Newyddion a Digwyddiadau
Digwyddiadau
Newyddion
Argraffyddion Cyhoeddus newydd ar gael
20/12/2012
Ar 18 Rhagfyr 2012 newidiwyd yr Argraffyddion Cyhoeddus am rai newydd sy’n gyflymach, yn rhatach ac yn wyrddach.
Mae cost argraffu wedi gostwng ac mae’r peiriannau i gyd yn caniatáu i chi sganio i’ch storfa neu i gofbin.
Ceir manylion llawn am y gwasanaeth argraffu ar: http://www.aber.ac.uk/cy/is/printing/selfservice/
Os ydych wedi cysylltu eich cyfrifiadur personol i’r argraffyddion Cyhoeddus, yna fe ddylech ddileu’r cysylltiad a gwneud un newydd gan ddilyn y cyfarwyddiadau ar: http://www.inf.aber.ac.uk/advisory/cymraeg/faq/91
Oriau agor estynedig ar benwythnosau yn llyfrgelloedd Hugh Owen a Thomas Parry yn ystod cyfnod arholiadau Semester 2
10/12/2012
Yn ystod y penwythnosau 12/13 Ionawr a 19/20 Ionawr 2013:- bydd Llyfrgell Hugh Owen yn cynyddu ei horiau agor 2 awr, a bydd ar agor o 10am-8pm ar y Dydd Sadwrn a’r Dydd Sul.
- bydd Llyfrgell Thomas Parry ar agor o 12pm-4pm ar y Dydd Sadwrn a’r Dydd Sul.
Gellir gweld oriau agor yr holl lyfrgelloedd drwy fynd yma: http://www.aber.ac.uk/cy/is/library/
Chwilio Primo, catalog y llyfrgell, ar eich dyfais symudol
10/12/2012
Mae’n bleser gan Wasanaethau Gwybodaeth gyhoeddi rhyngwyneb symudol newydd ar gyfer Primo, catalog y llyfrgell. Mae’r rhyngwyneb newydd hwn wedi ei gynllunio i hwyluso chwilio Primo o’ch dyfais symudol. Mae’n gweithio ar bob dyfais symudol gyda phorwr gwe ac nid oes angen ichi osod app. Ar hyn o bryd cyfyngir y rhyngwyneb i chwilio. Beth bynnag bydd swyddogaethau pellach megis rheoli eich cyfrif llyfrgell yn cael eu cyflwyno yn y dyfodol.
Am fwy o wybodaeth gweler: https://m.primo.aber.ac.uk
Oriau Agor a benthyciadau Gwyliau’r Nadolig
03/12/2012
Mae Gwasanaethau Gwybodaeth am ddymuno gwyliau hapus i bawb.Gellir gweld oriau agor a benthyciadau Gwyliau’r Nadolig ar:http://www.aber.ac.uk/cy/is/library/
Gwarchod eich cyfrinair
23/11/2012
Mae gan Brifysgol Aberystwyth bolisi caeth ynglŷn â gwarchod cyfrineiriau a diogelwch gwybodaeth. Bydd defnyddio eich enw defnyddiwr a chyfrinair PA ar unrhyw wefan nad ydyw’n cynnwys www.aber.ac.uk yn arwain at gloi eich cyfrif dros dro. Mae hyn yn atal mynediad anawdurdodedig posib i’ch cyfrif a rhwydwaith y Brifysgol.Os oes gennych unrhyw sylwadau neu gwestiynau os gwelwch yn dda cysylltwch ag is@aber.ac.uk
Ystafell Fideo-gynadledda Maes Lowri
23/11/2012
Mae Ystafell Fideo-gynadledda Maes Lowri wedi cau o ganlyniad i fethiant y cyfarpar ac adleoliad diweddar nifer helaeth o staff i Gampws Penglais.Mae cyfleusterau newydd ar gyfer fideo-gynadledda ar Gampws Penglais ar gael yn ystafell 1.30 IBERS. Er mai ar gyfer y Coleg Cymraeg Cenedlaethol y darperir y stiwdio hon yn bennaf, gall grwpiau ac unigolion eraill ei llogi trwy gysylltu â Tamsin Cathan Davies ar ted@aber.ac.uk
Gwasanaeth Digideiddio Sleidiau Rhad ac am Ddim
12/11/2012
Gan fod uwchdaflunyddion yn awr yn cael eu diddymu yn raddol o ystafelloedd dysgu mae Gwasanaethau Gwybodaeth yn cynnig gwasanaeth digideiddio sleidiau rhad ac am ddim ar gyfer deunydd dysgu Prifysgol Aberystwyth yn unig drwy gyfrwng yr adran Gyfryngau a Gwerthiannau yn Llyfrgell Hugh Owen er mwyn galluogi darlithwyr i ddefnyddio eu delweddau. Am wybodaeth bellach cysyllter ag is-mediasales@aber.ac.uk neu gweler ein tudalen gwe
Methu cael gafael ar lyfrau sydd eu hangen ar gyfer eich astudiaethau? Pob copi ohono allan ar fenthyg?
08/11/2012
Mwy o Lyfrau
Rhowch wybod i ni am y llyfrau sy’n anodd cael gafael arnynt – gallwn wedyn weld os gallwn eu prynu.
Gwnewch gais am eich llyfr trwy gyfrwng ffurflen archebu Mwy o Lyfrau sydd ar lein ar Primo [primo.aber.ac.uk]
Am fwy o wybodaeth am y gwasanaeth hwn, gweler http://www.aber.ac.uk/cy/is/library/morebooks