Gwybodaeth Modiwlau

Mae'r modiwl tiwtorial wedi'i gynllunio i fod yn fodiwl ategol ar gyfer myfyrwyr sy'n astudio Gwyddor yr Amgylchedd (Rhan Un). Mae'n darparu sail ar gyfer cyswllt goruchwylio agos a rheolaidd gyda myfyrwyr drwy gydol y flwyddyn.

1 ) I gynorthwyo myfyrwyr i allu pontio rhwng Safon Uwch a phrifysgol
2) I gyflwyno myfyrwyr i gysyniadau allweddol a syniadau mewn Gwyddor Amgylcheddol
3) I helpu myfyrwyr i nodi a defnyddio ffynonellau priodol o ddata a gwybodaeth Gwyddor Amgylcheddol yn effeithiol.
4) I ddarparu cymorth ar gyfer, a chydlyniad rhwng, modiwlau craidd Gwyddor Amgylcheddol
5 ) I ddatblygu sgiliau astudio myfyrwyr
6) I ddatblygu sgiliau trosglwyddadwy personol myfyrwyr.

Mae craidd Gwyddor yr Amgylchedd yn cynnwys elfen tiwtorial a asesir gyda thiwtoriaid academaidd personol mewn grwpiau bach o tua pump o fyfyrwyr. Yn y modiwl datblygir sgiliau astudio personol, archwilir uchelgeisiau gyrfaol a bydd trafodaeth academaidd yn digwydd o gwmpas maes llafur wedi ei ddiffinio ym maes Gwyddor Amgylcheddol.

Mae’r gwaith cwrs academaidd yn y modiwl Tiwtorial Lefel 1 yn edrych ar y themâu sy'n deillio o'r pynciau a drafodir ym modiwlau Gwyddor Amgylcheddol y flwyddyn gyntaf a thrwy ymchwiliad o'r fath yn datblygu amrywiaeth o sgiliau astudio academaidd. Mae'r rhain yn cynnwys:

Cynllunio arferion gwaith a gosod targedau academaidd a phersonol;

Defnyddio’r Llyfrgell a sut i adeiladu rhaglen ddarllen effeithiol; arddulliau o wneud nodiadau / anodi a chyfeirnodi llyfryddiaethol;

Casglu data, dadansoddi a dehongli;

Ysgrifennu o fewn Gwyddor Amgylcheddol, Ysgrifennu Traethodau a thechneg arholiad (caiff myfyrwyr eu cyflwyno i sgiliau ysgrifennu da a'r nodweddion a ddefnyddir i asesu gwaith ysgrifenedig).

Gellid datblygu ac asesu’r sgiliau astudio hyn ar ffurf dau aseiniad byr. Yn y semester cyntaf, er enghraifft, gallai'r rhain gynnwys sgiliau Llyfrgell: yn yr ail semester, gallent gynnwys sgiliau ymchwil wrth gasglu ac adrodd ar ddata maes eilaidd neu leol. Bydd y marciau ar gyfer y ddau aseiniad hyn yn cael eu defnyddio yn yr asesiad terfynol. Yn ogystal, rhaid cyflwyno o leiaf pedwar traethawd a osodir gan y tiwtor, a bydd marciau o dri o'r rhain yn cael eu defnyddio yn yr asesiad terfynol. Bydd y pynciau ar gyfer y traethodau yn amrywio. Mae'r traethodau yn ffurfiannol a chrynodol a dylai myfyrwyr ddisgwyl adborth gan y tiwtor ar ôl pob darn o waith ar sut y gallant wella traethodau dilynol.

Mae'r modiwl tiwtorial yn rhoi cyfle i gymryd rhan yn uniongyrchol yn eu dysgu, i gyfrannu at drafodaeth a rhoi cyflwyniadau ar eu gwaith i grŵp bach o fyfyrwyr. Ochr yn ochr a’i rôl academaidd, gall trafodaeth o adeiladu CV a gyrfaoedd ddigwydd. Bydd dyfarniad tiwtor o berfformiad cyffredinol myfyriwr yn ystod y rhaglen lawn yn ffurfio elfen olaf, fach, o asesiad y modiwl.

Mae craidd Gwyddor yr Amgylchedd yn cynnwys elfen tiwtorial a asesir gyda thiwtoriaid academaidd personol mewn grwpiau bach o tua pump o fyfyrwyr. Yn y modiwl datblygir sgiliau astudio personol, archwilir uchelgeisiau gyrfaol a bydd trafodaeth academaidd yn digwydd o gwmpas maes llafur wedi ei ddiffinio ym maes Gwyddor Amgylcheddol.