Bydd myfyrwyr yn datrys problemau proffesiynol amrywiol fel rhan o’u cyfnod o brofiad gwaith. Disgwylir hefyd i fyfyrwyr ymateb i gwestiynau heriol ffurflenni cais a chyfweliadau am swydd. |
| Gwaith Tim | Bydd angen i'r myfyrwyr ddatblygu sgiliau gwaith tîm fel rhan o’u cyfnod o brofiad gwaith. |
| Gwella dysgu a pherfformiad ei hun | Ffocws y modiwl fydd datblygiad proffesiynol, a disgwylir i’r myfyrwyr adlewyrchu ar eu datblygiad unigol fel rhan o’r dyddiadur profiad gwaith a fel rhan o’r adroddiad datblygiad proffesiynol parhaus. |
| Rhifedd | Amherthnasol yn y cyswllt hwn. |
| Sgiliau pwnc penodol | |
| Sgiliau ymchwil | Disgwylir i fyfyrwyr wneud gwaith ymchwil am y sefydliad lle cyflawnir eu cyfnod o brofiad gwaith. Dysgwylir iddynt gefnogi cynnwys eu portffolio a’u cyflwyniadau llafar gyda thystiolaeth briodol. |
| Technoleg Gwybodaeth | Disgwylir i fyfyrwyr brosesu geiriau wrth lunio eu haseiniadau. Disgwylir iddynt wneud defnydd o pwerbwynt neu prezi fel rhan o’u cyflwyniad llafar. Bydd gofyn hefyd i’r myfyrwyr wneud defnydd o dechnoleg gwybodaeth yn ystod eu cyfnodau o brofiad gwaith. |
Nodau
Mae'r modiwl hwn yn cydymffurfio a FfCChC Lefel 7