Programme Specifications

N/A

Communications, Media, Film and Cultural Studies

Medi 2023

Medi 2023

Mae rhaglenni cyfun yn caniatáu i fyfyrwyr ddatblygu gwybodaeth ddofn mewn Cysylltiadau Rhyngwladol a phwnc arall, gan astudio hanner eu modiwlau yn y naill adran a'r llall. Y mae myfyrwyr sy'n gwneud gradd mewn Cysylltiadau Rhyngwladol yn ennill sylfaen gadarn ym maes egwyddorion a chysyniadau craidd y ddisgyblaeth yn ogystal â chael y cyfle i arbenigo mewn is-feysydd allweddol o'u dewis, neu, i astudio'r sbectrwm cyflawn o faterion y gellir eu hystyried yn berthnasol i wleidyddiaeth ryngwladol cyfoes. Dysgir yr holl fodiwlau gan staff ymchwil sy'n ffynnu ar y cyfle i drwytho'r myfyrwyr â'u gwaith (cyhoeddedig, ac ar droed). Nod y rhaglen yw creu myfyrwyr sy'n meddu ar y sgiliau angenrheidiol i ddadansoddi a myfyrio ar gynnwys y cynllun gradd yn ogystal ag ennill ystod eang o sgiliau trosglwyddadwy. Yn ein barn ni, bydd sgiliau yn y pwnc hwn yn werthfawr i gyflogwyr y dyfodol ac i'r gymdeithas sifil ehangach.

• Rhoi sylfaen i fyfyrwyr yn yr ystod o ddulliau a ddatblygwyd i ddeall cyfathrebu cyfryngol, o'r sylfeini mewn cyfathrebu ieithyddol a gweledol i ddulliau cyfathrebu penodol, e.e. newyddiaduraeth, hysbysebu, gwahanol fathau o ysgrifennu, a sut y mae’r rhain i gyd yn cael eu trawsnewid ar hyn o bryd yn y byd digidol.

• Ymdrin â’r rhain yng nghyd-destun datblygiadau cyfredol yn y cyfryngau newydd yn benodol, gan roi sylw i brosesau globaleiddio a chydgyfeiriant, a'u goblygiadau.

• Datblygu'r wybodaeth a'r galluoedd sydd gan fyfyrwyr fel bod modd iddynt ystyried yn feirniadol ac yn gynhyrchiol rôl y cyfryngau traddodiadol a newydd mewn prosesau cymdeithasol a gwleidyddol cyfoes.

• Datblygu gwahanol sgiliau a dealltwriaeth ymhlith myfyrwyr a fydd yn eu galluogi i ddod i hyd i waith yn yr ystod eang o swyddi a diwydiannau sy'n gysylltiedig â chynhyrchu, trefnu, storio, dosbarthu a defnyddio gwybodaeth a chyfathrebu cyfryngol.

Bwriad canlyniadau dysgu y rhaglen hon yw diwallu disgwyliadau'r Datganiad Meincnodi ar gyfer Gwleidyddiaeth a Chysylltiadau Rhyngwladol. Y mae strwythur y cynllun gradd a'r cyflwyniad ohono yn cydnabod bod angen sicrhau cydbwysedd priodol rhwng ennill gwybodaeth pwnc-benodol, a datblygu sgiliau disgyblaeth penodol a chyffredinol. Y mae cyfuno'r ddwy elfen hon yn nodwedd ganolog o'r canlyniadau dysgu. Rhydd y rhaglen gyfle i fyfyrwyr ddatblygu ac arddangos gwybodaeth, dealltwriaeth, nodweddion, sgiliau a phriodoleddau eraill yn y meysydd canlynol:

Gwybodaeth a dealltwriaeth o'r canlynol:

• A1. Esblygiad y system ryngwladol o Westphalia tan heddiw

• A2. Y dadleuon allweddol yn hanes Cysylltiadau Rhyngwladol fel disgyblaeth

• A3. Ddamcaniaethau a chysyniadau craidd y maes

• A4. Brif strwythurau a phrosesau gwleidyddiaeth fyd-eang gan gynnwys gwybodaeth am ddeinameg rhanbarthol, llywodraethau a sefydliadau

• A5. Weithredwyr allweddol cysylltiadau rhyngwladol

• A6. Y deinamig, y prosesau a’r problemau allweddol sy’n wynebu Gwleidyddiaeth Fyd-eang

• A7. Sut gall yr ymdriniaethau hyn ein helpu i esbonio a deall digwyddiadau yn y byd

Dysgu/Addysgu a dulliau asesu:

Dysgir 1-7 trwy ddarlithoedd, seminarau, asesu gwaith cwrs, arholiadau ac ymchwil annibynnol. Y mae myfyrwyr hefyd yn dysgu trwy gymryd rhan mewn cymdeithasau myfyrwyr disgyblaeth-benodol a darlithiau cyhoeddus yn ogystal â thrwy gyfrwng adnoddau cyhoeddus eraill megis papurau newydd, teledu, radio a'r rhyngrwyd. Drwodd a thro, anogir myfyrwyr i ddarllen yn annibynnol er mwyn cynyddu, atgyfnerthu ac ehangu gwybodaeth a dealltwriaeth unigol o'r pwnc. Profir gwybodaeth a dealltwriaeth (1-7) trwy gyfuniad o arholiadau ysgrifenedig dibaratoad ac arholiadau y paratoir ar eu cyfer ymlaen llaw (1-7), traethodau (1-7), traethawd estynedig, (1-7, gan ddibynnau ar y pwnc) a gall gynnwys, yn ôl y dewis o opsiynau, cyflwyniadau seminar, adroddiadau, chwiliadau llenyddiaeth neu adolygiadau llyfr neu ffilm, e-bortffolios , logiau dysgu neu flogiau. Gall myfyrwyr hefyd ddysgu drwy hunan-ystyried wrth gwblhau eu ffurflenni i Raglen Ddatblygu’r Adran Gyrfaoedd.

• Cysyniadau a damcaniaethau cyfathrebu allweddol a chyfathrebu torfol

• Rôl technolegau'r cyfryngau o ran hanes cyfathrebu

• Ffurfiau cyfoes ar drawsnewid cyfathrebu cyfryngol sy'n gysylltiedig â globaleiddio, digideiddio a chydgyfeiriant y cyfryngau

• Rôl cyfathrebu cyfryngol mewn sefyllfaoedd penodol (e.e. gwleidyddol)

Sgiliau Deallusol:

• B1. Dewis, disgrifio a gwerthuso gwahanol ymdriniaethau

• B2. Dewis materion ac ymchwilio iddynt

• B3. Cymhwyso cysyniadau, damcaniaethau a syniadau at achosion go iawn

• B4. Nodi, archwilio a ffurfio atebion i broblemau deallusol

• B5. Rhesymu, dadansoddi a dehongli data a syniadau yn feirniadol

• B6. Mynegi ac ymarfer annibyniaeth barn

• B7. Myfyrio ar y profiad o ddysgu ac o ganlyniad, addasu strategaethau deallusol

• B8. Gallu defnyddio gwybodaeth a ddysgwyd i ddatrys problemau hypothetig neu wirioneddol

• B9. Gallu gwahaniaethu rhwng y perthnasol a'r amherthnasol

• B10. Sylweddoli bod mwy nag un ateb i broblemau yn aml

Dulliau Dysgu ac Addysgu ac Asesu:

Tra bod darlithiau yn cyflwyno pynciau a syniadau ger bron myfyrwyr, datblygir sgiliau deallusol pan fydd myfyrwyr yn mynd i'r afael â'r pwnc eu hunain, a rhyngweithio ag eraill yn y gymuned ddysgu ddeallusol yn ystod trafodaethau (mewn seminarau, lle mae tiwtoriaid yn ymroi i feithrin a datblygu sgiliau deallusol, ac mewn dadleuon cyhoeddus ehangach.) ac hefyd yn y broses o ddarllen ac ysgrifennu nodiadau, traethodau neu arholiadau. Yn ogystal, y mae myfyrdod a hunan-asesiad yn hanfodol ar gyfer dysgu sgiliau deallusol. Y mae tiwtoriaid yn ffurfio'u hargraffiadau am allu a chynnydd myfyrwyr ac yn eu hasesu trwy eu cysylltiad â hwy mewn seminarau ac wrth asesu gwaith ysgrifenedig. Asesir sgiliau deallusol (1-10) yn bennaf yn ôl perfformiad traethawd ac arholiad, yn ogystal â’r dulliau asesu eraill a nodir uchod. Y mae'r meini prawf asesu a gyhoeddir yn amlygu'r sgiliau deallusol hyn, ac yn eu tro adlewyrchir y rhain yn yr adborth i fyfyrwyr. Gall myfyrwyr asesu eu perfformiad eu hunain trwy fesur graddfa eu cynnydd hwy wrth ei gymharu â chynnydd eu cyfoedion, ac yng ngoleuni sylwadau'r tiwtor. Y mae rhwydd hynt i fyfyrwyr drafod datblygiad ac asesiad anffurfiol sgiliau o'r fath yn ystod oriau gwaith staff. Ni asesir dysgu personol (7) yn ffurfiol ond adlewyrchir llwyddiant cymharol yng ngallu myfyriwr i wella dros gyfnod o amser. Caiff dysgu personol hefyd ei wella drwy ymwneud â’r broses CDP.

Sgiliau Ymarferol Proffesiynol:

• C1. Ceisio a dethol gwybodaeth, a gwneud nodiadau effeithiol ar wybodaeth o amrywiol ffynonellau

• C2. Blaenoriaethu a threfnu gwybodaeth a'i gyflwyno fel tystiolaeth mewn dadl

• C3. Cynllunio, gwneud a chwblhau gwaith ysgrifenedig (erbyn dyddiadau cau caeth) sy'n briodol i wahanol gynulleidfaoedd neu dasgau

• C4. Adnabod ac adfer gwybodaeth berthnasol a chyfoe

• C5. Casglu gwybodaeth a dadleuon ar fyr rybudd i ateb cwestiynau penodol

• C6. Mynegi barn ddeallus trwy waith ysgrifenedig a thrafodaeth.

• C7. Gwrando ar farn eraill ac ymateb yn briodol

• C8. Llunio cwestiynau ac archwilio'r cysylltiadau rhwng amryfal bynciau

• C9. Dysgu o brofiad Dulliau

Dysgu ac Addysgu ac Asesu:

Y mae'r holl fodiwlau craidd, ac yn enwedig y rheiny a ddysgir yn Rhan Un, yn cynnwys elfennau sy'n ymdrin yn uniongyrchol â datblygu sgiliau ymarferol (1-8). Y mae'r broses o ysgrifennu traethodau, adroddiadau a chyflwyniadau (1-6) a pharatoi ar gyfer arholiadau (1-6, 9) yn fodd i'r myfyriwr hogi sgiliau trwy ymarfer, ag adborth y tiwtoriaid yn sicrhau arweiniad iddynt. Y mae trafod mewn seminarau neu ddadlau mewn fforymau cyhoeddus yn fodd i fyfyrwyr wella eu sgiliau cyfathrebu deallusol (2, 5-9). Yn ogystal â hyn, y mae myfyrwyr yn dysgu a gwella sgiliau o'r fath trwy fyfyrio'n unigol ar eu profiadau dysgu ac addasu eu dulliau dysgu i bwrpas; proses sy'n cael cryn sylw yn yr holl fodiwlau. Gall myfyrwyr hefyd ddysgu drwy hunan-ystyried wrth gwblhau eu ffurflenni i Raglen Ddatblygu’r Adran Gyrfaoedd.

• Yn gallu archwilio'n feirniadol ystod eang o sefyllfaoedd a ffurfiau cyfathrebu, gan archwilio eu hystyr a'u goblygiadau

• Yn gallu tynnu ar ystod eang o ffynonellau, a’u defnyddio

• Yn gallu mesur yn feirniadol statws a chryfder enghreifftiau o hawlio gwybodaeth

• Yn gallu cymhwyso dealltwriaeth sy'n deillio o'r cwrs i ddadleuon polisi cymdeithasol a gwleidyddol cyfredol

• Yn gallu dadansoddi ystyron cymhleth gwahanol destunau a delweddau

• Yn gallu defnyddio ystod o becynnau cyfryngau digidol a meddalwedd, gan ystyried pam y cânt eu defnyddio a phwy yw’r gynulleidfa darged

Ar ôl cwblhau'r rhaglen, bydd y myfyrwyr yn gallu cymryd cyfrifoldeb drostynt eu hunain a'u gwaith. Byddant yn gallu:

• D1. Gweithio'n annibynnol

• D2. Gweithio mewn tîm

• D3. Parchu barn a safbwyntiau pobl eraill

• D4. Gwrando

• D5. Cyfathrebu ar lafar

• D6. Cyfathrebu ar bapur

• D7. Cyfathrebu yn electronig

• D8. Gair-brosesu

• D9. Defnyddio'r We

• D10. Rheoli amser a gweithio o fewn dyddiadau cau

• D11. Ymchwilio i faterion

• D12. Datrys problemau

• D13. Addasu i newidiadau

• D14. Datblygu ymwybyddiaeth gyrfa

Yn ystod y cynllun hwn, ac ar ôl ei gwblhau, bydd y sgiliau trosglwyddadwy canlynol yn cael eu meithrin:

• Bydd cyfathrebu llafar ac ysgrifenedig yn cael eu datblygu drwy ystod o dasgau sydd wedi'u hasesu a thasgau nad ydynt wedi’u hasesu. Bydd disgwyl i fyfyrwyr gynhyrchu gwaith ysgrifenedig amrywiol, o draethodau academaidd traddodiadol ac arholiadau i lyfrau nodiadau sy’n ymwneud ag ymarfer myfyriol. Bydd cyfathrebu llafar yn cael ei ddatblygu mewn seminarau a gweithdai, lle bydd disgwyl i'r myfyrwyr baratoi a chyflwyno cyflwyniadau ar bynciau penodol a thrafod materion (rhai damcaniaethol a’r rhai sy’n ymwneud â thestunau/cyfryngau penodol), yn ogystal â gweithio tuag at gynhyrchu gwefannau, ffilmiau byrion ac ati drwy fodiwlau ymarferol.

• Bydd angen i fyfyrwyr weithio o’u pen a’u pastwn eu hunain hefyd os ydynt am gwblhau'r cynllun hwn yn llwyddiannus. Bydd disgwyl i fyfyrwyr bennu eu hamserlen waith eu hunain, a dylent fod yn hunan-ddisgybledig a gallu cynllunio’n dda wrth weithio o fewn terfynau amser. Mewn rhai modiwlau, bydd cyfle i fyfyrwyr fynd ar drywydd eu diddordebau personol a datblygu creadigrwydd. Byddant yn gallu creu eu tasgau eu hunain ar gyfer aseiniadau (os bydd cydlynydd y modiwl yn cymeradwyo hyn), neu gynhyrchu ffilmiau/gwefannau ar bynciau o'u dewis.

• Bydd llawer o'r modiwlau, yn enwedig y rhai sy'n cynnwys elfen 'ymarferol', yn gofyn i fyfyrwyr weithio mewn timau. Bydd rhagor o gydweithio yn cael ei annog mewn seminarau lle bydd angen i fyfyrwyr gydweithio ar dasgau bach penodol.

• Bydd sgiliau trosglwyddadwy eraill yn cynnwys defnyddio technoleg gwybodaeth a thechnolegau eraill yn fedrus. Bydd disgwyl i fyfyrwyr brosesu eu gwaith ysgrifenedig, defnyddio’r e-bost yn rheolaidd, canfod ac olrhain gwybodaeth ar-lein (ac yn y llyfrgell) a defnyddio offer cynhyrchu/golygu.

• Bydd myfyrwyr yn cael cyfle i ddatblygu a chymhwyso ystod o sgiliau ymchwil.