Gwybodaeth i Athrawon ac Ymgynghorwyr

Diwrnodau Agored Prifysgol Aberystwyth 2013- cymorth gyda chostau teithio eich grwp…

Gwyddom eich bod chi eisiau i’ch disgyblion ddod o hyd i’r brifysgol orau er mwyn helpu iddynt wireddu pob uchelgais.  Yr ydym hefyd yn sylweddoli ei bod hi weithiau’n anodd cyfiawnhau’r gost o fynd a grŵp o ddisgyblion i weld prifysgolion sydd tu allan i’ch dalgylch lleol.

Dros y ddwy flynedd ddiwethaf mae’r niferoedd sy’n dod i’n Diwrnodau Agored ni wedi cynyddu’n aruthrol ac mae ein ymchwil yn dangos bod dau allan o bob tri disgybl sy’n dod i’n gweld yn dewis astudio yma.

Er mwyn eich helpu i ddod i’n gweld, yr ydym yn cynnig £100 i chi fel cymhorthdal at eich costau teithio.  Er mwyn diolch i chi, ac unrhyw athro arall sydd am ddod i’r Diwrnod Agored, byddwn yn rhoi cinio am ddim i chi. 

Gallwn sicrhau y bydd eich disgyblion mewn dwylo diogel yn ystod eu hymweliad, gan adael i chi ddarganfod y Brifysgol a’r ardal leol. Bydd llysgenhadon ac aelodau o staff ar gael i sicrhau bod eich disgyblion yn gwybod beth sy’n mynd ymlaen, lle i fynd a sut i wneud y gorau o’r diwrnod. Bydd hyn hefyd yn gyfle da i’ch disgyblion siarad gyda’n myfyrwyr ni i ofyn am eu profiadau personol, ac i ddarganfon yn union sut fywyd sydd mewn prifysgol.

Bydd disgyblion yn elwa wrth siarad gyda darlithwyr ac wrth fynd ar deithiau o amgylch y campws, yn cynnwys:

• Adnoddau dysgu ac addysgu
• llety
• adnoddau chwaraeon ac
• Undeb y Myfyrwyr

Mae tri chyfle i chi a’ch myfyrwyr i ddod i’n gweld: 

• Dydd Mercher, 3^ydd  o Orffennaf 2013,
• Dydd Sadwrn, 19^eg o Hydref 2013 a
• Dydd Sadwrn, 26^ain o Hydref 2013.

Sicrhewch eich lle drwy gysylltu â’r Swyddfa Farchnata a Denu Myfyrwyr: diwrnodagored@aber.ac.uk 01970 622065.