Cynlluniau Astudio

N/A

Dance, Drama and Performance

(Rhagfyr 2019)

Medi 2023

• Datblygu methodolegau ar gyfer dadansoddi a gwerthfawrogi ystod eang o destunau a digwyddiadau theatraidd hanesyddol a chyfoes

• Datblygu methodolegau ar gyfer dadansoddi a gwerthfawrogi’r ystod eang o ddulliau ymarferol o weithredu yn y theatr sy’n gysylltiedig â’r testunau a’r digwyddiadau hynny

• Gosod y gwahanol destunau a dulliau ymarferol hyn yn eu cyd-destun priodol o safbwynt hanesyddol, theatraidd a chymdeithasol

• Ymestyn a chymhwyso’r fethodoleg a ddatblygir wrth astudio theatr er mwyn trafod nifer o agweddau ar/ddigwyddiadau yn niwylliant cyfoes a hanesyddol Cymru

• Datblygu sgiliau arbenigol o ran perfformio neu gynllunio cynyrchiadau, a helpu myfyrwyr i fabwysiadu a chymhwyso’r rhain wrth iddynt gymryd rhan mewn prosiectau ymarferol

• Annog myfyrwyr i ddatblygu’r sgiliau deallusol angenrheidiol er mwyn cyflawni gwaith ymchwil annibynnol a chydweithredol

• Cyflwyno ystod eang o brofiadau a sgiliau i fyfyrwyr fel y gallant wneud penderfyniadau defnyddiol wrth ddewis gyrfa

• Datblygu ysbryd ymchwilgar ac arbrofol ymhlith y myfyrwyr gan arwain at ddysgu mwy annibynnol wrth i fyfyrwyr wneud cynnydd trwy’r rhaglen

Bwriedir i fyfyrwyr ddatblygu a dangos gwybodaeth, dealltwriaeth a dirnadaeth:

• o elfennau creiddiol perfformiad theatraidd: natur y gofod, y cyflwyno a ‘r cyfranogi cynulleidfaol;

• o’r prosesau ymarferol a ddefnyddir wrth greu perfformiad;

• o ddadleuon cyfredol ynglyn â swyddogaeth gymdeithasol drama;

• o hanes traddodiadau a ymarferion theatraidd;

• o ddylanwad ymarferion theatraidd y gorffennol ar theatr y presennol;

• o ddulliau newydd a chyfredol o lwyfannu theatr;

• o ystod eang o ddramâu cyhoeddedig;

• o’u cryfderau cynhenid eu hunain fel perfformwyr ac/neu ymchwilwyr wrth iddynt ymwneud â pherfformio a drama.

Bwriedir i fyfyrwyr ddatblygu a dangos sgiliau deallusol:

• wrth ddehongli testunau dramataidd fel mynegiant o ddigwyddiad theatraidd byw;

• wrth ddatblygu’r gallu i drafod testunau, cysyniadau a pherfformiadau allweddol i lefel briodol, boed hynny ar bapur neu ar lafar;

• wrth ddehongli a gwerthuso testunau a digwyddiadau perfformiadol o wahanol safbwyntiau beirniadol;

• wrth ddadansoddi’r math o ddewisiadau a wneir pan yn cyflwyno cynhyrchiad theatraidd, ac wrth drafod y berthynas rhwng y dewisiadau hyn a’r ffynonellau testunol;

• wrth gymryd rhan greadigol mewn gwahanol fathau o weithgarwch theatraidd;

• wrth gydweithredu fel rhan o grŵp ar brosiectau gweithdy a pherfformio ac wrth weithio’n greadigol yn annibynnol;

• wrth ddethol a thynnu ar ystod eang o ffynonellau gwybodaeth pan yn cyflawni gwaith ymchwil annibynnol;

• wrth nodi a dogfennu’r prosesau a gyflwynir iddynt mewn gweithdai ac wrth greu perfformiadau.

• Strwythuro a chyfathrebu syniadau’n effeithiol gan ddefnyddio ystod eang o dechnegau

• Datrys problemau mewn ystod eang o sefyllfaoedd theoretig ac ymarferol

• Rheoli amser yn effeithiol, ynghyd â rheoli cyllidebau, adnoddau a dyddiadau cau neilltuol

• Gweithio’n gadarnhaol a chyfrifol mewn sefyllfaoedd grŵp ac unigol

• Gweithio’n annibynnol, cyfrifol a diogel

• Rheoli pwysedd gwaith mewn ystod eang o amgylchiadau

• Darllen, dadansoddi a gwerthuso ffynonellau gwybodaeth

• Ymateb yn gadarnhaol i adborth a beirniadaeth adeiladol a bod yn sensitif wrth gynnig adborth a beirniadaeth i eraill

• Trin technoleg gwybodaeth

• Gwerthuso eu sgiliau academaidd, creadigol ac ymarferol eu hunain

• Datblygu a chymhwyso sgiliau ymchwil