Module Information

Bydd myfyrwyr yn ymgymryd â 15 diwrnod mewn lleoliad blynyddoedd cynnar i ddatblygu eu sgiliau i ddod yn ymarferydd blynyddoedd cynnar. Bydd myfyrwyr yn canolbwyntio ar y cymwyseddau a amlinellir uchod. Bydd y portffolio ymarfer proffesiynol yn cynnwys tystiolaeth o ymarfer mewn lleoliad blynyddoedd cynnar. Yn ystod eu lleoliad gwaith, bydd myfyrwyr yn derbyn cymorth ar-lein ar y pynciau canlynol:

1. Y Safonau Galwedigaethol Cenedlaethol a datblygiad proffesiynol (darlith 2 awr)

Yn ogystal â hyn, byd gan bob myfyriwr oruchwyliwr dynodedig a mentor lleoliad gwaith a fydd yn monitro cynnydd y myfyriwr.

Trwy gydol semester 1 ym mlwyddyn 2, cynhelir gweithdai gyda’r myfyrwyr i ddarparu manylion ynglŷn â threfnu lleoliadau gwaith, ymddygiad proffesiynol a’r portffolios asesu. Bydd yn rhaid mynychu pob un o’r gweithdai.

Bydd y modiwl yn annog myfyrwyr i gymryd cyfrifoldeb am eu datblygiad personol, proffesiynol ac academaidd eu hunain a defnyddio hyn i wella eu hymarfer. Bydd gofyn i fyfyrwyr gadw portffolio o dystiolaeth i ddangos eu bod yn gallu bodloni’r safonau galwedigaethol cenedlaethol ar gyfer ymarferwyr blynyddoedd cynnar. Bydd myfyrio’n feirniadol ynglŷn ag arferion presennol a rolau proffesiynol yn rhan hanfodol o’r portffolio. Anogir myfyrwyr i gloriannu canfyddiadau ymchwil cyfredol ac i archwilio’r posibiliadau a’r goblygiadau ar gyfer datblygu yn y dyfodol, yn bersonol ac o fewn y proffesiwn. Neilltuir goruchwyliwr prifysgol a mentor lleoliad gwaith i bob myfyriwr. Bydd y modiwl lleoliad gwaith cyntaf hwn yn rhoi sylw i’r materion canlynol:

SCDCCLD0203 Cefnogi Datblygiad Plant a Phobl Ifanc

Cefnogi gofal babanod a phlant SCDCCLD 0208

Cefnogi’r gwaith o ddiogelu plant SCDCCLD 0202

Cefnogi plant sydd wedi dioddef trawma SCDCCLD 0327

Cefnogi cyfathrebu effeithiol SCDCCLD 0201

Cynorthwyo plant i ddysgu trwy chwarae SCDCCLD0206

Datblygu eich ymarfer trwy fyfyrio a dysgu SCDHSC 0033

Cefnogi plentyn ag anghenion cymorth ychwanegol CCLD 209

Cefnogi ymyriadau cynnar er budd plant a theuluoedd SCDCCLD 0313

Cyfrannu at effeithiolrwydd timau SCDCHSC 0241



Gan mai hwn yw’r modiwl lleoliad gwaith cyntaf, rhoddir pwyslais ar “gefnogi” ymarferwyr yn y lleoliad blynyddoedd cynnar.