Cyfieithu

Nod yr Uned Gyfieithu yw rhoi gwasanaeth parod ac effeithiol, gan sicrhau bod pob cyfieithiad o'r ansawdd uchaf. Cynigir Gwasanaeth Cyfieithu Cymraeg > Saesneg a Saesneg > Cymraeg i holl adrannau academaidd a gweinyddol Prifysgol Aberystwyth.

Golygu

Anogir staff adrannau a swyddfeydd i gysylltu â’r Ganolfan hefyd os hoffent iddynt edrych dros ddarn o waith y maent wedi ei gyfieithu eu hunain neu wedi ei ysgrifennu yn Gymraeg cyn iddo ymddangos yn gyhoeddus er mwyn sicrhau bod y gwaith yn gywir a bod pob gair a threiglad yn eu lle!

Cyfieithu ysgrifenedig

Dyma enghreifftiau o’r mathau o ddogfennau yr ydym yn eu cyfieithu. Os nad ydych yn siŵr a yw eich gwaith chi yn berthnasol i un o’r categorïau hyn cysylltwch â’r Ganolfan am gyngor pellach.

  • Dogfennau gweinyddol
  • Gohebiaeth
  • Lawlyfrau/taflenni gwybodaeth
  • Gwefannau adrannol a thudalennau'r Brifysgol ar y we
  • Deunydd cyhoeddusrwydd
  • Hysbysebion
  • Arwyddion a hysbysiadau
  • Cofnodion rhai o bwyllgorau'r Brifysgol
  • Deunydd addysgu
  • Papurau arholiad at gyrsiau sy'n rhan o gynlluniau gradd
  • Sgriptiau arholiad a thraethodau sy'n rhan o asesiad ffurfiol
  • Ffurflenni cais gan ddarpar-fyfyrwyr
  • Ceisiadau am swyddi neu ddyrchafiadau yn y Brifysgol
  • Papurau/sgriptiau arholiadau am ysgoloriaethau mynediad

Cyfieithu ar y pryd

Rydym yn darparu gwasanaeth cyfieithu ar y pryd ar gyfer sawl achlysur, ac anogir adrannau i ystyried gofynion dwyieithrwydd wrth drefnu pwyllgorau neu gyfarfodydd mewnol ac allanol. Cysylltwch â’r Ganolfan i drefnu cyfieithu ar y pryd neu os hoffech gyngor. Ymhlith y cyfarfodydd a’r pwyllgorau y trefnir cyfieithu ar y pryd ar eu cyfer mae’r canlynol:

  • Y Llys, y Cyngor, y Senedd a phwyllgorau sy'n ateb iddynt
  • Byrddau adrannol
  • Cyfweliadau/gwrandawiadau yn ymwneud â staff neu fyfyrwyr
  • Cynadleddau a chyfarfodydd a drefnir gan yr adran