Myfyrwyr Rhyngwladol

Myfyrwyr tramor sy'n talu ffioedd, myfyrwyr israddedig ac ôl-radd, yn siwr o gael lle mewn Llety sy'n eiddo i’r Brifysgol, neu a reolir ganddi, drwy gydol eu hastudiaethau a addysgir ym Mhrifysgol Aberystwyth.

I fod ar dir i gael y sicrwydd hwn o lety rhaid ichi wneud cais erbyn y dyddiad priodol, sef yn y flwyddyn mynediad ac yn ymateb i'ch cynnig o lety erbyn y dyddiad cau a nodir yn y Cynnig Llety*:

Israddedig = 1af Awst

Uwchraddedig = 1af Medi

*Gosodir telerau ac amodau; ewch i’n Polisi Blaenoriaethau i gael rhagor o fanylion. 

Edrychwch ar yr adran Sut i Wneud Cais i gael rhagor o wybodaeth a chyfarwyddiadau.  Mae’n bwysig ichi gofio bod lle mewn llety sy'n eiddo i’r brifysgol, neu a reolir ganddi, yn cael ei warantu, ond ni ellir gwarantu math arbennig o stafell na lleoliad a bod Cyfnodau Trwyddedau Llety yn weithredol.

Pam byw gyda ni?

  • Dim ond £100 o Ffi Derbyn i'w dalu 
  • Yr holl filiau ynni yn gynwysedig 
  • Mynediad rhyngrwyd gwifredig a di-wifr yn gynwysedig 
  • Aelodaeth blantinwm rad ac am ddim yn y Ganolfan Chwaraeon er budd eich iechyd a'ch lles 
  • Yswiriant yn gynwysedig 
  • Help a chymorth 24/7 
  • Canolfannau dysgu 24/7 o fewn cyrraedd yn hawdd i'ch llety 
  • Adnoddau golchi dillad ar y safle 
  • Lleoliad cyfleus yn agos i'r adnoddau academaidd ac adnoddau'r campws, yn ogystal â chanol y dref- Opsiynau llety
  • Cynlluniau talu ar gael ar gyfer ffioedd llety 
  • Dim angen gwarantwr 
  • Dewis i fyw gyda'ch ffrindiau mewn fflatiau/tai sydd â rhwng 2 a 10 o ystafelloedd gwely
  • Amrywiaeth o hydoedd trwyddedau a llety haf y Brifysgol ar gael

 Gellir gweld gwybodaeth am lety i fyfyrwyr cynlluniau cyfnewid a myfyrwyr Erasmus yn yr adran Erasmus a Chynlluniau Cyfnewid.